|
|
رمش مدلل:: نفس سؤالي للبنات ، وفيه في الردود السابقة رد لبنت الرجال ما قصرت فيه . لكن تعرفين نبي المزيد من التفاصيل،، لأن عني ما أدبر شي. الله ييسر لنا. |
فراشه
نوال يمدحونه كثير عشان نفسه زينه وتعامله حلو مع الناس وأماني تعامله مو بزين من اول بس الحين احسن واعرف وحده خيطت عنده وبعدين راحت لأحلام وشافت خيوطها تقول اللي مخيطت لك فنانه ولما قالت لها اماني قالت دايم حلو خياطه وانا والله ماجربته بس قبل ايام اسولف عنها مع وحده من قريباتي وقالت لي عليها. |
اقتباس:
السؤال حق قشر القهوه والله انا استعملته قبل احمل وقت الدوره وفائدته حلوه يشيل البطن ويضبط الى انتي خابره:pوهذي طريقتي قشر القهوه.. اغلي مويه وحطي عليها قشر القهوه تقريبا بيالة مليانه (يكون مو مطحون عادي حبات) وبعدين اضيفي عليهم ربع معلقه صغيره يانسون وخليها تغلي مع بعض وبعدين صفيها بالترمس واضيفي عليها سكر زي ماتحبين وأفضل شي بالنفاس تستخدمين "المره" نقعيها بمويه ولما تستخدمين الحمام الله يكرمك غسلي بمويه وبعدين اخر شي غسلي بموية المره ونشفي المنطقه كويس هذا أفضل شي تعقم وتشد وتلتئم بسرعه عن تجربه ماستخدمت غيرها ياخيتي ادعيلي ان ربي يسهل على حملي ولادتي وربي يرزقني طفل سليم تام الخلق |
اقتباس:
لاني بحمل السابق ماخليت شي ماستعملته من قرفه وزيت خروع وزيت سمسم ماجبن الى الاسهال والغربيل وبعدين احطتلي الدكتوره تحاميل وقالت امشي وبعد ساعه او ساعتين روحي للمستشفي علشان تولدين وتصدقين اني ذيك اليله ماهنا اخف من ولا واوجاع ولا شي ونمت نومتن طيبه واخر شي قالت امي خلي عنك كل شي اذا استوي راسه طلع وانا خلصت التاسع وكنت اخذه من العاشر 15 يوم وبعدها ولادة وجاني الطلق وانا جالسه بالبيت اغسل ثيابي يعني ماسويت شي ولا حطيا يعني هذا موعده عند العزيز القدير وهالمره مرااح اخربط وشيل واشرب بركد لين ربي يسهل على :rolleyes: وانا ناويه ان شاءالله اولاد بالحبيب لان ولادتي السابقه بالوفاء بعنيزه زين مشاء الله بس ابو الشباب يقول وشلوه نضرب مشور والحبيب قريب ربي يسهل على وعليك اقتباس:
شوفي هذا الربط تستفيدين ولاتنسيني من دعائك [ |
[SIZE="7"][COLOR="Plum"]نقلته لك للفايده لانه كلن يمدحه
السلام عليكم و رحمة الله و بركاته انا يا بنات حامل للمرة الاولى ولاحظت ان في نظامين للنفاس .. نظام فيافي و نظام العامرية و قررت اتبع نظام العامرية .. لاني حسيت انه بسيط وما فيه خرابيط كثيرة المهم .. خزنت موضوع الاخت العامرية .. و جمعته بشكل جدول عشان تطبعونه .. و بيكون اسهل لك بكثيررررررر طبعا انا سويت الشي هذا لنفسي .. بس قلت لنفسي خلني احطه بالمنتدى .. يمكن يفيد بعض البنات . : طبعا المأكولات الممنوعه .. مو موجود بنظام العامرية بس انا اضفته لنفسي .. و تقدروا تحذفوه من الجدول ..و تتعبوا نظامها كامل معلومات اضافية من نظام العامرية : طريقة شاي الزنجبيل : 4 اكواب مويه 3 ملاعق كبيره زنجبيلمبشور عودين اوثلاثه كبار قرفه..