المشاركة الأساسية كتبها الحليل (المشاركة 505601)

السلام عليكم ورحمة الله وبركاته...

وعليكم السلاااااااااااااااااااام ورحمة الله وبركاااااااته ..
هلا والله بنائب زعيم التنسيم وذروة سنامة في وقت مضى .. :D
هلا والله بالبي وبعد معاليق شوشتي هلا بالحليل ..
وينك غاطسن بوه يافتى البصر ..
والله لك وحشة يالبي مبطين عنك ..

دخلت المنتدى للزيارة ..
فوجدت هذا الموضوع المعلق بمشبك ... والمفترض يطقونه بوتد .. مير أبو وليد سابقاً مهند لاحقاً ما تطور .. ...

هههههههههههههههههههه
يالبي ابو مهند مهوب على خبرك ..
يالبي على خبرك يثبتون الموضوع بسمار بس تعرف من أول ماعندهم مطرقة وإلا شاكوش ..
يطقون المسمار بنعلة تكرم ويكرم السامعين .. بلشين .. تعرف يالبي كل النعال زبيريات ..
بس يوم يوم صار عندنا منتدى بنت بريدة كثرن النعال الكعب .. وبدو يطقون المسامير بنعال الكعب :D ..
سي يو ..


عفواً هذا استطراد ..

بس حبيت ألقي على فضيلة قائد مسيرة ........ السلام ..
سؤال رقم 1- املأ الفراغ السابق بكلمة من خلال ما درسته في المنتدى معللاً ذلك مع ذكر الأوجه الإعرابية ... > متأثر باختبار النحو ..

قائد مسيرة [overline]عبارة[/overline] السلام ..
لأني تعرف يالبي ادوخ على شي إسمه بحر .. وأنت تخبر الفسحة تونه يالبي :D
الأوجه العربية يالبي .. وجيه كثيرة .. بعضهن وجيه تسلحة وبعضهن وجيه تجيب الخير ..
وسلاااامك ياراعي العربية ..



سؤال 2- مدحت شوقي بريدة تذكر يوم تسجل اكالحين أيهم أزين المنتدى يوم الأعضاء بالطعشات وإلا الحين يوم صار بالآلآف ... اعترف ؟

هلا بابي لكل زمااااااااااااان رجااااااااااااااااااااال ..
المنتدى هاللحين رهيب من ناحية التفاعل وتنوع المواضيع .. وبوه بعض المنسمين اللي ودهم يطرطعون بس ماأدري وراهم تقل مستحين ..
أما من أول فخبرك يالبي الوناسة والهبال مع سماحتكم وباقي الربع ..


سؤال رقم 3- يقول بعض المتابعين للمنتدى إنه منتدى بزارين ما رأيك ؟

يالبي مع إحترامي له .. ماعنده سالفة ..
واللي يقول هالكلاااااااااااام .. مالقى أي شي على منتديات بريدة ستي علشان يعيب بوه ..
ولصق هالتهمة ..
لعلمك وأنت أبخص ومايجهلك .. بالمنتدى دكاترة بالجامعات وطلبة علم ومشائخ ..
وأغلب من قابلت من الأعضاء اللي تعرفت عليهم من الـــ25 وطالع يالبي ..
ناس كبار متزوجين وفاهمين وعاقلين ..

سي يو ..




سؤال رقم 4- هل سبق وأن قرأت كتاب في السيرة النبوية .؟ إن كان الجواب بنعم فاذكر اسم الكتاب وإن كان بلا فعليك بكتاب الشيخ مهدي رزق الله .

سم يالبي .. مهدي رزق الله .. والأجر على الله ..






سؤال رقم5- هل تعرف شيئاً عن الطرق الصوفية ؟

يالبي ماأعرف الا طريق واحد .. وصار بوه تحويلة بعد .. :D
<<((== ينكت لاأرجده بطراق انثر سنونه ..
يالبي الطرق الصوفية .. أو البدع الصوفية كثيرة ..
ولايسع المجال لذكرها .. لأني اعتقد إنه 16 طريقة ..
ومن اشهرهن المهدية والرفاعية والتجانية والنقشبندية الخ ..




