|
الحمد ببه على سلامتك يابو فهد ..
الله يوفقك يارب .. :) |
الله يوفقك يارب بس عندي سؤال ممكن .... الجواب: لا
مشكور .. الأسئلة هي: 1. الحين ببريطانيا أغلب العوائل يسكنون العزاب عادي؟ ياخي متى يحسسون انفسهم انهم ببيوتهم؟ 2. إلا لو ببني بيت هناك مثل بيوتهم ذي اللي مدري وشلون قايله... كم تكلف علي؟ 3. ماعندهم كوامري ولا كورد ولا على الاقل سوناتا... ياخي سياراتهم مال لأمها داعي!!...وبعدين الا ماشفت دداسن؟ آخر سؤال: ياخي مافه عرابجه هناك بحارتكم؟ زي اللي نشوف بالتلفزون... بصراحه لوني هناك تسان اشتغل رئيس عصابه واخليهم كلهم اصغر مني علشان اذا تمشكلت معهم مايقدرون لي... من جد من جد ماشفت عصابات وخرابيط مثل اللي بالافلام؟ |
|
ما شاء الله ،، الحمد لله على السلامة .. عاد عقب ما ترجع بسألك بصراحة هل استفدت لغويا ؟؟ لأني عجزت أتخيل نفسي أرطن انجليزي ، مع اني ودّي . نبيك تعطينا صور البزر الي مسوي شده :) وتريقاتك معه << خابرينك استفزازي :) عسى الله يحفظك من كل مكروه . |
ماشاء الله الله يوفقك حبيبي ولاتنسى تسلملي على لينا |
السلام عليكم .. قد أفتر نون :d أعجبي تفاعلكم واعتذر عن التأخير بالرد لأني أدرس فترتين .. ولا ادخل غرفتي إلا قليل جداً .. حتى بوقت فضاوتي انزل اتكلم مع مايك وكيت :d يستانسون علي قلبت لهم البيت لجه هههههههه مستانسين البزران وأبشركم .. هالصغينوني بدا يعطين وجه أثره مصخن اول ماجيت وانا احسبه يتغلى :d ههههههههههه عاد مرضت كيت اليوم .. عنده حراره شوي ادعوله :d بالنسبة لردودكم .. أرجوا انكم تعذروني جزاكم الله خير.. أبرد على اللي أقدر عليه . اما اللي ماستطيع فارجوا ان يعذرني وأشكر كل من رد على موضوعي وعقب عليه اما الذينا سألوا .. سوف اجيب بما استطيع بسم الله الذيب اقتباس:
هل تقصد تكاليف الدراسة ؟ والله مادري بالضبط لأنها جت من مركز ابتعاث وطلبوا من العمل تقريباً 17.000 ريال .. شامل السكن والأكل اما الطيران .. كلف 2100 :41 .. من زين حظي انه صار فيه تخفيض بعد ماكان ب 5000 تقريباً لأني رايح بغير المواسم واختلف سعر السكن والطيران وأشياء كثيرة لاتنسى اني اعيش بضواحي لندن فهي ارخص شوي من السنتر اقتباس:
ماصرفت شي .. ضعت مرة ركبت باص وقطار مجانيات ونمت بالقطار لين وصل أخر محطه ههههههه وصك القطار ثم رجعت بتاكسي بـ 20 باوند الباوند عند الراجحي يساوي 5.5 ريال خمسة ونصة بالضبط صرفت 2000 ريال عطاني 400 جنية اقتباس:
وهي تتغير من عائلة واخرى .. يعني العائلة اللي ماعنده بزران .. هذي غالية واللي عنده كلاب وقطط . هذي ارخص لأن ماحد يبيهم من السعوديين خاصة وهاكذا ولاتنسى العائلة المدخنه ايضاً ينقص اقتباس:
جنوب لندن اقتباس:
اسم المعهد beet اقتباس:
لكن عندنا الآن برررد درجة الحراره الصباح 6 والظهر 9 تقريباً لكن البرد منعش اقتباس:
دايركت لهيثرو 6 ساعات بالطائرة وفارق التوقيت بيننا وبينكم حنى الآن عندنا الساعة 12:30 وانتم عندكم الساعة : 3:30 3 ساعات انتم سابقيننا شكراً لك يالغالي اخوي الغالي دندون اقتباس:
