بريدة ستي - }} أبغى أسولف شوي

السلام عليكم ...

أولا حآبة أشكر كل من دخل الموضوع // رد و الا بدون رد !

أعجبتوني و ان شاء الله بعجبكم ..

أمممممممممم .. ببدأ في الأطفال // الصبايا ..

و يا قلب كل طفل . لولا الأطفال لما تلونت الحياة ...

الله لا يحرمنا منهم ..

عندي حاجتين بقولهم عن الأطفال !!

الأمهات بيستفيدوا ..

فيه وحدة من قريباتنا ما شاء الله بناتها مرررررة مؤدبااات ..

و الله يجلسون مؤدبات و يآكلون مؤدبات و يلعبون مؤدبات ..

صدق و الله لفتات للنظر أدب مش معقول ..

حتى مو وحدة أو ثنتين عشان نقول يمكن طبع اهلهم كذا .

3 بنوتات و كلهن توووب .

و صغيرات أعمارهم اولى و تحت .

المهم // انا قلت لأمي شسالفتهن هذول مررررررررة أدب و ثقل ؟؟

قالت أمي مدري ؟؟

مرة من المراري أمي و أم ذابنات يسولفون ..

امي فــورا للسالفة ذي ..

امي تقول لأمهن : أنت شلون ربيتي بناتك ..

ما شاء الله ثقل و رزان ..

قالت شئ بسيييط يعقل الأطفا و هو :

اذا لقيتي الطفل جالس يخرب حاجة مو تصارخي فوجهه و تضربيه !!

بشوي شوي حبة حبة تعالي امسكي يداته و وخريه عن الحاجة اللي يخربها بدووون و لا كلمة ..

و خليه هو طبعا اول مرة بيرجع و بيكمل تخريب ..

اتركيه ..

مرة ثانية و ثالثه و رابعة ..

و شوووفي ..

اذا لاحظ الطفل انوا ذي الحاجة ما تعني عندك شئ و لا حارشتيه بكلام او ضرب ..

هو دايركت بيترك التخريب و بيلجأ للهدوووء ..

حتى قسم بالله اقول لأمي هذول البنات

شلووون بيستمتعوا بطفولتهم اللي ذالحين عاقلات بعدين شيصيروا ؟

الحاجة الثانية للأطفال // زينة الدنيا هم :

<< تراني مليانة شغف على الأطفال لأنوا ما فيه ببيتنا أطفااال ..

كثييير من الأمهات تشتكي من اطفالها اعمار 4-3 يزعجونها بأثناء تسوقها ..

و أنا أووووول الأطفال الأشقياء << سآبقآ و الا ذا الحين أنا عجوووزة ..

و أمي كانت إذا أخذتني معها للسوووق أنكد عليها ما أخليها ترتاح وهي تتسوق ..

شلووووووون حصلت حل ..

أووول م ندخل السوق تقولي تعالي بنيتي خذي هذي 30 ريااال ..

اذا خلصت مشتريه و ما ازعجتيني و باقي قت خليتك تشترين فيها اللي انت تبغينه !!

أنا << يوووووووووهـ 30 ريااال عندي انها مليووون !

و طووول التسوق و انا ساكته بسرعة متى تخلص امي ميشان أشتري اللي انا ابغآه ..

من هذي الطريقة تحصلي فائدتين هما //

1/- إني بصير عاقلة طول الوقت ميشان تخلص امي مشترواته و أشترياللي انا ابغاه ..

2/- ان الام عادة اذا طلعت للسوق لازم ترجع وهي مشتريه لطفل هدية ..

فأقل شئ بتكون الهدية 100 أو 50 << على حسب الزمان و المكان

فبهالطريقة قللت المصروف بإنك أعطيتي طفلك الحرية بيحس انوا كبير هو اللي بيشتري بنفسه ..

وبيصير إشترى هديه و بتكلفة 30 رياااال فقط .

الحاجة الثانية / للشعر

فيه قصة كل من سواها صار ما يقص الاهي ..

و هي :

افهموا معآي زين !

امسكي شعرك كللله فوووق << خليه قرن ..

اطوي شعرك << كنك بتسويه <<كعكه

ثم وقفيه بعد الطوي بيصير زي العصا يوقف ..

جيبي المقص و قصي تقريبآ 7 سم << تقريبا

فكي شعرك .. تروشي .. استشوري ..

شوفي شنو صآآآر ..

حلووو مرررة ..

<< يصير متداخل و طبقات ..

للتلفيف و النفخ يطلع توووب ..

