|
مشكلة الغير موظفة انها لما يرجع الزوج للبيت تصير طفشاااااااانه تبغى يمشيها .. او تطلع النفسية عليه
وايضا ان كل مصاريفها على زوجها ولاتستطيع مساعدته اوالتفنن في اهدائه (خلونا نكون صريحين شوي بحكم ان مصروفها محدود).. اما الموظفة : على حسب شخصيتها .. في معلمات تحضيرها وتصحيحها وشغلها كله بالمدرسة ومستحيل تجيب منه شيء للبيت(اخواتي كلهم هيك ) ومن قال انها تنام بدري ؟؟ غفوة الظهر + نوم بالليل الساعة 12 اكثر من كذا تعتبر خزان نوم :) مميزاتها : انها شايلة مصروفها وهداياها + المخااااااااالطة .. يعني خبرة بالحياة لانه تخالط ناس من كافة المستويات والطبقات .. وتشوف مشاكل وكيف تحل .. وتتعلم من غيرها .. وقرأت مشكلة واحد يشكي من زوجته لانها ماتخالط الناس .. وكل شخص يشوف احتياجاته ورغباته .. وعلى اساسهم يختار شريكة حياته .. وهذي بصراحة تتدخل فيها شخصية الزوجه .. يعني حتى لوهي جالسة بالبيت مش شرط تطبخ وتنفخ وانا اعرف ناس كثير .. وممكن معلمة وتكرف بالبيت .. يعني شخصية البنت تتحكم في هذا كله |
اقتباس:
عن اخر ردك ..وهو ان المعلمات وع ليس صحيح وينطبق على المتعلمه والغير متعلمه هذا موضوع اخر وهو اخلاق البنت مهما كانت ,فهناك متعلمات افضل بكثير من الغير متعلمات عموما اشكر لك الحضور اخي . |
اقتباس:
أخوي توست يا أنا انبسط وأستانس إذا شفت توست كاتب موضوع على طول أنقز وأدخل على موضوعه وأشوف ماذا كتب، تســــــــــــــلم والله شهاده من اخو وعزيــــــــز والله ..... وجهــــــــــة نظـــــــــــــر اخرى نحترمها وتتكلم عن نفس الشخص ,, اخي كربة النخله ,,والله المتفرغه زينه والمعلمــــــه بعد زينه في هالوقت ,,, ولكلاً وحهة نظره.. تسلم على حضورك وشرفني. |
اقتباس:
والله فيه اشياء واقعه في اللي ذكرت ولكن لاتنطبق على كل معلمه عموما ..اشكر لك الحضور .... |
لا والله ان المعلمه افضل
بعض الناس يبالغ انا اعرف متزوجين من معلمات والحمدلله حالتهم احسن شي بس اللي مايطول المعلمه يقول منهكه مافيه غداء هههههههههه شر البليه مايضحك على الاقل ماراح تصير معلمه طول حياتها والا انا غلطان ممكن تساعدك في ظروف الحياه لصار راتبك 1800 وش تسوي تفتح بيت <<< اقول والله يانت تبطي عظم |
اقتباس:
كـــــــــلام وافي ووجهة نظـــــــر لهـــا احترامهـــا.. وقد اوافقك في شي مهم وهو الأختلاط نعم قدتستفيد منه كثيرا.. وكرف البيت قد يكون من معلمه وقد يكون من غيرها ... بس لابد ان زوج المعله يتعب اكثر من الغير ملعمه مهما كانت الأغراءت . وايليهــ اشكر لك الفصيل بحضورك .. |
قسم بالله انكم فاضين
و بعدين انت يا كربة النخله احترم نفسك و ثمن كلامك و المدرسه حامض على بوزك كلامك هذا من شي تحسه يالمريض و الله مافتح اغلب البيوت الا هالمدرسات المسيكينات و هالعالم متسلطين عليهن وين ما يروحن يطلع لهن الف حاقد وحاقد |