والباب مفتوح مثلهم مثل عيالهم ماعندهم خصوصيات حتى في غرف نومهم تجدها على الطريق والبيبان مفتوحه فهم مبسوطين ولاتضن انهم يبي يطقون الباب عليك يقولون تعال تغد لا عندهم وقت محدد للغدا وإذا جعت بأي وقت رح للمطبخ واطبخ لروحك او لطس من الجبن والعسل عندهم كل شي متوفر بس لاتنسى ترجع كل شي لمكانه وتستأذن في كل حركة تبي تسويها :41 بكذا ماعندهم رسميات زينا فررررررررررري اقتباس:
اقتباس:
لكن لو تشوف سياراتهم كان تنهبل .. اقصد اللي جوا شاشات وحركات شفت سيارة مثل سيارتي بالضبط اللهم الطاره يمين وانا يسار هههههههه فيها اختلاف شاسع اثر مهب بس عبد اللطيف جميل هو اللي يشلح الدعوا كله مبزوطه اقتباس:
بعد المغرب .. ماتلقى أحد بالشارع هدووووووء جداً .. ولا فيه عرابجة ولا خرابيط .. بس لاتطلع .. بالليل . يكثرون الشياطين هههههههه :074: شكراً لكم أحبتي .. جزاكم الله الف خير كلمة أخيراً ياشباب تراه هذا الموضوع .. ليس تقرير او تغطية مثل ماذكر احد الشباب إنما اللي يطيح بيدي من صور ابحطه .. لا تنتظرون شي .. أو تتابعونن على طول .. ولا احد يقولي عجل علينا لأني مخلي هالموضوع شي ثانوي .. وغير هام .. في أوقات الفراغ فقط .. أدخل واضع مافي جعبتي شكراً لكم وأيضاً أكرر لاتنسوني من دعائكم جزاكم الله خير |
يسر الله أمرك
ووفقك في دراستك |
أبوفهد نبيك تصور كل شي تشوفوه وكل موقف يمر عليك
,, لاتوفر ,, :) ودنا نعيد متعة التغطية الماليزية .. والصفحة هذي ( مدونة لك ) سجل به كل هبالك الله يحفظك ويسهل أمرك ويوفقك يا الغالي :) :) |
اقتباس:
اضحك الله سنك ابو فهد وش صار على الرجال مهنا شي جديد |
حفظك المولى , وحمى دينـك , وأرجعك سالماً غانماً إلى أهلك أتمنى أن تلتقط صورة للبنت الصغيرة "كيت" إن حصل ..! وشكراً لك ,, |
الله يوفقك يا ابو فهد
وييسر خطاك .. تقرير منتاز .. لك من بريدة السلام .. بريدة |
,,
صباحك ومسائك بكل خير حبيبي أبوفهد :) اقتباس:
وشو مركز ابتعاث .. وكيف يطلبون من العمل ؟ إذا ما تقدر تقول هنا , عندك الرسائل الخاصه لأني أريد هالمعلومات هذه ضروري .. السؤال الثاني : كم تتوقع تصرف باليوم تقريبا بحكم الأسعار الموجودة حالياً ؟ بالباوند .. وأخيراُ : كيف تقييمك للمعهد من ناحية الدراسه والمشرفين والطلاب ..الخ .. ؟ وهل عندك معاهد آخرى تنصح به ؟ كل الشكر حبيبي ,, :) ,, |
قرناس شكراً لك ياقليبي ماتقصر .. وإن شاء الله راح احط كل اللي يطيح بيدي انا توي قايم الفجر عندنا .. وصليت وقلت ابجي اشيك وارد على الذيب والصباح رباح .. نكمل الردود إن شاء الله اقتباس:
كلمته .. وقلتله عن طلب العمل .. لمدة شهرين واعطاني التكاليف كاملة وتم تسديده من الشركة وليس هم اللي يطلبون من العمل لأن مالهم علاقة فيك:i125 اقتباس:
طاح عنك السكن والأكل والشرب وش باقي؟ باقي الأشياء الثانوية والخاصة أعتقد تكلفك بالباوند شهرياً 400 باوند .. يعني مايقارب 2000 ريال يعني 100 باوند اسبوعياً .. يعني 500 ريال إذا كنت مسرف يعني .. فأنت مانت رايح للسياحة او زي كذا فأعتقد .. انها تكفي في ضل الغلا الفاحش عندهم لاتنسى ان الببسي بالظبط قيمته عندهم 5 تريل الشاورما .. 12 ريال الحبة الماء بـ4 تريل مريت على هوتيل .. وسألتهم عن غرفة سويت قالي بـ 10.000 ريال غير شامل الضريبة 15% ههههههههه قلت لهم أبي أرخص غرفة عندكم قالوا بـ 2000 ريال .. هذا ارخص شي بدون ضريبة فاحمد ربك .. هههههه:d اقتباس:
