|
الفكر والغيره موجوده لدى الجميع ولهذا تم تخصيص مثل هذه الاماكن التي يمنع دخول الرجال فيها واعطي للمراءه خصوصيتها الكاملة كما اوضح ابو عبدالعزيز مشكوراً بهذه الصوره http://mmm1420.jeeran.com/goth1.jpg الفكر سوف يتأخر اذا لم نستوعب المواضيع من جميع جوانبها ونتثبت منهااااااااااااا بشكل صحيح ولا اعتقد بعد شهادة الهئية شي .؟ |
قال تعالى ( ولاتتبعوا خطوات الشيطان أنه لكم عدو مبين ) . .
أختي الكريمه / يعلم الله أنك لك الإحترام الخاص والحفظ التام والا مالذي يشغلنا بك أنت حره بنفسك . . لكن أختي الكريمه يجب علينا أن نهم ماذا يريده أعدائنا منا وخطواته التي ظاهرها الرحمه وباطنها العذاب والحسره . . أعلم أنك تقولون ماهذا التحجر .. لكن أريد ان أقول شي أليس الذي خلقك هو أعلم بك من نفسكـ يقول خالقك عزوجل ( وقرن في بيوتكن ولا تبرجن تبرج الجاهلية الاولى ) لانه يعلم في خروج لغير فائده فساد لك ولغيرك . . المرأه يجب ان تفكر في امر طاعتها لربها أكثر من طاعتها لشهوات نفسها التي تدمـر مجتمعنا بأكمله . . إذن أختي الكريمه أنت الدرة المصونه والجوهرة المكنونه , سنجتهد في الحفاظ على جوهرتنا الكريمه حتى ولو بذلنا أنفسنا .. ختاما / فكرن بعقولكن أخواتي الكريمات أكثر من أي شي آخر . . شكرا |
مالت عليكم ومالت على اللي يقابلكم حسبي الله ونعم الوكيل هججتون من بريده ديرتي استغفر الله
تفرجوا على بنات لبنان وحضارتهم وتعالوا اتمهزوا بحريمكم ولين جو يتعدلون ويتسنعون قلتوا حرام الدين ماله وجود بنظركم الا عندكم انتم وباقي ارض رب العالمين كلها كفروفسق وفجور اتقوا الله تدعون الدين والله وحده يعلم من منكم من اهل النار ومن منكم من اهل الجنه الرسول قال في حديث رفقا بالقوارير ارفقوا بحريمكم لا هجن وخلنكم ما نفعتكم ياليت واللي يقول الحريم ينثبرن ويقعدن ببيوتهن يقعد امه وخواته كل واحد مسؤول عن اهل بيته خلوا خلق الله ربهم اولى فيهم |
أنتم الحين تعارضون على انه فتح و ماتدرون بالضبط وش السبب كل شوي جايبين علثة بس انه ما عجبكم و بس ياخي لا تودون بناتكم له و خلاص بجون هالضجة اللي انتم مسوينها :: و بعدين كل شوي جايبين سبب أول شي قلتو ماله داعي تطلع بس عاشن تشرب قهوة و بعدين دريتو انه فيه نادي رياضة و قعدتو تتشمتون و تقولون بكرا تكبر السالفة و يصير لهم ملعب وش هالتفكير !! رياضة للياقة بس و تخفيف الوزن مب كورة و خرابيط :: بعدين قلتو عشانه قريب من الشباب أول شي انه مب قريب لهادرجة اللي أنتم قلتوه و بعدين من اللي يبي يوصلها مب أنت !! يعني خلاص ماحد يقدر يقرب لها و اذا جت تطلع مب أنت اللي بتاخذها خلاص يعني نفس الشي الا اذا كنت خايف انك بعد ما تنزلها تسوي شي بمكان كله حريم :( يعني أفهم انكم ما عندكم ثقة في بناتكم !! و الا وشو و الثاني اللي يقول مدخنات أجل من زمن أمي و البنات بالمدارس يسوون هالشي اللي تبي تدخن بمكان عام أكيد إن أهلها يدرون .. و هذي مسألة ثقة بينك و بين بنتك أو أختك زوجتك و مب شرط تكون جابت هالشي من هالمكان حتى بالمدارس تصير بلاوي أعظم يعني نصك على بناتنا حتى من المدارس اللي مربي بنته صح و معلمها صح ما فيه شي بيأثر عليها :: و بعدين خيرررر ترا حنا بنات حمايل و لنا أهل يخافون علينا وحنا نخاف على أنفسنا و نخاف من ربنا ترا اللي فتحوه مسلمين و يخافون الله مب منتظرينكم تجون تعلمونهم الصح من الغلط و تتفلسفون بس كذا لأنكم ما تبون تتطورون و تلزقون السالفة بالدين ماله دخل الدين بهالشي بطريقتكم و أسلوبكم هذا بتكرهون البنات بالدين غصب عليهم خاصة الصغار اللي ما يفهمون حرام عليكم تسوون هالشي :: أشوا الحمدلله فيه كم رد هوّنوا علي شوي أحسب كلكم نفس التفكير أكثر شي عجبني رساوية ماشالله عليك الله يكثرمن أمثالك :: ردي على اللي يقول ماله داعي كثرة الطلعات عندكم عادي كل اربعا و خميس باستراحه و مخيمات و مدري وشو بس اذا جت على شي جديد و متطور يصير لا و حرام بعد :: و واحد من اللي ردو يقول علشان اسمه صدق لو ان اسمه شي عادي أو عربي أو اسم عايلة كان ما سويتو شي و لا دريتو عنه :: و لفت انتباهي رد واحد على بريداوية بالرياض اقتباس:
