|
يا اخوان انا رحت قبل يومين للمطعم اللي اسمه صب واي ورصينا مايقارب الساعتين وحنا ننتظرطبعا داخلين الساعه 9 ونص ماوصلنا الدور الا الساعه 11 ونصف تخيلوا يوم جيت اطلبب قلت شو الموجود قالي المصري موجود بي ام تي قلتله وشي هذي سياره قعد المصري يضحك ويقولي هذا اكل صحي كويس كتير قلنا يالله واحد بي ام تي وواحد ترايكي وانا ما ادري شو طعمهن يوم تعيشيناهن ووووو يالشين يقول للشين قم واقعد مكانك لا والطامه الكبرى يقولون لصحتنا اي صحه ياشيخ وانتم تستعملون الاشعه للبطاطس تقولون صحه ويحطون زيتون مع بصل مع مخلل وخيار وخرابيط على كيف كيفك ومايونيز وشي لونه اخضروشي لونه زهري شكله سحر هههههه وكتشب وخلطات تحوووم الكبد ولحم شين وباارد ومابه طعم تقل حق مستشفى من الشين للتاكيد روحوا للمطعم وجربووووه بتقولون قد قالها جهينة شين حتى الموت لاوبعد سعره غالي ولو انه يسوى ماقلنا شي بس الطعم مب على االكيف لاكني راح اكون مصنف مع هالمطعم صب واي ازين مافيه البسكوته اللي بثلاثه ريال طعمه صح وتستاهل بس غاليه لانه صغيره ولاكن الطعم صح صح صح يميمي وتقبلو وجت نظري وكثير من اقراني زي كلامي
|
لو سمحت كم سعرها اخوي جهينة ام تي بي
|
انا جربته صراحه اكله بارد
|
الحمد لله والشكر نعم لاتحصى اكل البيت على كيفك اذا بغيت اكل صحي والمطاعم تغيير وكسر الروتين كل فتره والصب واي شكله نصب ياي |
مير وش يبيع ..؟
عندهـ ( بروست ) :d |
شي غريب اذا كنت ما تعرف تطلب هذي مو مشكلة المطعم
الصراحه أنا طلبت من المطعم و أكله حلوو مره .. ولفت انتباهي انه قليل اللي يعرفون ايش هالمطعم يجي ويقول وش عندكم ويطلب شي ما يعرفه .. يا اخي اذا ما تعرف خلك على الشاورما والبروستد والا يسأله الفلبيني وش تبغى صوص يقول من كل شي الا الشطه خخخخخخخخخ ما يدري ان عندهم أكثر من 25 صوص ولكل نوع صوص خاص فيه والا اللي يقول بارد ,, قله يسخنه لك اذا تحبه حار لان التسخين عندهم على الطلب حبيت أفهم بعض الناس اللي تنتقد و هي مو عارفه من هالمطعم الا ان له مدري كم فرع بالعالم وللاستفسار الاتصال على رقم 12345678 تحويله 123 تقبلو تحياتي واسفين اذا غلطنا بحق احد |
وشهو الصب؟؟؟؟
|
أحسن مطعم على مستوى القصيم,,,, صراحة محترم,,, الطعم لذيذ,,, ماعليش الكلام يمكن فيه مبالغة ,,, بس هذا الي حصل لي أنا,,, |
الحقيقة أنا أخذت منه عادي جداً بس يمكن ماعرفت وش الطلب الزين
|
المطعم ممتاز ولاكن سعره غالي جدا جدا وممتاز للي بهم امراض دوهون كريستول وضغط ومادري ايش على العموم هم عندهم اكلات صحيه |
رووووووووعه
وطعمه نفس الفرووع حقته |
اقتباس:
يعجبني ردك (هاذولا حقين صبه وكاتم) وبالنسبه للزحمه شي طبيعي انه راح يكون زحمه لانه محل جديد ياجماعه ماله الا كم يوم |
. . . اقتباس:
بل أكثر من 30000 فرع في 87 دولة في العالم كما تـُـفيد لوحاتهم الإعلانية . . . . |
استغرب كثرة الردود لمثل هذاا لموضوع مع احترامي للكاتب لكن هناك مواضيع حيويه ومفيده وقويه تطرح وللاسف الردود قليله جدا اما مواضيع الاكل تهافت غريب
|
| الساعة الآن +4: 04:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.