]والله الصراحة ماجد العقل مايفوت ماشا الله
يازول ياعجاز الدنيا مايلحق له طرف وش عليه العجله

السلام عليكم ورحمة الله وبركاتة الله يسلمكم القارئ محمد المبرك الله يحفظه والمسلمين يبي يصلي بس في رمضان في مسجد الشيخ صالح السلمان رحمه الله واموات المسلمين يوجد شمال شرق مخابزالسلمان داخل الحاره هذي السنه الثانيه في المسجد لاكن اعلمكم بصراحه قرأته ممتاااااااااااااااااااااااااازه قووووووووووووووووووه لايفوتكم

السلام عليكم ورحمة الله وبركاته

أيها الأحبة الكرام أيام قليلة ويحل الشهرالمبارك شهر رمضان إن شاء الله

شهر الرحمة والمغفرة والصيام والقيام

الجميع يبحث عن أبواب الخير والطاعة فيه

أسأل الله أن لايحرمنا وإياكم قبول ما نقدّم فيه

ومن الطاعة في هذا الشهر المبارك

صـــلاة التراويح

حيث يتسابق المتنافسون في البحث عمن يصلون خلفه من أئمة المساجد ذوي الصوت الندي

خاصة إذا كان مسجدهم لا يشجع على الصلاة فيه لأسباب معروفة
....اخواني الأحباه يوجد في مسجدنا مشكله كبيره من ناحية الامام تدرون أنه لايوجدعندنا الي اليوم هذا امام وفي كل وقت نقول من يصليبنا يالله يجماعه صل أنت لالاوالله صل أنت لالايصلي فلان وتطلع المساجد وحنا ظايعين بين صل لالاصل أنت والأوقاف والله مادرة عنا أوعن غيرنا أهم شي25من الشهر وأنتم تعرفون باقي يوم أويومين على رمضان الله يحيينا وش الحل رغم أن جار المسجد شيخ معروف وقرأ ممتازين مع مرتبة الشرف ورفضو ايوالله العظيم وش السواة؟؟ والطامه الكبرى جوعندنا3للتجربه وصارحرب بين؟؟؟؟؟الله يخلف والسبب العنصريه هل يعقل ياجماعه وبالعقل العنصريه حتى في مصلحة بيت الله العظيم وبعض الجماعه مع من غلب___ وازيد جاء واحد وأخذ وظيفة الفراشه حقة المسجد((عامل تنظيف المسجد)) وحولها اداريه في الأوقاف والله العظيم قههههههههههههههههههههههههههههههههههههههههههههههههه هههههههههرمووووووووووووووووووووت والله أني ياجماعه انسان عادي جدآ والحمدلله ديرتنا فيها ناس كثريحبون الخيرملتزم أوعادي والدين له حدود..... ماأقول الله يخلف على دين الدراهم والدنيا.. الله يذكرك بالخيريابو؟؟؟؟؟الأمام السابق واقسم بالله كان مسوي شي مايسويه احدفي المسجدوالله يجزي المسلمين بالخير*** اسف على الأطاله والله من قهري وجزاكم الله خيرا

الحسن او الشلاش سلطانه الغربيه مسجد هارون الرشيد

مسجد المعيوف الي بالحي الاخضربالفايزيه الامام صوتة روعة والمسجد نظيف

مشكوووووووور

الشيخ عبدالله الحسن.....
في سلطانه خلف قرية نجد

الإمام خالد الضيف بمسجد السعدي بعنيزة، والله ما تأكدت لكن كد سجلت له تلاوة خرافية وضاعت ، لكن هذا نموذج

أحب لما يطلع بالقراءة لكن هنا ما تحمس كثير [ استمع بالنقر هنا ] ، والمصلين معه كثير جداً ما شاء الله تبارك الله يجونه من مسافات بعيدة.

القارئ عبدالعزيز السالم
في حي الصفراء مقابل أسواق النخيل
مسجد مجدد وسيفتتح في أول ليلة في رمضان

قرائته تشبه الشيخ ماهر المعيقلي

القارئ عبدالعزيز السالم يعود لمسجده بعد اغلاقه سنتين
 

سيعود القارئ عبدالعزبز السالم لمسجده الواقع مقابل اسواق النخيل بلازا
في اول ليلة في رمضان