بما أننا الآن صيف ..

طبيعي إِن ذا الموسم سباآآحة ..

و دايمآ نتدبس فإحراج إذا طلعنا من المسبح << تطلع فضايح

فأشير عليك انك تروحي لمحل السباحة // بشارع الخبيب ..

اشتري بنطلون سباحة .. و البسي عليه القميص ..

و اسبحي

اذا طلعتي من البركة // الــبــحــر

مااايتلصق عليك ..

يصير ثوبك كنه ناشف ..

سآبقآ يوم كنا نطلع للبحر أنحرررج اذا طلعت من البحر جيبوا عبايتي و هم ..

و من صرت البس بنطلون تحت القميص صار الوضع حلووووو ..

خلطة للتبييض ..

اخلطي سكر مطحون - ماء ورد - ليمون - نشاء - جليسوليد

ادلكي المكان اللي تبغي تبييضه

استمري شهر .. بتطلعين قشطة ..

طبعا انا ما جربتها بس بنات خالاتي اللي بتتزوج تختفي فوسط الخلطات ..

فهذي الخلطة علقوووا عليها << أكيد حلوووة ..

جتني رسالة من صاحبتي ..

و مرررة أعجبتني // يمكن تعرفونها .

مالوم قلبي لحظة لو تمنآكِ ..
و ما ني بنآدم لو ذبحني حنيني ..

ان شفت طيفك أوهم النفس رؤياك ..
و أمد لكِ من زود فرحي يديني ..

و أحضن سرابكِ لا غدى صعب رؤياك ..
و أصرخ على دنيآي..............صـــوبــه خـــذيـــنـــــــــي !!

أممممممممممم

بقول سالفة لاكنها طووويلة // بختصرها ..

يقولك فيه وحدة قصيميو منجنننننننة تبغى سوريا .. تروح سوريا ..

و مزعجة ابو العيال الااااااا ابغى سوووريااا

الرجل : لا لا فتنة و متبرجات ..

المرأة : مالك دخل بأحد .. نسكن فمزرعة و مالنا فأحد ..

ما حنا شايفين شئ يغثنا ..

مـع الـمـحـاولات ..

يوم من الايام .. وافق الرجل قال لها امشي ..

و راحوا هناك .. استأجروا استراحة ...

يوم يومين .. ملت المرأه تبغى السوووووق !

قالت أبغى السوق // زوجها لا شلون السوق كاشفات و ما اقدر ..

هي ملزمة ..

الا الا ابروح !!

<< ذي الغبية المفروض هي تحفظ زوجها مو هو اللي كذا ..

المهم : قالت شوف الشايب صاحب المزرعة قل له يدلنا ع السوووق ..

زوجها يالله ..

راحوا للعجوز قالوا له نبغى السوق ..

قال ما أدل بس خلو الصبايا يدلونكم ع السوووق ..

المرأة و زوجها قدام جالسين ..

الشايب طلع بناته 3 << كل هذول بيدلونهم ع السوق !!

البنات ركبوا وراء

الرجال عدل المراية ع البنات .. و صآر يطااالع فيهن ..

المرأة << ما زالت مسكرة الارسال ما درت عن زوجها

قالت بكل قوووق // أبغى أبعد غطوتي و الله الناس كلهم كاشفين أبفتح ..

الرجال : طبعا يطالع ذا البنات وراء ..

صارت زوجته ولا شئ عنده ..

قال لها مو بس وخري غطوتك الا شيلي عبايتك ..

راحوا للسوق ..

تسوقوا ..

رجعوا .. وما دخلوا المزرعة طوووالي الرجال راح للعجوز ..

قال له ابغى وحدة من بناتك ..

الشايب فرحان قال اختر منهن اللي بدك اياه ؟

و حسبي الل ه عليهن كانوا مرررة متبرجات البنات ..

قال ابغى اللي عليها كيت و كيت ..

و النتيجة رجعت المرأة و زوجها تزوج عليها ..

و السبب هي و أفكارها ..

أقنعوها الناس << و هيه الضحية

آهـ .. خلص الارسال ..

باقي سوالف بس مليت و أنا أكتب ..

و كمان شكلكم مليتوا معآي ..

أبغى آرائكم بسوااالفي الجميييلة << ـهههههـ

و امتحاناتي ع الابواب .. يمكن أدخل بكرى أو ارجع لكم الخميس أو اذا حصلت فراغ ..

لا تتركوووني ..

ردوا و بلقى ردودكم حلوووات ..

دعواتكن : )