|
والله وانا اخوووك المشكلة تسبيره مهيب اللي انت تبي ..
المشكلة تبي رجال قد المكان مثل ماتفضلت بالمثال ^_^ واذا ودك تعرف كبر المشكلة تلقى من هاللي ذكرت سـلـتـوح .. يمسك خلق الله ثمن إذا شال البدلة سوو مثلهم وآردى .. حنا ينقصناا التوعيه التوعيه التوعيه ماعندك توووعيه يحجرون السلنتح بشبك ويطلعونهم عقب كم شهر وكل واحد معه سياراة المرور ولابس بدلة المرور ودفتر قسايم .. وشلون ماتبيه يكلم وشلون تبيه يمسك الشباب وهو اصلاً مايدري وين الله حاطه لو تسئلة وشي وظيفتك قالك بالاتصالات .. وإلا عمره وقفك رجل المرور وقالك إرشادات ؟ على طووول يصكك بقسيمة ويمشي ! وشلووون تبي هالمراهقين يركدون وهم يروحون الصبح للمدرسة ويخزنون من هالكيمياء والفيزياء والاحياء وحصة النشاط سواليف وفلة اجاج ويرجعون للبيت ثم يطلعون للشلة تالي النهار .. لا أهله اللي وعووه ولا المدرررسة ولا رجل المرور اللي نفسه يحتاج توعيه .. مشكلتنا مششششكلة يبيله رجاااال قد المكاااان .. |
الرضـــــــاعين مسكتهم للسيارات غلط خط الشنب عطوه مفتاح والله قهـــر
اولاه لو القياده من 20 وفوق واللي اقل من تسذا يسجن ويدفع غرامه ويجلد بعد ولا الشوارع مساعده ماشاء الله ماتدري الا طالعتن لك ماصوره ماتدري منين جت آآخ يالله أن الشكوى لك |
ايها الأخوه الآبا لايعلمون شيا عن أولادهم خالرج البيت. ثانيا ان لم يعط ابنه هايلكس اعطاه صديقه أو عدوه باستغلال لاكن كثروا الظغط على المرور النائم. وادعوا لهم بالهدايه والسلام
|
من وين تبي الامن يطبق النظام والقليل منهم متى بس يسلم من الوردية (المناوبة) اتحداك يقف عند اشارة حمراء او ينزل الطبلون عن 120 كم/س او يلاقيك معاكس
لا ولاحظ عند وقت التسليم والاستلام تحصل اكثر السيارات الرسمية مشغل السفتي بدون صوت ومسرع وتقطيع بالأشارات وسباق يقاله في مهمه واذا قرب من دوار العثيم او دوار عروق الشمال طفى السفتي قلي وش ترجي اذا كان حاميها حراميها انا مايقالي شوف عيني |
العقيد / عبد العزيز الخلف منذ تولى إدارة مرور القصيم والأمور تسير للأحسن ..
الواسطات المقيتة تكاد تكون انتهت في عهده .. التأخر عن مباشرة الحوادث قل بشكل كبير والأمور ستسير للأحسن .. العقيد الخلف رجل عملي من الدرجة الأولى وليس مجامل أو يبحث عن علاقات شخصية فيحابي فلان أو علان .. رجل يطبق النظام على الجميع وليس شمس شارقة .. هو في بداية المشوار الآن واستلم المرور بعد أن دب الكسل والخمول والتراخي في اعضاء أغلب منسوبيه هو الآن في مرحلة انتقالية إلى حياة الجد والاجتهاد والعمل .. نتمنى له التوفيق والسداد |
اول شي مشكور عالموضوع ثاني شي...!!!!:eek5:eek5:eek5
رجاء لاتغلط على الهلي ولا تلوم اي واحد معه الهلي ياخي إذا ماستانست اليوم متى تبي تستانس طيح كل الي براسك... لالا وتقول بزارين بعد رجاء اخوي لاتعير.........:eek5:i121 |
الله يهاديهم ويخليهم لهلهم با اليوم كم نسمع من الحوادث
|
المرو وماادراك مالمرور وش تنصح وش تخلي انا لي موضوع معهم وبداؤ يماطلون ويصطنعون قرارت ولكن بعد ماذهب والدي لسمو نائب زير الداخليه بشرنا بخير وكان بقمة التسامح والتواضع والتطمين جزاه الله خير الجزاء ولكن نرجع ونقول المرور وماأدراك مالمرور
المرور وماادراك مالمرور وش تنصح وش تخلي انا لي موضوع معهم وبداؤ يماطلون ويصطنعون قرارت ولكن بعد ماذهب والدي لسمو نائب زير الداخليه بشرنا بخير وكان بقمة التسامح والتواضع والتطمين جزاه الله خير الجزاء ولكن نرجع ونقول المرور وماأدراك مالمرور |
المرور عندنا يركز على شي تافه ويترك شي مهم
يركز على 1فك مرايات الجوانب 2والتشميع 3النصب يعني توقف السياره وتروح ياخي وش دخلك مازعج احد ولاخالف نظام وينسى السرعه ولازعاج والدوران والامور المزعجه والمخله |
والله المرور عندنا الله يهديهم يهتمون بالصغائر ويتركون الطوام جيدين بنقاط التفتيش وتاركين المبزرة يفحطون ويدورن ويزعجون الناس وماعندك أحد أشكرك أخي على الطرح القيم
تحياتي للجميع |
أتمنى أن يعالج الوضع
يكفي وفيات وأصبات |
مشكورين على الموضوع >>> بس إذا ما استانسنا بهالعمر متى نستانس بالعمر ذا من 17 إلى 22 تقريبا ما فيه احد يشره عليك اما إذا تزوجت وسويت حركات مراهقين يبي يعايرونك يقولون > شف هالشايب ما عقل إلى ألحين < وبعدين إلى يسب هالشباب رح وجرب هالهايلوكس وشف وش يجيك أقل شئ شوطين بالبصيريه (~_*) ههع وعلى قولت واحد من الشباب <(<( من راقب الأنظمة مات هماً)>)>
|
شف ونا اخوك كلامك ميه ميه يالذيب وكلام اللي يقولون وناسة والعمر هذا طلع اللي براسك صحيح ايضاً والجامع بينهن هو ان الواحد مايخالف يستانس ويفله وينبسط لكن لا صرت ياخي تبي توذي احد ولا بوه خطر على احد فلا ياخوي وصدق اللي يقول ناقصنا التوعيه وبعدين ليه كل هالشيله على راعين الهيلكسات صح انهم كثارين لكن مع احترامي للجميع أغلب مراهقين بريدة اللي معهم سيارات سذا اللي معهم هيلكسات او غيروه << ذي نضرتي القاصرة مشكور على الموضوع يالذيب |
مثل ماقالوا اللي فوقي
أنا دايم هادي بالسواقه أخذت الهلي غمارهـ اقتلبت 180 درجه في 5 دقايق |
| الساعة الآن +4: 04:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.