الله يحييك

الوصف وانت جاي من الرياض تبي المدينة المنورة
تاصل اول شي مركز ام سدره وهذا3هو بداية القصيم

بعد ام سدره بـ20 كم
مداخل المدن الرئيسية تجيك
بريدة يمينك
عنيزة يسارك
المسافة متقاربة كل وحده عن الطريق السريع تبعد 15كم

تبي تمشى انصحك
تروح بحيرة العوشزية وتبعد عن عنيزة 10 كم ولو تسال اي واحد بعنيزة دلك

تروح بحيرة اللغف بالنبقية وهي تبعد عن بريدة 45كم ولو تسأل اي واحد ببريدة دلك
تروح الدائري الجنوبي لعنيزة وقريب منه منطقة الغضا وهي جميلة وتصلح لشاعر يكتب قصيدة او
رسام يرسم لوحة طبيعية

تروح كبري التشاليح ببريدة وتشوف اللي يصيدون سمك من بقايا وادي الرمه وعلى فكره السمك ماو نظيف ولاني معلمك السبب:d

الاسواق الشعبية انصحك تروح له
ببريدة تلقى الجردة وسط بريدة
بعنيزة سوق المسوكف الشعبي بجانب سوق الخضار

الفنادق انصحك فندق السلمان ببريدة او فندق الواحة بعنيزة لانهن موقعهن استراتيجي واسعارهن مادري عنهن

الله يحييك بالقصيم ببريدة ولا عنيزة ولا باقي المحافظات كلهم واحد برهم وطبعهم اهل كرم وطيب وفزعه والشباب ماهم مقصرين معكم