سؤال رقم 6- هل سبق وأن تحارشت مع شيعي ؟

وين هوبوه يالبي .. حدد ..






سؤال رقم 7- هل سبق أن زرت ( مدينة البصر ) التي يقطن بها فضيلة الكاتب .

قد جيت له أكثر من مرة وخاصة مدرسة الفروسية اللي عندكم يالبي ..
تعرف يالبي الفارس مدحت مايقعد بلى خيل .. :D
سي يو ..





سؤال رقم 8- ما هو آخر كتاب قرأته وما عنوانه .

آخر كتاب قرأته لا تحزن للشيخ عائض القرني ..





سؤال رقم 9- مدحت شوقي بريدة أليس من المستحسن إضافة كلمة باشا .

لايالبي .. مايصلح تقول باشا .. لأني مدحت شوقي بريدة صعيدي ..
و( باشا ) هذولا حضارم .. مثل بابطين وبامعروف ..
فهمت يالبي .. :D








سؤال رقم 10- هل تمتع بجسم رشيق أم سمين ؟

مابين وبين يالبي ..










سؤال رقم 11- ماذا تعرف عن : أ- الجردة ب- الخبوب ج- الخبيب

الجردة ..
أول سوق في مدينة بريدة ..

الخبوب ..
منطقة في غرب بريدة من أجمل المناطق .. وأهلها من اطيب الناس وأنقائهم سريرة ..


الخبيب ..
الشارع الرئيسي ببريدة .. ( طريق الملك عبدالعزيز ) حالياً ..









سؤال رقم 12- هل أنت مقتنع بصوتك بالنشيد وإلا أحد لعب عليك .

ههههههههههههههههههههههههه
والله يالبي إني حاشرة .. :D
هههههههههههههههههههههههه








سؤال رقم 13- أصابع يديك كم عددهن . سؤال جاد .
اقول يالبي .. أجل هذا سؤال جاد ..
وينه جاد ماشاء الله مايجي هو يحط سؤاله ..
أو موصيك وقايلن لك إسئل عن ..
ياحبيله جاد والله ياهو رهيب ..
وش يقربلوه .. جاد الحق علي جاد ..
سي يو ..









سؤال رقم 14- من أمنياتك التي لم تحققها رؤية العضو الحليل ؟ هههه ما سبب عدم تحققها ؟
لأنه باخلن علي بشوفة كشرته .. من زينه هو وخشته بعد ..:D








سؤال رقم 15- ما هو الأفضل عندك في الرد أن تقول لمن كتب شكراً أو جزاك الله خير .

كلهن يالبي .ز شكراً وجزاك الله خيراً ..
والله ياعليك شين اسئلة بعد .. :D









سؤال 16- تذكر العشرة اللي تسلفته من مبطي وراك ما ترده ؟

يالبي وشلون أرده .. أنا باقي لي عندك عشرة ريال .ز يوم أسلفك العشرين أو جحدتن ..:oo







سؤال 17- هل ترى أن لك مواضيع تافهة سبق كتابتها تتمنى حذفها .
وااااااااااااااااااااجد يالبي ..
بس ماأدري هاللحين وينهي .. شكلهن تسحلن ..








سؤال 18- ما رأيك بمن يتخذ معرفين .
ناقص عقل .. ومسكين .. وغشيم ..
يضيع جهوده ..









سؤال 19- كثر من يزاعق بالنشيد هل تؤيد ذلك .
لايالبي .. مهوب أي واحد يمسك الميكروفون خلاااااص يعني ينشد ..
مثل اللي اللي حاشره محاتسيك .. : 12
الانشااااااد إما على نهج ( ابو علي ) و ( حامد ) وإلا فلا ..
سي يو ..







سؤال 20 - من هو الشيخ الذي تميل وترتاح له نفسك إذا أفتى بالمسألة .
الشيخ الدكتور .. عمر العيد ..








