ايه لاتخاافين انا مكلمه الجامعه يقوول الى نهااية رمضضان
اصبررووو

يارب توفيقك

جزاك الله خير ووفقك الله لما تحب وترضى واسعدك فالدارين

الكلية التقنية للغذاء والبيئة ( أفزعولي )
 

رح لمهم استفسر اخبر واحد من اخوياي ذاك اليوم مرسلين النتيجه على رقم جواله ووحده من المواد هـ يعني راسب يوم راح لمهم قالو له ناجح بس عندنا لخبطه بالجهاز ونصيحه اختر حماية بيئه ولاسلامه اغذية وانتبه من تخصص الدواجن لايقربك ههههههههه والله يوفقك

آنآ للحين مآجآني قبول لية وش السبب؟
حتى كل الرغبات اللي ابيهن زحمة ولافية مكآن الا بالواسطة
----------
وخويي كآن يبي الرس ويقولون فل وودوه للمذنب انجليزي
وش السوآهـ يمدية ينقل ؟؟ ولايعدل اللي اختره مثل انجليزي ويحول الى تربية خاصة ولاحاسب
----
والحين وش الاقسام اللي مافيها زحمة
والحاسب الحين مافي الا دبلوم؟
ياليت تردون علي

متى اوقات الدوام بالجامعه في رمضان

فر منها فرارك من الأسد ما توظف ،،،، متخرج منها واحد عام 1425هـ إلى يومك اليوم ما توظف وتقديره ممتاز

شكرًا لك أخي حاني الروح،
عندي استفسار...

إحدى قريباتي كانت تدرس في الكلية قبل ثلاث سنوات لكنها سحبت ملفها قبل سنتين على أمل التسجيل مجددا.

ظهرت نتيجة مواعيد القبول على أنها مقبولة انتساب لغة عربية، وبعد يومين من إرسالنا الأوراق ظهرت النتيجة بأنها مقبولة في قسمها الأول (تاريخ) وظهر رقمها الجامعي القديم، وظهر فصل القبول 1429/1430.

هي تريد البدء من جديد تماما... ما العمل؟

آآخـي حآآني

وين العدل بكم ي جآمعة القصيم ليش نآآس نفس نسسبتنـآ وقبلوهم

وانآآ لآآ ... وين العدل ..!!!

ليش نسبة 60 مقبوله انتسآب

حنآ ماقالنآ نبي انتظآم ميخالف انتسآب بس وراه ماقبلونن نفسهم وين العدل

ع العموم حسبي الله ونعم الوكيل آي واحد من جامعة القصيم مآيعدل الله لآيوفقه لآدنيآ والا خرهـ
ونتقابل عند رب العآلمين ..

درآسة 12 رآحت ع فااضي

حسسبي الله ونعم الوكيل

كل عام وانتم بخير
بركات رمضان تم قبولي بالجامعه >> الله يبركرفيكم
ابي اعرف وش التخصص الي انقبلة فيه كيف
وشكرا

ليش كل ماحط نتائج القبول وحط الرقم السجل والرقم السري
يقول واحد منهم غلط ومره يقوول السري
وانا تووني مغيره الرقم السري ومتاكده منه صح مليون بالميه
لييييييييييش حرااام بطلع رقم الجامعي وش السوااات
يعني خلل من الجاامعه يلعبوون بناا

مثل حالتي ومدري وش السالفه تاريخي قديم
وحايسن كل شي:confused: !!

موعد ومكان تسليم الوثائق

تاريخ اعطاء الموعد :30-08-1432

تاريخ تسليم الوثائق :2-09-1432

الوقت من الساعة 12:00 م

تاريخ الغاء الموعد :8-09-1432

وش معنى الكلام هذا؟؟

حتى انا جآني موعد
بس الحين وش الاقسام الموجودهـ
شيكت بالموقع حقهم لقيت بعض الاقسام مقفلة ليشش
والباقيات دمار وبعضها دبلوم
وش الحل؟

بنات ساااعدوني أناطلع بستمارة ت القبول مبروك تم قبولك يرجى مرجعة نتائج القبوول


رحت وكتبت سجل المدني

بس كلمت السر نسيته وش أسوي؟؟؟

ردو علي تكفون

سويت مثل ماقلتي بس يطلع سؤال وأذ جوبت يطلع
البيانات المدخلة غير صحيحة. يرجى إعادة إدخال البيانات مرة أخرى
وأنا كاتبه السجل صح بس مادري ليش

