|
اقتباس:
وبعدين يابنات تحسبون الدراسه برا سهله رجال اعرفهم وماشاء الله تبارك الله متميــــزيـــن شيبوا من صعوبة المناهج برا ... لاتعصبين من كلامي لأنه مارح يقدم ولا يأخر ومو مانعك لو بغيتي تروحين هذي وجهة نظري والله يسهل على الجميع: 12 .. |
ماتهاب
مشكوره ع ردك ع كلامي بس بواقعيه وين الهندسه ؟؟ قصدك هندسة ديكور ايه اللي في الشرقيه ؟؟؟ انت شفتي مناهجهم وطريقة دراستهم ؟؟ والمحاماة وين اللي في الرياض واللي انفتحت السنه هذي توهم يقلون ياهادي هذي بياخذونها الخريجات الجديدات يعني احنا راحت علينا تخرجنا من الكليات مو من الثنويه ((( ماعقب الطب شي)) والله يا وخيتي اللي اعرفه انو كانت اول العلوم للمرأه في الإسلام كان الطب قبل حتى ما يبدون يدرسون الفقه فا وشلون تقولين ماعقبه شي وهو اول شي !!!!!!!!!!!!!!!!! لا فيه كثير وكثير عندك اقرب مثال الصحافه << لاحظي ما اقول اعلاميه او مذيعه صحافيه لا اكثر ولا اقل ................... واذا ع قسمي ليه هو كان بيدي اختار القسم اللي ابيه على قولتهم احمدي ربك انقبلتي بالكليه غيرك نسبته 99 ولا انقبل بالله وش بدخل يا كيمياء يافيزياء يارياضيات او حاسب او احياء >> فيه غيرها تخصصات بالعلميه حتى الحااسب وهو اعلى قسم يدرسون مبادء عامه ما يتخصصون يعني لو راحت بنت الحاسب وقدمت ع وظيفه بالبنك طلبوا منها تاخذ دوره معينه شهادة بكلوريوس على ايش ؟؟؟ وذا ع اننا نتعلم حتى لو بالبر هذا حنا نتعلم بس للاسف علم غير معترف به لازم شهاده ياقلبي ولا علمك وثقافتك بيكون ع الفاضي وذا قلت بتعلم لنفسي وش الفايده اذا اخذت علم ولا نشرته على غيري اذا انا كسبت المعرفه وغيري كثير جاهلها اذا انا وانتي وهي نتعلم وحنا جالسين فيه ناس كثيره عشان يتعلمون لازم يجيهم العلم لين عندهم وهذولي بالله مو فأت من المجتمع ومحسوبين عليه مسألت التخصصات بلا منازع ماافيه وليه يا قلبي ما ادرس بمجال النفط وتخصصاته ولا ما ينفع العلم للنساء؟؟ اذا الرامكوا تتعاقد مع الجامعات النسائيه اللي يدرسون الكيمياء والفزياء عشان تكون فيه بحوث مشتركه احنا ما تعاقدوا معنا تدرين ليه لانو المكتبه العامه مانقدر ندخلها لاننا نساء هذا اولا ثانيا ندرس بصيغه عامه على قولة الدكتوره يدرسوننا السجاده اللي تودينا للقسم!!! هذي بنظرك شهاده ترفع الراس تدرين انو اللي يقدمون الماجستير عندنا نصهم بالواسطه داخلين وهذا الكلام قالته دكتورتنا لنا اي شهاده بالله تاخذينها من هنا شهاده ع الورق ... وعلى قولتك مجرد وجهات نظر ونكتب اللي في خاطرنا بدون زعل وختلاف الرأي لا يفسد للود قضيه |
اقتباس:
|
عشان نكون على سطر واحد يا وخيتي
احنا نتكلم عن كليات بريده او القصيم اذا بتتكلمين عن مناهج اشرقيه انا القصد اقولك شفت وشلون منهجهم تافه مايدرسون الهندسه صح يعني لو تجيبين وحده تصمم لك كوشة افراح ماعرفت بدون مساعده من رجال << لانه دارس الهندسه صح المحاماه قسم شرعي ؟؟؟؟ اكمل فيها الرساله العليا ؟؟؟؟؟؟؟ ..... والصحافه ليه اهلي ما يرضون اتوضف فيها ؟؟ لاننا من اهل القصيم !!!!!! لانو مجتمعنا معليش مايعجبه العجب وماهمه غير المظاهر وبس وذا ع الطب اسمحي لي كلامك عنه غلط وش فيه طب الحين لاتحكمين على بعض من البنات اللي تركوا الدين ورى ظهورهم هذا مدرسات وعاطلات اردى منهم وش فيها دراسة الطب يعني بتقنعيني اول انها بدون اختلاط ؟؟؟؟ بس هنا هنااا في القصيم مو اي احد يدخل طب ولا اي احد يدخل تمريض اول ماكانت البنت تدرس عندنا وبعدها بنات الكليه العلميه كانوا مره قليل لانوا كان مفهومهم انو بنات العلميه منفتحين ومدري ايش وبعدها تطوروا وصاروا الحمد لله يدرسون الطب وشوي شوي التمريض نرجع بخصوص جامعة القصيم وكلياتنا لا حبيبتي 10 بنات يحضرون ماجستير 3 منهم بدون واسطه والباقي بواسطه ولا تقولين روحي اسألي هذي السنه انا متخرجه وشفنا من اللي من دفعتنا درس ومن اللي مادرس ومن اللي يستاهل ومن اللي مايستاهل وذا ع تخصص مجالاتنا لا والله مافيه ومافيه واتحدى احد يقدر يقول فيه اذا اصلا اللي يدرسون قسم الحاسب استاذات مو دكتورات روحي شووفي كيف يحضرون اول سنه وكيف يدرسون وتعرفين الفرق ....... ليه تصيرين تحت الشمس؟؟ بتصيرين سباكه انتي عالمه في مجالات النفط يعني زي فنية مختبرات << ابسط تشبيه وذا ع الشمس اصير تحت الشمس ذكرتني بعلم الجيلوجيا اللي اساسا ماندرسه في المدارس بس خاص للعيال (( علم الارض)) وغير علم الفلك وين تخصصاته عندنا هنا !!!! ومن قال انو الوظيفه مو كل شي اذا الوظيفه مو مهمه اجل وش المهم ؟؟؟ زوج ؟؟ ماتدرين بكره وش يصير عليكم يطلقك ولا يهجرك ولا يصير عليه حادث ولا يموت ولا اساسا ربي ما يوفقه بعمله ولا يكون بخيل ؟؟ بتكونين عاله على اهلك ؟؟؟؟ والله الوظيفه اهم من الزوج الحين الوظيفه تظمنين تعيشك بس الرجال والاهل ما تظمنين وخوذيها مني اذا كرفتي وتعبتي بالبدايه بترتاحين في النهايه والسموحه من صاحبة الموضوع |
اقتباس:
|
[frame="11 70"]القران يطلب منكن ان تقرن في بيوتكن وانتي اخت تبحثين عن الغربه والسفر وطبعا كل اذلك يدعو الى الانحلال في هذه الحياة القصيره جدا نحن نستعد لسفر ولحياه الى الابد اما جنه او نار جعلنا الله من اهل الجنه لا تغركم الحياه الدنيا دار الاخره هي التي تستحق الاهتمام بها الى الابد الى الابد في جنه او نار[/frame] |
من يسمع بس؟؟؟؟
|
هل القران يحرم علي اكمال دراستي والاستفادة من تعب الاعوام الماضية الذي انتهى بالمطبخ
هل القران يحرم علي ان ادرس مع محارمي هناك بنقابي وحجابي هل القران يطلب مني ان اقرن جامدة باليت بلا هدف ولا غاية انتظر الموت وانسى نصيبي من الدنيا هل ذهابي لامريكا يعني انحلالي وتنصري وكفري وانغماسي بالدنيا وركن الاخره لا لا اعتقد لا اعتقد بل اجزم بعكس بذلك |
اقتباس:
|
الوحدة تروح على قولته تكمل دراسته مثل كل البنات لكن بس توصل هناك وتشوف الحياة الحلوة والحرية لأبعد الحدود تنسى شي اسمه دراسة , وأول شي يتبادر للذهن البوي فريند هع
عموما محد وصي على أحد واللي وده يدشر ربه بيحاسبه موب الناس والفتن قوية قوية قوية لاتدعين انك اقوى من الفتنة ,, يازين أمريكا واوروبا , جنة على وجه الارض والله كان تنسين تاريخك أجل الله يهديتس تقارنين البنات بالأولاد , يعني ماتدرين وش يسوون الشباب هنا , يقلبو الواحد اذا سافر صح يفرحونلوه لكن يدعون الله انه يرجع مسلم ماسمعتي عن اللي درست بالاردن وش سوت ,, خخخخ عشقت اسرائيلي وهجت معه لتل أبيب :037: |
من ترك شيئا لله عوضه الله خيرا منه...
|
شوفوا البلاوي اللي تصير عندنا في السعوديه كيف وهي دولهإسلاميه بل منبع الوحي
شوفوا الفتن اللي تصير البنات الحين ما عاد يتمسكن بالحجاب مثل أول واللي تقول حجابي أتمسك به أتحداك هناك يسوون مصائب حتى ما يدرس بينهم محجبه غير الإختلاط ومصائبه إحنا هنا ما نفرح للولد بسفره لبلاد الغربه والفساد والعلماء هنا ما يشجعون الطلاب للدراسه في بلاد الغرب إذا كان نفس العلم موجود في بلاد غسلاميه حفاظ على نفسه البنت مهما يكون عرض أهلها ليش ما يطلع عليها الكلام وهي مسافره للخارج من يضمنها والحمد لله بلادنا فيها الخير والبركه ولا تقنعوننا إنكن بتصيرن عالمات إذا سافرتن برى والله لتشيب شعوركن من اللي بتشوفنه هناك يكفى محظور الإختلاط لتحريم الدراسه في الخارج إتقن الله وقرن في بيوتكن ومن ترك شيئا لله عوضه الله خيرا منه والله الله بالعمل للدار الآخرة ولا تغركن الدنيا ومتاعها |
(من ترك شيئاً لله عوضه الله خير منه)
اذكر وحده طلعت بالتلفزيون تقول تخرجت من اكبر الجامعات بامريكا ودرست هندسه ديكور على ما اعتقد وجت هنا وخلوها استاذه تدرس بكلية الاقتصاد المنزلي فنيه!!:oo تقول لو انا دارسه هنا اصرف لي:bad |
مالنا الا تقول الله يفرجه:'(
|
| الساعة الآن +4: 05:33 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.