ترا البنت مسلمة تفهم وشو مسلمة تصلي و تصوم و تخاف ربه و لا جابت سيرة القرآن ليش تألف كلام من مخك و تتبلى البنت !! خاف ربك أنت باللي قلته هي ما قالت شي هي تقصد التفكير المنغلق ما جابت سيرة القرآن :: طولت بردي أدري بس بعذري و بعد ودي أقول أكثر من كذا بس لهدتوووووووووون غثيتون |
اقتباس:
الله المستعان على هكذا مجتمع مريض لدرجة العفن . |
اقتباس:
غصب يطلع هالكلام لو أقدر أقول أكثر من كذا كان قلت |
اقتباس:
المغازل بين البنات والشباب حالة صحية صرت ارتاح اذا شفته اقول ايه اشوى مب كل شبابنا مبتلين باللواط.. المشكله ان الناس مغمظتن عيونه كأننا ما عندنا هالبلاوي . من كثر التشدد صارو العيال يبون عيال و البنات يبن بنات...وهن أحد يتكلم والا يقول شي عن هالسالفه كان ينطون بك و يردون عليك اننا احسن الناس و مابوه مثلنا . و يشككونك بعمرك تسنك اعمى ماتشوف ولا عشت بهالدنيا! ماعلينا, نرجع لموضوع الكوفي شوب. اللي مايبي يودي اهله لمه بالهاوي انشالله عمره ما وداهم, أحسن خلهن يتعقدن و يطفشن بناتكم.. ماعمركم سمعتو بعبارة :"الضغط يولد الانفجار"؟؟ وش رايكم بعد ماتودونهن مدارس و كليات أحسن هماه؟ وشوله بعد الدراسه و هن مصيرهن بالبيت؟ اصلا معروف تاريخيا ان كل شي جديد بالمجتمع من الطبيعي انه يواجه رفض, وبعدين يوصل مرحلة قبول .. تلقا الناس انواع النفاق الحمد الله والشكر. ابتداءا من الرادو و السيارات و مدارس البنات. وصولا لجوالات الكاميرا.. كلهن واجهن اعتراض ببدايتهن والحين كل الناس معهم! معترضينن لي على خربطت كوفي شوب حريم؟؟ تبونهن يقعدن بالبيت؟ وش رايكم انهن مبن قاعدات! وش رياكم انهن يبي يسوقن بعد! اذا تبون تطبقون "الأحكام الشرعية" على حريمكم طبقوهن. ما اقول الا الله يصبرهن... بس لا يجي أحد و يتفلسف على حريمنا. حنا نبي حريمنا تطلع وتستانس. والا بريدة ديرتكم ولاهب ديرتنا؟؟ |
يااااااااااالله لك الحمد والشكر بس اني موب ببريده .!!
اول شئ دعاائي لكم بالشفاااء العااجل يارب .. يالله انك لا تزيغ عقولنا :D والله يعين اهل بريده على تفكير بعضكم ,, الحمد لله فيه ناس ردوه فاهمه :41 وصح اني موب ببريده بس اني دايم طابتن به واول شئ بسوييه لاجيت بالاجازه ان شااء الله بروح للكوفي والعياذ بالله خخخخخ :cool: |
شكرا على الاخلاق الرايعة الجميلة ممكن تتحسن الالفاظ بس شوي
|
العجلة والحكم على ظاهر الشي مما هو متوقع
سمة أغلب الشباب... والدي حينما قلت له عن النادي سألني... وش فيه انا ما ادري لأني ما رحت له... لكن ما حكم عليه بشي ولا حذرني من الروحة له بنفس الوقت لما عرفوا اخواني عنه كان ردهم مثل رد معظكم مع ان الجميع ابوي واخواني ما وصلهم شي عنه... لا حظوا معي الفرق بين حكم الكبير المتزن والعاقل وبين الشباب المتعجل باطلاق الأحكام... |
جيد
ليش ما نتعاون مع صاحب المقهى على الخير مثل دعوة إحدى الصالحات لاكتشاف الوضع ليش ما نقيم فيه دورات نافعة مسابقات ونحوه نجعل الصالحات هن المسيطرات بدلا من الهروب والهدم كطبعنا دائما!!!!! |
جيد
ليش ما نتعاون مع صاحب المقهى على الخير مثل دعوة إحدى الصالحات لاكتشاف الوضع ليش ما نقيم فيه دورات نافعة مسابقات ونحوه نجعل الصالحات هن المسيطرات بدلا من الهروب والهدم كطبعنا دائما!!!!! |
رويدا حتى يتبين الأمر
ولعل الأمر بداية فنستثمر هذه البداية |
اقتباس:
آن أن ننام قريري العين بعد أن وضع الأخ (تأبط رأياً) النقاط على الحروف .. و آن للمخالفين بعنفوانية أن يراجعوا أحكامهم التي خرجت من دون تثبت أو إطلاع على المركز من الداخل . و قد يكون آن الآوان أيضاً لتتأقلم بعض العقول على إستيعاب بعض ما يستجد بدون تعصب أعمى ، و بروية و حكمه و عدم إستعجال . شكراً تأبط رأياً ، و شكراً هيئة مركز الصفراء .. و الشكر موصول للجميع . دمتم في حب و سعادة . |
| الساعة الآن +4: 04:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.