السلام عليكم ورحمة الله
سجلت بالجامعة والى الان ما ارسلت اوراقي لوجود خلل بكلمة السر بحيث اذا دخلت ايقونة طلب القبول لطباعتها يطلب من السجل المدني وكلمة السر بعدين اذا دخلت كلمة السر يقول غير صحيحة رحت لاسترجاع كلمة السر وحدثته وقال تم الثحديث بنجاح والان ادخله ويقول الرقم غير صحيح ..
ابي حل للمشكلة ربي يوفقكم ...

الحين وش باقي اقسام مفتوحة
والباقيات كلها مقفلة
وش الحل؟

لو سمحتو انا حتى الحين يقولون قيد الراسه وشلون يعني في قبول اولا تكفووون ساعدوني الله يوفقكم

يأختي أصبري حتى 15رمضان هذا أخر شي والله أعلم

وأن شالله يجيك قبول بس أنتساب

مشكوره يا الغلا

والله ودي أساعدك بس ماعندي خبر

سؤال:/
قسم الشريعه بكليه الشريعه البنات هل له مقابله شخصيه للي مقبوله بالقسم ..

إن شاء الله فيه أمل .


على ماأعتقد أنه باقي خطوه..
وهي التسليم النهائي للجامعه .




ماأعتقد أنه تقدر .


هالرابط /
http://www.sp.com.sa/Arabic/Eservice...kandTrace.aspx

بعدي ضعي في الفراغ / qau بعدين سجلك المدني بعدين sa
ويبي يطلع لك بيانات الملف ..
وطبعا شيكي على موقع الجامعه بعد 4 أيام من إرسال الملف علشان الرقم الجامعي .






للأسف ماعندي علم .

وصل القبول للنسبة المكافئه عند 66%
إنتظر.. إن شاء الله ينزل لك قبول .




ماأعلم .


ياليت لو تتواصل مع عمادة القبول والتسجيل
وإرسال مشكلتك مع إرفاق رقم الطلب على هالبريد /
r e g @ q u . e d u . s a

* انقل البريد بدون مسافات





كم نسبتك الموزونه .؟





لما تروح لصالة القبول في اليوم المحدد لك هناك تختار القسم .




أول شي تأكدي جيٌدا من الرقم السري ..
إذا مانفع.. بإمكانك ترسلين رسالة على هالبريد /
r e g @ q u . e d u . s a
وتوضحين فيها مشكلتك .




يعني موعدك كان أمس ..
إذا أنت ماسلمتهن للحين .. بإمكانك تروح اليوم..
وآخر يوم لك 8/9/1432




سوٌي إستعادة كلمة السر .

تأكدي أكثر من الرقم ..
وإذا المشكلة مازالت .. إرسلي شرح لمشكلتك على هالبريد /
r e g @ q u . e d u . s a

مع إرفاق رقم السجل المدني أو رقم الطلب .
وإستعجلي في الطباعه وإرسال الملف علشان مايروح عليكِ القبول .




شف هالرابط /
http://www.qu.edu.sa/Default.aspx?tabid=3315


مافهمت .. كيف رمز بريد .؟






مافيه شيئ رسمي..
لكن ممكن فيه إنتساب ..
تفائلي بالخير .




لا

مبروك! تم قبولك في جامعة القصيم ،،، تهانينا
للمزيد من المعلومات, يرجى الذهاب الى خدمة نتائج القبول
الحين تم قبول ولد اختي خلالالالالالاص طيب ليش يقول يرجى الذهاب نتائج القبول
فيه شي بنتائج غير رقم الجاااااامعي
وشكررررررررررررا لكم

اقتباس:

المشاركة الأساسية كتبها شقاوة طفوله (المشاركة 3121654) السلام عليكم ورحمة الله

أبي حل لمشكلتي الله يخليكم

بيروح الوقت وأنا ماكملت التسجييل:eek5

سؤال:/
وش السبب إلى الان ماطلع لي الرقم الجامعي وانا من مبطي مرسله أوراقي ..