اقتباس:
هذا أهم مايميز الزوجة المعلمة ( تحضير ,تصحيح , منهكه , تعبانه , نوم بدري ) نعم هذا مايميزها : 12 بسلامتها خذ راحتك أما الغير معلمة " نشبة " ماعندها شغل ( كسل , بروح , نبي نطلع , ملينا ...... الخ ) وبدون فلوس :d أنصحك بمعلمة وستدعوا لي فالحياة صعبة وتحتاج من يعينك مع تمنياتي للجميع بالتوفيق .. |
اقتباس:
يعني السبب لأختيار المعلمه هو الــــراتب بالمقام الأول .. وانا اعرف كثير كثير زوجاتهم معلمـــــات وعايشين والحمدلله ..يعني ماوصلت الى انهم متنكدين نكــــــد قوي ..لا ولكن اللي زوجته غير معلمـــه اكثر راحه شوي .. المنتهي تسلم للحضور. |
اقتباس:
كون زون <<< والله ياهو ايسكريم بعد بس انه غــــــــــالي ... عموما عندما نطرح موضوع يكون للجميع لأبداء الرأي فقط والرد يمثل صاحبه كما حصل لكربة النخله وقالها بكل وضوح انه لايمنع الزوج من المعلمه ولكن وجهة نظره فقط .. ونحن نعرف الكثير من المعلمات فتحن بيوت ويكدن على اهلهن والله يرزق الجميع.. عموما اشكر لك الحضور . |
مع احترامي لجميع المعلمات ( رأيي أن لا تأخذ معلمة )
الزوجة مهما كانت لابد أن ( تمن ) عليك بما معها من النقود وإن ساعدتك بمبلغ مالي سوف تذكرك به إلى أن تموت |
الحين الي يسمعكم يقول ماأحد عنده شغاله إلا المعلمات
وإلا العين ماتفتح إلا عليهن على الأقل المعلمة مشتغلة بنفسه وكافه خيره وشره عن الناس مو العاطلات الي بس توزوز هنا وهنا وخذ ياحش بخلق الله |
اقتباس:
توي أدري إن اللي عاطلة بس توزوز هنا وهناك! يالله! العجيب بالشيء إني ما شفت هالكلام على قريباتي ومحارمي، ياترى مالسبب! أنا بصراحة ما أدري عن حريم الناس، لكن أتوقع أغلب الناس مثلنا. :) |
السلام عليكم ورحمة الله وبركاته
المعلمه وغير المعلمه كلهم فيهم خير وبركه وبصراحه كل وحده وطبعه يعني المهنه ماله دخل ابد والله اني اعرف حريم مايشتغلن بس لاااااااهياااااااات عن بيوتهن وماغير مطامر بين بيوت الجيران ومناسبات وحفلات وبيوتهن وعيالهن عليهم السلام وسيدة الموقف الشغاله وبالمقابل فيه مدرسات قايمات بحقوقهن على اكمل وجه ومسخره كل وقته لبيته وعياله بغض النظر للوقت اللي تقضيه بالمدرسه انا بالنسبه لي وحده لاهيه بالتدريس وتربية الاجيال وفوق كل هذا تحصل راتب تعين فيه زوجه احسن من وحده لاهيه بالحش والتنقل بين بيوت خلق الله والسهرات والحفلات اقل شي المعلمه تفيد زوجه وتساعده اما الثانيه فــ الله يعين جيبه من المصاريف والهدايا والفساتين والمواجيب و و و و............. انا هنا مااعمم يعني مو كل المعلمات قايمات بواجبهن ولا كل اللي مايشتغلن مهملات بيوتهن بس حبيت اجيب لكم نموذجين يبينون ان كل وحده وطبعه وتربيته اللي تربت عليه بغض النظر عن المهنه والمشاغل هذي وجهة نظري : 12 تحياتي |
| الساعة الآن +4: 04:01 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.