واذا كان مطحون تكفي ملعقه .. بعد ماتغليالمويه نحط الزنجبيل والقرفه ونخليها تغلي خمس دقايق بس.. ونطفي عنه وممكنتضيفين له سكر حسب الرغبه.. *** طريقة شاي الزعترالورق: ملعقة زعتر ورق مع 4 اكواب مويه بعد مايغلي الماء نصبه على الزعتر الورق بدون طبخ.. نخليه يخمر عشر دقايق.. نضيف له سكر حسب الرغبه خبزةالبر: هذي مقادير خبزه وحده بمقلاة كبيره نصف كاس دقيقبر ربع كاس مويه بيضه ملعقتين كبار حليب بودره ملعقتين كبارحلب بصله صغيره << ممكن الاستغناء عنها رشة ملح رشة سكر للرغبه ولامستغنين عنه بالعسل.. اللي راح نصبه على الخبزه عند اكلها.. ممكن تخلطين كلهالمقادير بسلطانيه ويكون البصل قطع وممكن انك تحطيها بالخلاط وتخلطيها.. ثميكون المقلاة مذوب فيها زبده او سمنه للفائده.. تصبين الخبزه فيها وتخلينها علىنار هاديه مدة 5-7 دقائق وتقلبيها وكذلك الجنب الثاني..على الاقل خمس دقايقعلى نار هاديه.. وبعدين تحطينها بصحن ولما تبرد شوي تصبين عليها ملعقة اوملعقتين عسل حسب الرغبه وتاكليها بالعافيه مع حليب مضاف له فلفل اسود.. الاخت العامرية اذا كان في خطأ عندي .. الرجاء التصحيح .. عشان اعدله و احطه للبنات هذا الموضوع الاصلي للنظام .. موجود كل شي بالتفصيل.. واي سؤال عندكم الموضوع الاصلي .. لان انا ما عندي خبرة .. اللهم نسخت المعلومات منه و رتبتها على شكل جدول بسسس http://forum.hawaaworld.com/showthread.php?t=493245 اللي يعجبه الموضوع .. تدعي لي بظهر الغيب .. ان الله يسهل ولادتي و يوفقني بولادة طبيعية و السلام عليكم و رحمة الله و بركاته |
مرحباااا يا امهات المستقبل عسى الله يهون حملكم وولادتكم والي ولدوو خلاص الله يصلح عيالكممم قولو امييين <<<<< تسوي مقدمات عشان تعطى وجه
المهم بنااات ودي اسئلكم عن مستشفى بريده حق الولاده لاني حاامل واحتمااال اولد فيه انا سبق جربته قبل اكثر من خمس سنوات والى حد ما زييين ومااادرري وش صاارو الحين هم خربووو عقبي معليش ادررري اني سؤالي مكرر بس تكفووووووون نبي تجااربكم بالتفصيييييييييل |
أخت رجال تشكراااااااااااااااااات عزيزتي واعذريني كنت أكتب اسمك: بنت رجال المعذرة. وانتظر ردك عن مقادير الوالدة الله يطولك بعمرها. يا حق. |
اقتباس:
,’, |
الله يعافيك يااخت رجال ابي النظام مرتب مثلا اول عشرين يوم وش اكل وكيف الكبو والنقوعه وش سالفته يعني كل شي الله يجزاك خير علمين اياه لاتختصرين ومن ناحية اللي بعالم حواء ماش مايفصلن ويوم راسلت حداهن قالت اشحنه لك الدعوى فلوس وانا يااخيتي مااقدر وغير هذا ودي اتعلم لاتصطاد لي سمك علمني كيف اصطاد صح ولا انا غلطانه والله يجزاك خير اولا واخرا
|
اقتباس:
ونظام راح انزله لكم ان شاء الله اقتباس:
اصبر شوي وراح انزلهن مع الطريقه بس ادعولي الحمل متعبني مررره |
نظام النفاس على طريقتي
بس اخواتي ارجو منكم دعوه صادقه ان ربي يرزقني من واسع فضله ويسخر لى زوجي وعيالي ويهديهم يسهل على ولادتي الاغراض الى تشترينها من العطارجيبي ورقه وقلم واكتبي اول شي اغراض السفوف اول عشرين يوم حلب قصيمي -كمون ديره-دارسين-حبه سوداء اصليه-فلفل اسواد-ماش - بعدين اخلطيهن جميع بعلبه وكل يوم قومي الصبح الساعه 6 وخوذي ملعقتين من السفوف مع كوب حليب دافي بعدين اذا ودك تنامين عقبه نامي يعني رتبي جدولك الساعه يعني خلي فتره ترضيع البيبي وتغيره له مع قومتك لاخذ الاعلاج بعدين جيبي تمر ضميد وخري نواته وعبطيه مع سمنه بلدي او زبده بس لاتكثرين وحطي معهن رشاد وخوذيهن مع القهوه مثل الحليوبعدين افطري عادي والغداء مطازيز مع الحم او اي شي ثقيل لان الجوع اكبر عدو النفاس الغسول جيبي ارطاء مع قشر رمان واغليهن وحطيهن بعلبه بالحمام اكرمكم الله واذا دخلتي الحمام زيديهن ماء دافي وتغسلي فيهن شاهي اعشاب حطي قشر قهوه-مع زنجبيل -مع دارسين هذل لغراض 20 يوم الاولي هذا نظامي انا ان شاء الله تستفيدون منه واذا بغيتو اكتب لكم اغراض 20 يوم الاخيره لاتنسوني من خالص دعائكم |