يعمري انتي الله ييسر امرك
طيب إرسلي ولي امرك للجامعه يمكن يقدرون الموظفين في الجامعه يسوون شئ قبل مايلغى قبولك وعيونك طايره
خلهم يشوفون لك حل
لا تتهاونين يوم السبت إرسلي احد لجامعة المليداء

اخوي حاني الروح انا قبلون عربي الترم الثاني =(

وما ابغى القسم ولا الترم الثاني كييف أقدر احول ؟؟> القسم والترم ومشكوووووووووور مقدماا

الله يعين على غثاهم بس نقضي من عله تجي عله ثانيه ص1

مبرووووووووووووووووووووووووووووووووووووووك

أيه قبلوني أنتساب


أنتي وشو قسمك

قسمي دراسات اسلاميه وانتي

لغة عربية

حسافه أحسب قسمك مثلي

السلام عليكم ورحمة الله وبركاته

آبسالك فييه آحد نفس هالمشكله وشو الحل

واحده من قريباتي قبوله ملغي مع ان مجموعه 83 وكل شيي تمام بسس مشكلته انه دراسه الثانويه بالرياض وهالسنه نقلو للقصيييم وش الحل تكفووون

لا. مو رقم الطلب .
رقم السري اللي قبل حطتيه

السنه التحضيريه صعبه ولا لا
انا انقبلت فيها
وضيف عندكم يااهل بريده >>>>فديتكم

اختاري " نتائج القبول "
إذا طلع رقمك الجامعي فإن أوراقك وصلن وأمورك تمام .




هو راح لموعده وسلم أوراقه .؟




تم الرد عليكِ في هالمشاركة /
http://www.buraydahcity.net/vb/showp...postcount=1232







هل تحتاجين طلب إستنثاء .؟




الترم ماأعتقد أنك تقدرين تغيرينه ..
والقسم تدرسين ترم وتحصلين على معدل كويس وتقدمين طلب تحويل .



الإنتساب أعتقد يلزمك تدرسين سنة كاملة وتجيبين معدل مرتفع بعدين تقدمين طلب تحويل لِـ إنتظام .





لا ,, الإنجليزي في الكلية اللي في الاسكان .
والآن بإذن الله أبضع الرد الخاص بمكان الكليات .
اللهم آمين . و لكِ بالمثل .
شكرا للدعوات الطيٌبة .

لازم تقدم إثبات سكن..
وضروري تستعجل علشان مايروح عليَه القبول .




على حسب همٌك ..
إذا أنت ناوي تجتهد وفي بالك قسم معيٌن بعد التحضيرية وتفضله ,, بإذن الله تيسر لك
أما غير ذلك ,, طبيعي تبي تكون صعبه عليك : ) .

طيب وين بالجامعه نفسسه

الله يجزاك الخير

^^

نعم..
يقدم ولي أمر الطالبة إثبات السكن بالمبنى الرئيسي في المليداء .

السلام عليكم

انا راح ولي امري للجامعه علشان الاستثناء

وانا مقبوله انتظام قسم e

والموظف كتب بالاستثناء ان تقبل انتساب

وانا ماابي عربي او دراسات
اقدر اعدل
لان قبولي انتظام

واللي لازم استثناء يحطونها انتساب اجباري ولا كيف

الف مبروك قبولك اولا

الله يبارك فيك
بس انا الى الحين ماطلعلي رقم جامعي اليوم بس قدمت الاستثناء

طيب ضيقتي صدري يعني اجباري نصير انتساب
مافيه انتساب الا عربي ودراسات وانا ماابيهم

قهر والله
ياليت اخ حاني ترد علينا باسرع وقت

تعبت اشقى

كم يوم بعد الاستثناء وطلعلك رقم جامعي

احد يرد علي وش الاستثناء :i121

كم لك متخرجه من الثانوي

صراحه قدمت قبل إسبوع
وماطلع لي رقم جامعي

بداية الاسبوع الثاني ارسلت ولي امري ومعه الاستثناء لعميد القبول والتسجيل
والحمد لله على طول طلعولي الرقم الجامعي
يعني يلزمك ترسلين ولي أمرك لعميد القبول والتسجيل مع ورقة الاستثناء حتى يطلع لك رقم..



