بريدة ستي - هل تريدون قصة حصة

وقفنا على : وجاء عزوز وارسل اهله عشان يخطبون له من بيت ام حمد وصى اهله بكلمات وقال لهم اسمعي ياخيتي لان امه ميته

الحلقة الرابعة :
وجاء عزوز وارسل اهله عشان يخطبون له من بيت ام حمد وصى اهله بكلمات وقال لهم اسمعي ياخيتي لان امه ميته انا حبيتها من زمان هي طويله وبيضاء وجميله ودخلت قلبي .. قالت أخته من زمان وانت تلعب معها في بيتهم واخوها حمد .. أثرك عاشقها .
قال من هي أنتي خذرفتي .. قالت اقصد نورة
قال لا أنا اقصد ام نوره .. قالت وشو ام حمد
قال ايه افهميني ياخيتي انا حبيتها من زمان وافكر دايم فيها ولا يروح زولاها عني اشوفها في كل مكان وكل زاوية
قالت الظاهر انت اتخبلت خل اقول لابوي .. قال لا تكفين
عزوز ما زال صديق حمد ويجي عنده للبيت ويسلم على ام حمد وتسأل عن اهله واخباره وهو هواجيس
ومره من المرات جاء عزوز وحمد للبيت العصر والبيت ما فيه أحد ام حمد وبناتها واعيالها يعني الكل طالع معها لكن حمد وعزوز بعد العصر جوو ودخلوا المجلس وكان عزوز يهوجس ويفكر بام حمد (( تعرفون انتم الصغير دائما يحفظ في ذاكرته الصور في الصغر يعني موقف او شكل او اي شيء في ذاكرة الصغير ما يروح عن البال .. دعوة للبنات اللي في الثلاثينات والاربعينات لا تقولون صغير ما يفهم ترها تلصق في ذاكرته )) وهو جالس راح حمد يصلح الشاي في المطبخ واصوات المواعين تسمع تطقطقتها .. وبعدها باشوي تنزل نوره وكانت تستحم وعليها منشفتها بس لانها تبغى ملابسها في الغرفة اللي تحت ويوم نزلت سمعت طقطقه في المطبخ خافت وراحت تركض للمجلس لانه فيه قفل ودخلت واذا هي في وجه عزوز صرخت وطاحت .. عزوز انبهر ولا يدري ويش يسوي طلع برا وجلس يصوت لحمد .. وجاء حمد مسرع وقال وش فيه فقال عزوز لحمد السالفه وقال انا ماشي ودخل حمد على اخته وصحها وعرف السالفة بعد منها .
وصار حمد يبتعد عن عزوز وعزوز بعد يبعد عن حمد
واصبح عزوز بين امرين اما يتزوج نورة ويصير يشوف ام حمد لكنها خالته بعد حب او انه يغض الطرف ويدوم على حبه لحصة وبرضه رايح يشوف نورة بعدين قرر انه يصلح اللي صار منها ترجع الصداقه ويحفظ البنت عن القيل والقال .. المهم قرر يتزوجها وفعلا خطبها وتزوجها ويوم العرس شاف حصه وطارت بوهته وصار يطالعها وهي شكت وبدأت ما تكثر شوفته المهم البنت حبت عزوز وهو ما دري عنها بعدها تعذب عزوز من شوفت حصة

وصار بين نارين ... وقرر انه يسافر ويهاجر وطلع من الديرة ونورة صارت تحب عزوز وعزوز راح لديرة ثانية وبدأ يشتغل في محل كبير وحبه حبه لحد ما صار هو المشرف على هذة الشركة " شركة أغذية " وصار صاحب الحلال ما يبيع ولا يشتري بعزوز من امانته وصدقه وبعد فترة طويلة من العمل .

صور من القصة :
- حمد تزوج وصالح بعد لكن محمد حتى الآن ما تزوج ويقول ما رايح اتزوج لحد ما اختي نورة تنحل مشكلتها يا يرجع زوجها او تتزوج لكنها بعد سفر عزوز كانت حامل وجاها ولد وسمته عزوز.
- البنات تزوجن وما بقي الا نورة وام حمد ومحمد في البيت.

وذات مره جاء عزوز لبيت صاحب الحلال يبغى يعطيه اوراق له وهو يطق الباب لمح زول ..... وقال ..... انتهت الحلقة الرابعة... انتظرونا