سؤال 21 - أخوك الكاتب على درجة وعتبة وعاير التخرج بماذا تنصحه ..
أنصحه بتقوى الله في السر والعلن .. وأن يبتعد عن الغش الذي تعود عليه دائماً في جميع إمتحاناته ..

يالبي نصيحتي لك .. هي التوكل على .. وأن تخلص النية في دراستك .. بأنك تريد بها خدمة دينك ..
صدقني ربي يعينك ..








سؤال 22- هل سمعت هذا البيت ؟ وبصوت من ؟
سمعته ونسيت من صوته ..








سؤال 23- هل تتوقع عند تصحيحي لورقة إجابتك تحصل على الدرجة الكاملة 23 من 23
يالبي أنا طموحي كبير .. ولذلك متوقع إني آخذ 4 من 23








تنبيهات : 1- اكتب بقلم غير الأحمر 2- لا تنظر لكمبيوتر زميلك 3- إياك والأكل أثناء الإجابة خصوصاً البصل والثوم . 4- سلم الورقة لمنتدى بريدة 5- لا تكثر الهمق 6- اعلم أن الزيادة مثل النقص 7- جاوب على قدر السؤال .

ملاحظة : منذ زمن لم أشخمبط في المنتدى وما دعاني للكتابة إلا ذكريات الأطلال المدحتية ..
محبك : أبو مهند البصري مولداً ونشأة ههه

المشاركة الأساسية كتبها وحيد المعنى (المشاركة 505969)

المشاركة الأساسية كتبها أنوار المنتدى (المشاركة 506111)

المشاركة الأساسية كتبها الـصـمـصـام (المشاركة 506207)

السؤال الأول

أتتني هذه الرسالة تقول :



ياترى من تنطبق عليه هذه الكلمات من المشايخ ( الغير مشهورين ) عند الأستاذ مدحت ..


السؤال الثاني :

قال والدي ( مدحت شوقي إنسان سبق عصره ) ==> يحسبك فاصخن الـ 15 مادرى أنك أكبر منه
فهل ترا أنك أخذت مالم يأخذه غيرك ممن هم في عمرك ؟


السؤال الثالث :
متى لبست ثوب العيد الماضي ==> سعال محرج ..


السؤال الرابع :
ماهو قولك في بني ( بنقال ) ؟ ==> البنقالية
وهل صحيح أن البنقالي عبارة عن ( بدي ) هندي و ( ماكينة ) باكستاني ؟




وشكراً ليك ..

المشاركة الأساسية كتبها الارهابي (المشاركة 506396)

المشاركة الأساسية كتبها الجني العبد (المشاركة 506411)

عمي مدحت ...

وش رايك بهالصورة ......

http://www.buraydahcity.net/vb/showthread.php?t=68721


أحتري ردك

المشاركة الأساسية كتبها مـكـس داون (المشاركة 506496)

مرحبا بالغالي مدحت

ااااااااااااااسف للتأخير


بس حبينا نسلم عليك يالغالي

ويشهد الله

إني أحبك في الله

تحياتي
ابوفارس

المشاركة الأساسية كتبها الكاااااسر (المشاركة 506534)

سؤال يالدبي
ؤشي
سي يو
الي هقيتنا عنده

المشاركة الأساسية كتبها أمل الحياة (المشاركة 506698)

السلام عليكم ورحمة الله وبركاته ..
عدت بسؤال .. وربما سأظل أقول عدت ..

ـ نزل شريط تنسيم وكانت أنشودة ( هبي باب الندوة ) وتم إضافة عدة تغييرات عليها من ناحية الهندسة مع أنها كانت هندستها الأولى أفضل فلماذا غيرت ؟؟
مع الشكر لجهود كل من ساهم في إنجاح شريط تنسيم وبصراحة ما عليه كلام ..

المشاركة الأساسية كتبها حاقن الدماء (المشاركة 506940)

أخي الفاضل...

مدحت شوقي بريدة

س: كم تحفظ من كتاب الله ؟

س: كم معك من المتون ؟

ودمت يحفظك الرحمن