أخ حاني أرجو الرد على سؤالي
طلع لي نتيجة القبول إنتظام النصف الثاني
ولكن مكتوب بالاستثنا ء تقبل كمنتسبه فقط..
يعني الموظفات يغيرون كلامهم بعد مانراجع بالكليه ام يمشون على نتيجة القبول ..

للأسف ماعندي علم بخصوص تحويل المستثناة إلى إنتساب ..
لعلٌي أستفسر وأرد لكم .

الأوراق تودينهن للبريد وليس للجامعه .
وطبعا مافيه قسم نساء.. لكن إذا تعذر ذهاب ولي أمرك أعتقد عادي تسلمينهن أنتي للبريد.
وإذا بغيتي تشوفين وين وصل ملفك .. هذا الرابط /
http://www.sp.com.sa/Arabic/Eservice...kandTrace.aspx

ضعي في الفراغ qau بعدين رقم سجلك المدني بعدين sa

توضيح أماكن بعض أقسام الطالبات /

1/ كلية العلوم والآداب - الأقسام العلمية - اللي هن " رياضيات وفيزياء وكيمياء وإحصاء وإحياء "
في الكلية اللي في المنتزه الغربي . أو البعض يعتبرها ضمن " حي مشعل " .
و هنـا صورة و وصف للكلية .



2/ كلية العلوم والآداب - الأقسام الأدبية - اللي هن " عربي وإنجليزي "
في الإسكان . و هــنا صورة و وصف لموقع الكلية .


3/ كلية التربية .. طبعا قسم " رياض أطفال " في مبنى كلية التربية في المنتزه " اللي قريبه من العثيم "
و هنــا صورة لموقع الكلية .

وقسمي " تربية خاصة وعلم نفس " مع كلية الشريعه اللي في الصفراء .
و هنـا صورة لموقع الكلية .
يعني تربية خاصة وعلم نفس والشريعه والدراسات والأنظمه والقراءات في مبنى كلية الشريعه بالصفراء .


4/ كلية التصاميم والإقتصاد المنزلي في الفايزية
وهنــا صورة للموقع .

يعطيك العافيه اخ حاني

ياليت تردلنا باسرع وقت

الله يعطيك اللي تتمناه

ابشركم

طلعلي رقم جامعي الحمدلله
بس حطوني انتساب ولغه عربيه

اقدر ارجع للقسم اللي انقبلت فيه ولا لا

أخ حااني خلاص الله يوفقك مايحتاج تسأل
طلع قبولي إنتساب
الله يجزاك خير ويدفع عنك البلا

center]ام صبا الحمد لله
أنا قالو لولي امري خلها تشد حيلها بالنصف الاول وبعدها تحول للي تبي
يالله شدي حيلك النصف الاول وإذاجبتي مجموع زين تقدرين تحولين النصف الثاني لأي قسم تبينه

شموخ ماأقدر ارسل خاص مشاركاتي قليله
وارسلي ولي امرك يقنعهم بإنك محتاجه تكملين وتوظفين وإنه قبل كان عندك ظروف منعتك
وبشرينا عنك الله يوفقك

[/center]

تعبت اشقى
انتي عربي ولا دراسات

والترم الاول ولا الثاني

السلام عليكم

اخوي انا جتنا رساله من جامعه القصيم

مكتوب فيه (تم ترشيحك للقبول بكلية المجتمع برجاء مراجعه الموقع من خلال الرابط::استمارة المواعيد راجين الا لتزام بالوعيد المحدده مع تحيات عمادة القبول والتسجيل )

هذا نص الرساله ال جتنا من الجامعه

ويوم دخلت موقع الجامعه

نتائج القبول

مكتوب لي

حالة طلبك هي : انتهى القبول مع دعائنا لك بالتوفيق

مع العلما الرساله الي جتنا بجوال ليس فيه اي رابط

اجوا التفسير هل اخوي مقبول ولالا
واي موقع ادخل
والله يجزاك الجنه لو تعطين الرابط

ماأعلم .




هذا الرابط /
http://srv.qu.edu.sa/qu/init?toApp=1

وإختاري " إستمارة مواعيد القبول " .

