السلام عليكم:
حيا الله أخوي توست وين الناس يا أخي مبطي ما شفناك بالساحة المفتوحة اشتقنا لمواضيعك الأكثر من رائعة
والله يهديك ما غير تتسكع بسواليف كشكولية وتاركنا بالساحة المفتوحة وأنا أقول بنفسي غريبة توست من زمان
مانزل موضوع لا تبطي علينا مرة ثانية سامحناك هالمرة لا عاد تعوده حبيب ألبي،
المهم أخوي توست أرجع لموضوعك وأقول وش المشكلة خلونا نجيب أطفالنا للزواجات أعتقد ما فيه مشكلة
خلهم يستانسون وإذا على ثيابهم توصخ خل ثيابهم توصخ مافيه مشكلة وخلهم يصجون ويلجون أهم شيء
وناستهم لا يكون الواحد أناني يدور وناسة نفسه بس، شعاري ( أفراحنا تكتمل بحضور أطفالكم وأطالفنا).
وتقبل مروري.

مع تحيات: كربة النخلة.
والسلام خير ختام.

مهما بلغت البنت بالشقاوه لن تكون مثل الولد طبعا ,,بعدين هن اللي يفرحن بالزواج اكثر
من اي شخص اخر طبعا غير ((العريس)) ههههه
اما صالات الاطفال والله من الهواش والصياح اطفالنا مايصلح يكونون بدون ابوهم او امهم ..

نعم فاشل وماله طعم كلام :41

ياحبيلك بعد والله اني انا فاقدك بس انا يمكن ثلاثة ايام غبيت وهذي طليت الله يعينك علي ((نشبه))
كربةالنخله اخبارك ياغالي ..

والله ان وناسة الزواج من وناسة هالبنيات الصغار...بس العيال يحوسون احيانا الزواج ......

انا بزواجي ان شاء الله بتكون الدعوه كتالي::::
ملاحظه (( نتمنى للحـــــــريم حش بالرجــــــال حتى اخر الليل)) يعني لايجي حريم ههههه

لا البنات فوق 3 سنوات لالالا:)

يعني قول فوق 8 ممكن:)

السلام عليكم:
أخبار خير ياربي لك الحمد وأنت أمورك عسى كل شيء تمام؟،
أما قوية ياتوست خل الحريم يحشن بالرجال علشان مايجن عز الله ماحضرن ولا عرس ( أنت بس حط عندهن
صرة كراث وخل الباقي عليهن)، ونتمنى يارب إن الله ييسر لك اللهم آمين.
وأنا يمكن أختلف معك في كلامك ( إن العيال لعابين ويحوسون) خلهم يارجال يخربون ويحوسون أنت دافع
إيجار للمكان اللي تبي تعرس فيه يعني الدعوة عادي، ولا تنسى أنت شكلك يوم إنك صغير(ماخليت طقاقه)
إلا ولخيته بقوطي بيبسي وحط رجلك، كذلك خل الجيل اللي بعدك يستانس مثل وناسك،( هذه وجهة نظري).
مع تحيات: كربة النخلة.
والسلام خير ختام.

والله ياخلفهم ان بعض البزران من العيال انه عن ديره من النجاسه ..

ولا تنسى أنت شكلك يوم إنك صغير(ماخليت طقاقه)
إلا ولخيته بقوطي بيبسي وحط رجلكهذي يمكن لا وزد عليها تفاحه مع الببسي بالمخباة هههههههههه

ضدها .... وبشده

الزواج اللي مافيه أطفال ماهوب زواج ....!

أحلى شيء إذا جيت من الزواج وجلسن البنات الصغار ميتات من الفرحه وشف أنواع ( الإهداءات ) وبعضهن ما طاح اللي بالراس تقوم وترقص :d


وبعد ضد ( الدعوة للرجال ) ....!

والحريم مالهن رب ؟!
7
7
7
أو كل هذا قعاطة وبخل ؟!

وش خانت الزواج إذا عزم الرجال دون الحريم أو الرجال والحريم دون ( البزران ) ...!


أتمنى أن البطاقات القادمة تحمل هالعبارة

( تتم سعادتنا بحضور أطفالكم )


تمنياتي للجميع التوفيق

اكيد الحريم مع المنع بس ياصاحبة السمو الرجال يبي يبلشون بالبزارين وين يحطونهم

هذانا حنا ماضرنا .. والله شكلك مع الماما بكل زواج يوم انتي صغيره لأن ماطلعت علينا
هالموضه الا من قريب ..

طيب من اللي يبي يجلس معهم بالبيت ,,وحرام والله وناسة هالبزران من البنات
هي اهم شي ,,
ياحبيل ملاهي سامرة ,, وشي ملاهي سامره خابره مرجيحتين وزحليقا بس ...

ممتاز وكلام :41 والله انك صادقه تخيلت البنات الصغار اذا رجعن من زواج
فرحات وماسكتن الفستان بطرف يد وحركات ,,ياعمري هن .