الاغراض الى من العطار كلهن حقات النفاس من لهوم وغسول ووشاهي اعشاب
نبداء يالله حلب قصيمي -كمون قصيمي-ماش -رشاد-حبه سوداء اصليه -نونخه-زنجبيل-فلفل اسواء-عنزروت-قشر قهوه-محلب -مره-ملح فارسي-ارطاء قشر رمان-شمر-رجل الاسد-الكبو -اطلبيه من العطار قوالي ابي كبو الهواء ويعطيك ايه-او زينه انتي يتكون من قشر بصل من البيت-كمون-مره-حلتيته- يارب سهل على وعلى كل وحده حامل وربي يرزقني الجنين السليم الطيب المعافا وربي يسخرلى زوجي وعيالي يارب |
جمعت لكم بعض المعلومات من موقع الدكتور جابر القحطاني ..... ويارب تستفيدو منها
ادعوا لي ان الله ييسر حملي ويسهل ولادتي الشيء المفيد بعد الولادة التغذية الجيدة والاكثار من التمر وشرب قشر القهوة وكذلك الحلبة والشمر ولا أنصح بغير ذلك. فالحلبة وقشر القهوة يدران الحليب للطفل والشمر طارد للغازات الحلبة تؤخذ بمعدل ملعقة أكل على شكل مسحوق تخلط مع كوب ماء وتشرب بمعدل مرة واحدة في اليوم ويمكن استعمالها من بعد النفاس مباشرة وبصفة مستمرة دون انقطاع ولمدة شهرين . الرشاد يؤخذ ملعقة صغيرة مرة واحدة في اليوم ولا يوجد ضرر من أخذه مع الحلبة . لتضييق المهبل بعد الولاده؛؛ استخدام الارطا والعفص لتضييق المهبل وذلك بأخذ قبضة اليد من كل منهما ونقعها في حوالي كوبين ماء بارد لمدة 6 ساعات ثم التصفية وعمل دش مهبلي مرة واحدة في اليوم . عشبة عباءة السيدة لتضييق المهبل يمكن استخدامها لمدة عشرين يوم أو لمدة شهرين حسب الوضع ويمكن إضافة السكر لها . وتستعمل بأخذ ملعقة صغيرة من مسحوقها ووضعها على ملئ كوب ماء مغلي وتترك لمدة 15 دقيقة ثم تصفى وتشرب بمعدل 3 مرات يومياً . وهي تستخدم في أي وقت . وايضا نصح الدكتور جابر باستخدام قشورالطلح يتبخر بها بخوراً توضع فوق الجمر ثم تبخرين الفرج بها بمعدل مرتين في اليوم وتبدئين العمل بهذه الوصفات بعد الولادة بأسبوعين. لتسهيل الولاده باذن الله عشبة كف مريم = تستعمل عند الشعور بالطلق حيث تسحق نصف حبة واحدة وتنقع في ملء كوب ماء بارد لمدة 4ساعات ثم يصفى ويشرب الماء مرة واحدة فقط . غسول المره = قاتلة للبكتريا ومطهرة للجروح استخدميها ولكن باعتدال لاتكثري منها لانه احتمال تكون ملوثه بالرصاص اما اذا كانت نوعيه جيدة وغير ملوثه بالرصاص فهي آمنه ويمكن استخدامها كغسول للجرح وايضا يمكن شمها حتى تقطع مايسمى بالشمم الذي يصيب الجروح من جراء شم العطورات ويمكن شربها ولكن بحجم حبة البن فقط لانها قوية جدا |
الله يسخر لك ملائكته في السماء وعبيده في الارض عز الله انتس اجوديه بنت اجواد الله يزهيتس بعين حليلك ويرزقك من حيث لاتحتسبين ويخلي لك عيالك ويهون عليك الطلق ويرزقك بالذريه السليمه المعافاة صدقيني باذن الواحد الاحد ماتشوفين شر وهذي طريقتك مع الناس خير الناس انفعهم للناس جزاك الله خير
|
| الساعة الآن +4: 05:51 PM. |
|
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.