تراني مالي ثلاث ايام لكن بجاوب عليك عشااان ترتاح لاتنسى اني رايح هناك .. ماعرف شي ولا ادري وش يبي يصير علي ولا ادري وين اروح ولا ادل المعهد ولا مستواي ولا شي أبداً لكن الحمد لله أعتمدت على الله ثم جزامتي وكسر حاجز الخوف والخجل ورحت وسألت العائلة عن المعهد فودتني لينا للمعهد بالبيجو.. وخلاص دليته قريب من بيتنا :d ثم دخلت على التيتشر حقي وسألته .. وبدأ يرطن قلينزي لكني فهمت الحمد لله .. شوي شوي .. لين عرفت قاعتي ومحاظراتي وهم يغيرون كل اسبوع الجدول.. بالنسبة للمدرسين .. فهم روعة كلهم.. وطريقة تدريسهم تختلف جذري عن مدارسنا الله يخلف مثال في مادرسنا .. يدخل المدرس ويشرح القواعد والمستمر والماضي والفاعل والخرابيط اما الحين عندنا لا.. كيف تسولف .. كيف تحفظ الكلام كيف تقول للي قدامك .. وش تسوي الصبح ووين تروح .. وأيش برنامجك وكيف وهل وماذا الأشياء البسيطة . لين ينطلق لسانك وانا تكلمت مع اني ماكد تكلمت أبداً لي ثلاث ايام .. واحس اني أبدعت لا انسى ان اقولكم ان الحفظ الكلمات هي اهم شي فأنا حفظت عدد من الكلمات اللي ماكنت حفظته بديرتي لأني مجبر عليها وسوف أحتاجها كل دقيقه هنا اما الطلاب فهم أيضاً رائعين ويضم جميع الدول سويسرا تركيا الأمرات قطر افريقيا .. الغريب انه مافيه مصري هههههههه اليابان الصين كوريا ماليزيا البرازيل هذولا اللي قابلتهم يعني وسألتهم وير آر يو فروم :d فيه ظاهرة عندنا في بريدة او مادري عنه بالضبط ان البريطانيين انفسهم شينه هذي الكلمات كثير نسمعه مايحترمون مايسوون وش يناظرونك يالسعودي يالعربي يالغربي العالم كله نظام واحد أحترم اللي قدامك .. يحترمك دايركت كذا بغض النظر .. وش جنسيته انا امس طبيت بوسط السوق وضعت وكنت ناوي أضيع :d عشان أسأل غصب:d شفتوا التعلم فامسك لي شخص وأسأله .. عن الآدرس مي:d واشرح له المكان فـ بعضهم ينتبهون ويناظرونك ويحاولون يفهمونك .. ويكتبون لك.. وانا معي القاموس المترجم اكتب واسجل واحفظ وأبشركم وصلت هاوس مي :d بسلام وعرفت الطريق .. وتعلمت من هالطريقة شي كثير منها كيف تبدأ بالسؤال .. وكيف تختار الشخص المناسب وكيف تحظر السؤال وكيف تحاول تتكلم بجرآءة مع العلم أني اعلمهم اني بسيط بالأنقليش ويتفهم الوضع ويبسط لي الأمور.. أمر أخر بالنسبة للمعهد امس جاء لمي شخص قطري يبي يتكلم معي ويحاول يشبك .. وواحد سعودي كذلك .. انا انتبه له إذا كان يبي فرندز .. قلتله سلام :d أما يبي يسأل .. ماعندي مشكلة والغالبية يبون صديق يتكلمون معه وانا ضد هالشي فـ بالكفي .. شوب اشوف السعوديين .. منطوين عن البقية ولا يحاولون اصلاً .. أنا لا اروح اشبك لي مع تركي ولا سويسري ولا بريطاني .. بس ماتلقاهم .. بالمعهد :) اقتباس:
ماعرف واللخ غير معهد بيت وعلى فكرة له فروع أيضاً في لندن بالسنتر .. شكراً للجميع back to you tomorrow thnx |
الله يساعدك ويوفقك
لكن عندي سؤال وش تدرس |
| الساعة الآن +4: 04:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.