بريدة ستي - - ––––•(-• سـَواليـف نـهـيـمـيّـة خـفـافـيـّـة •-)•–––

ياحبيلكم .. إلى اللحين أنتم وهالموضوع ؟
أنا ناسيه .. :confused: !

لأني الحقيقة نويت أسحب عليه .. :091: ماشاءالله وصل الزيارات فوق الثلاثة آلاف !
والردود الآن فوق المية وثلاثين رد .. ! :eek: !

حاقة .. مُزهله وفزيعه فعلاً .. :09: !
طيّب ، لعيونكم يا حلوين نعطيكم هالسُولافه < - - بدأ يتغلى لا أكمخه :096:

مرّة من المرات ، كان لي رفيق [ إمام مسجد ] .. كل رفقاي مطاوعة ولله الحمد .. !
وأنا الله يستر علي بس .. :094: !

صليت مع رفيقي كم [ نوبة ] .. أمر يقضبن ! ويتلن مع العلبات .. ! :116:
قلت خير .. يا طير .. وش تبأ .. السنة الراتبة وصليتها .. وش عندك يا مطوّع ؟ :09:

قال سمعت ان صوتك بالقراية حلو .. وأنا أبيك تسوي لي معروف وتجيب كتاب وتقرأ على الجماعة !
قلت .. أبك أنت مهبولـ ولا تهيبل .. ؟ أنا أنا أقرأ ؟ :021:

قال ما فيه .. تقرأ يعني تقرأ .. !
فما كان مني .. إلا أن قلت .. سم وابشر .. بس عليك العشاء الليلة .. ومن كودو بعد :052:
قال تم ... < -- كفو والله امام كريم .. تسنه إيّاي :113: !

همير يا طويلن العمر .. رحت للبيت .. وسحبت ذاك الكتاب .. الي جازلي غلافه .. !
قلت شكله يصلح للجماعة .. !

وأجلس أفتش فيه .. والله فيه مواضيعن طيبة .. !
وأختار لي هاك الموضوع .. والظاهر انه كان يتكلم عن [ النميمة ] .. !

ويوم جاء الموعد ، والله وأنقز للمحراب .. وأسحب المايك .. تسنبأ علم :110:
وباسم الله .. وأفتش .. الموضوع .. !

وأبدأ بالقرايه .. والجماعة ماشاءالله .. مُنصتين للتحديث الي ما بوه مثلوه :091: !
وأنا أقرأ .. الموضوع ماشاءالله ماشي تمام .. وكل شيء طيّب .. !

ما دريت إلا الرجال بدأ يسب الدولة :confused: !!!!
مهب أنا .. أقصد مؤلف الكتاب :eek:

أوالله الورطة .. !!
وأنا ألي أبلش بعمري .. وأتلخبط .. وأحكحك راسي .. وأعدل شماغي :113: !
وش السواة .. ؟

ما أقدر أنط الكلام .. ولا أقدر أختم الكلمة .. لأني توي بادي .. :oo !
فــ ما كان مني .. إلا بديت أسررررررررعه بالقراااااااايه :113: !
وأبربر بالهرج .. وأبلع نص الحروف .. تسني شايب عمره 80 :113: !

والله ما علي من أحد .. باتسر .. أنام في دار أبوزعبل علشان هالتحديث :113: !
الامام دخل .. على اللحظة الي جلعدت فيها .. :113: :113: !

أمر يمسكن بعد الصلاة .. !
قال وش بلاك .. مجلعد تقل قارصتك عقرب .. ! :i121

قلت والله أردى .. :113: !
العقرب أهون :113: !

وكل هاك اليوم .. وأنا متلغمد بفراشي .. أحتري القوات الخاصة تُداهم المنزل :113: !
هع هع ! :D

بس ستر ربك ..
والكتاب وشققناوهـ .. لحد يجي يترزق عندي :113: !
أهم شيء الأخلاق والوطن .. !

وأنصح الجميع يفتشون الكتب الي عندهم .. لا يصير بهن بلا :D !

وفي الختام نُهديكم هذه الإنشودة الحلوهـــــ :

[RAMS]http://epda3.net/iv/es1436.ram[/RAMS]

ســـــلامي !،