بريدة ستي - ..[ ِنصْ هِيكْ وَنِصْ هِيكْ مَعَ المُشْرِفِينْ وَالأعْضَاءْ ]..[ أنْوَاعْ المَقآلبْ ]

هلا بالشباب ..
مقلبنا اليوم خفيف وظريف ..

ضيفنا اليوم اشتهر بالتنسيم المنضبط والصرقعه ..
اشتهر بإيصال فكرته بروح الدعابة ..
وكانت جدته ( موضي ) لها الفضل بعد الله بشهرته في هذا المنتدى:d ..

إنه المشرف القدير : ( مدحت شوقي بريدة )

وطريقة المقلب أني أدعي أنه لافائدة منه في الاشراف ومن هالكيلام ..

ندعكم مع المشهد :-

(اللهذام)

اقتباس:

مسّيك الله بالخير يامدحت ..

اسمع ياخلفهم

أبقولك شيء واعذرن على صراحتي

ترى ماصارت ذي أبد

الحين أنت حاطينك مشرف على ايش؟؟ ودي أدري !!

تسنك منتب قدهـ قل انا منب قدهـ

أتوقع إن أبو مهند إذا قلتله مابي الإشراف بيوخره عنك على طول
مهب ميتن عليك تراوه

شف الحين خرّبت علينا وخليت أبو مهند يفكر يوخر الجني العبد من الاشراف وبصراحه أنت اللي تستحق الإبعاد من الكشكولية ..

.. اقبل صراحتي ..

الى اللقاء ~~

حآر × حآر:d

هذا الكلام قبل مايترك الجني العبد زمام الاشراف
(ردهـ)

اقتباس:

هلا والله وغلا ..

يابعد تسبدي انت .. الله مير يسلمك يالبي ..
ابشرك مادريت إن الجني العبد يبي يشال الا منك ..
ولا اعتقد انه يبي يشال من الاشراف مهوب على كيفه ..

بعدين يالبي انا مليت وانا اقول لأبو مهند ..
ويقولي عين خير بس .. لي ثلاث سنين ترى وانا معتذر .. وكل فترة اكتب موضوع اعتذار بمنتدى المشرفين
وآخرته قبل شهرين ..
وهذا الموضوع الرابع اللي اكتبه ابيه يقشع اسمي من الاشراف ..
بس مادري وش برآس ابو مهند ..

يعني لاتحسبن ميت على الاشراف .. لإن الاشراف اصلن غثاء وغرابيل ..

ومشكور يالبي على صرااااحتك ..

والله ويكب العشا :d..

(اللهذام)

اقتباس:

أفهم من كلامك إنهم إذا وخروك عن الاشراف بتشآرك بالمنتدى !!

معليش تراك أنت واللي معك شوهتوا سمعة أهل بريدة

من مواضيع تخلي الواحد يستحي إذا قراهن ومن أشرطة مادري اشوله مطلعينهن لاهرج زين ولاهم يحزنون
وأكيد ماطلعتوا الأشرطة إلا نهب للمواطنين

على العموم إذا صرت راد عليك بمواضيعك اللي راحن فابصم بالعشرة إني رديت مجاملة للأعضاء ولا أنت هيّن ..

أتمنى من كل قلبي أن تترك المنتدى بكبرهـ ، ولاّ تسجل بمعرف ثاني وتصير عاقل ..

ويآآقلب لاتحززن ..

محاولة نرفزة ..

(ردهـ)

اقتباس:

ههههههههههههههههههه

عليك بالتوت .. ترى يقوي شعر الركبة ..

سي يو ..

ههههههههه
وش قصده هالماخوذ << شآك

(اللهذام)

اقتباس:

بالله عليك هذا رد واحد عاقل ؟!

وبعدين أنت ماتفرّق بين الجد والمزح ؟!

عيب عليك ياخي
إذا ماحترمت اللي يكتب احترم المنتدى بكبره ..

محاولة يائسة ..

(ردهـ)

اقتباس:

ياحليلوه .. جابك الله مير .. توسع صدري ..
ايه اجل وتقول ..

كمل كمل ..

سي يو ..

ذذ
عقب هالرد دريت إني أبضيع وقتي بس يعني بالعربي ماعنده نية تجيه أم العبيد:d فعلمته
وخبركم الرد لاتحسبونه يجي على طول بعض الأيام يقعد أسبوع ويبرد المقلب

(اللهذام)

اقتباس:

يبدوا إني أبشتكي للإدارة فقد طفح الكيل
.
.
.
.
.

أقول يامدحت التفت يسآر ماتشوف الكمره الصغينونه ذيك

ههههههههههههههه

ياخي عصِّب ياخي
قصم ياأنت تلهد

حبيبي مدحت : كنت ضيفاً ثقيلاً جداً على برنامج ( نص هيك ونص هيك مع المشرفين والأعضاء ) والذي سيُعرض الأسبوع القادم بإذن الله ..

وأحيي فيك هذه الأخلاق الجميلة

وسامحنا حبيبي ترا كل الكلام اللي طلع مهب من قلب حاولت أنرفزك لكن يبدو مابك عرق يِنرفز .

وأنا أشهد إنك خسارة أصلاً لو تروح عن الإشرآف وأبو مهند ندعيله لأنه عيّا عليك

..
طلب : ماودي أحد يدري عن المقلب لأني أبدور على بعض الشباب بالمنتدى وأحوس مريرهم ..

وسامحنآآآآآآآآآآ ياحبّي ..

درى بالمقلب لكن مارد علي من العجز ..

[ هادا يومك ياطربان:118: *** نصك هيك ونصك هيك:118: ]..

كم أنا أحبك أيها الدب وسآمحنا ..

هذا ماتيسر لهذا اليوم .. واعذرونا

وترقبوا الضحية القادمة ..

بأمان الله أنت وياوه ..