الله يتقبل منا ومنك اخوي

بس دخلت الموقع واخترت استمرت مواعيد القبول

والي طلع لي
قيد الدراسة... يرجى الاستمرار في زيارة الموقع لحين ظهور موعدك)))

)
ارجوا التوضيح اخوي؟؟؟؟؟؟؟؟؟؟؟؟؟؟

^^

متى وصلتكم الرسالة .؟

اليوم الاثنين \امس\\

^^

والله ياأختي الأصل أنهم إذا أرسلوا رسالة ع الجوال
تدخلين لِـ " إستمارة مواعيد القبول " وتجدين تاريخ الموعد مسجل..
لكن شيكي على الموقع بعد شوي ..
إّذا ماطلع الموعد أفضل شيئ أن أخوك يروح لصالة القبول اليوم
ويبين لهم أنه وصلت له رسالة على الجوال بس ماطلع موعده ويقدم أوراقه
لأن موعده إحتمال اليوم أو بكرا.. وممكن يفوت عليه .

السلام عليكم

تقبل الله منا ومنكم

بسال بعد القبول فيه شي اطبعه ولا خلاص

لاني سمعت اننا نطبع شيوناخذه معنا للجامعه

الله يجزاك خير أخوي حاني الروح... تمت المراسلة للبريد الخاص بالقبول، فتعدلت بيانات التسجيل.

رعاك الله.

الله يجزاك خير أخوي حاني الروح... تمت المراسلة للبريد الخاص بالقبول، فتعدلت بيانات التسجيل.

رعاك الله.

اللهم رب العرش رافع السموات بغير عمد باسط الارض
رازق الطير فالق الحب والنوى
فعال لما تريد
ارزق اخانا " حاني الروح "الفهم وذكره بما نسى ويسر له من امره رشدا
ووفقه وبلغه مراده إنك ولي ذلك و القادر عليه

وصلي اللهم على سيدنا محمد وآله وصحبه وسلم

(f)لروحك التقيه أخي (f)

كيف اشوف جدولي

كيف اطلع جدولي

السلآم عليكم


تكفون مسآآآعده


انآ اليوم رحت للبريد السعودي ابودي آورقي بس لقيته مسكر العصر

وبآتسر الخميس توقعون يفتح البريد بكرآ الصبح واذا يفتح بآي حي علشآن اودي اورآقي لمه

واذا ماافتح بآتسر عادي اوديهن السبت وهو مآآآباقي الا يومين يمديهم يودونهن للجآمعه !!

تكفون طمنوآ قلبي

س:/ هل فيه شي يطبع بعد نزول الرقم الجامعي ؟!

الحين شلون احول من قسم لقسم
انا ابي حاسب والحين هم حطوني بلغة عربية ؟

يابعد عمري ماقصرتي

للحين ما رحـتي :bad
مايفتحون الا السبت روحي للبريد يوم السبت الصبببببح لازم الصبح لحقي على عمرتسس :oo

بالتووووفيـــق (h)

3/ كلية التربية .. طبعا قسم " رياض أطفال " في مبنى كلية التربية في المنتزه " اللي قريبه من العثيم "
و هنــا صورة لموقع الكلية .


يعني بس قسسم واحـدّ!

اطبعي الرقم الجامعي




خدمة الأعضاء ماتتفعل للمستجدين إلا بأول الترم أو نصفه .



عن طريق خدمة " نتائج القبول " .




العفو





ماتتفعل هالخدمه إلا عند بداية الترم أو في منتصفه تقريبا .
بالنسبة للإستثناء.. لازم تقدمين الآن قبل 15 رمضان علشان مايضيع عليكِ القبول .



آمين آمين.. ولك بالمثل .
سعيد جدا بهذه الدعوات الطيٌبه .

الجدول ماينزل إلا في بدابة الترم




إرسليهن اليوم السبت عادي .





إطبعي الرقم الجامعي وإحتفظي بالورقه حتى بداية الترم إن شاء الله




حسب قوانين الجامعة .. التحويل يكون بعد دراسة ترم .







على ماأعتقد فيه أقسام ثانية بس ماأعلم وش هي .

لو سمحتوو احد يعرف اذا الكليه العلميه تفتح في رمضان لاني ابغى اسحب ملفي.
ربي يوفق اللي يرد علي ,,