والله أنا أشوف إن سبب عزوف الشباب عن الزواج

لعدة أسباب منها إنه مافيه وضايف أو بالأصح

حنا مانرضى بأي وضيفه لأن الواحد مهب متزوج وهو

عطيل يبلش بمرته وأغلب الشباب اللي أعرف

مايرضى مرته لو كانت موضفه تكد عليه.

الي بيقدتي بالرسول يقتدي بكل شي ماهو على كيفه يختار الي على هواه ويترك الامور الثانية.
ومزعجينااا بعذر قدوتنا الرسول واخر شي ياخذ وحدة كبر بنااته الرسول كل زوجاته ماهن ابكاار ماعدا عائشة اقتديتوا بهالشي.!!!



والمشاافيح ياكثرهم والله لان التعدد بالوقت الحااضر واضح انه موضة عند الرجااال والدليل زوااج المسياار الي الواحد مايصدق على الله يلقى شيخ يحلل له..وكل واحد يفزع للثاني بالتعدد لكن لو يجيه شاب ماعطاه وجه..
والي حارق رزي يااخي بلاك ماشفت دموع الزوجة على زوجها بليلة زوجها وحرق الاعصاب الي تعيشها ووالهجوم على التعدد بهالوقت بسب الظلم الي يجي من الزوج تجاه زوجته الاولى لان الدين الله اعلم فيه. والدليل كلمة اخونا ياسر عندما قال قوت يومه يعتقد الواحد انه لاعطاها اكلها وشربها والمبيت خلاص عاادل هذ ماشاء الله عليه وش ابغى بوااحد مغنيني مادياا ومعنويا الله بالخير القلب والتفكير والكلام الحلو بمكان ثاني,,
.تخيل زوجتك تزوج غيرك وهي على ذمتك ..!!

والي يقول ان مااحد يرضى ياخذ من راتب زوجته احب اقولك ان هذا زمان يوم كان فيه صدق رجاال ماهو رجال هالوقت مايصدق على الله انه تشتغل عشان يفتك من المسئولية انا ماادري ليش متزوج..!!

وياالشامخ ان كان كلامي قاسي فماهو اقسى من كلامك الي اجزم لو تقرا زوجتك ردودك (هذا ان كانك متزوج والله يتمم عليك انبسااااااطك) تطلب الطلاق لان كل ردودك واضح انه تصدر من رجل لاينظر للمراة الا انها (ااااااالة ) لتلبية مايحتاج عافانا الله..ليس انسانة مثلها مثلك..
وحلوة عيب عليك ههههه قاالوا لك بالروضة..

وانااا معك ان البنت اهم شي اخلاقها لان هو الباقي وكل شي زاال مثل الولد تماما..
والنساء لايكرهن الانتقاد الا اذا جاء بسلوب (......)

كل واحد مسئول عن ماقدم..
وانا اتكلم بصرااحة لان من اهم مزاياي النت ان كل انسان يتكلم مايريد لمايريد من خلف الشاشة فااتمنى تقبل راي الطرف الاخر.
.وانا تكلمت بهالطريقة عندما شفت غيري يتكلم بهالطريقة.

العنوسه وما ئدراك ما العنوسه الحين اذا جاء الشاب يبغى يتزوج يبيله اقل شي 200الف صح ولا لا مصاريف عرس وسكن ومهر ووغيره كثير تكفون قولو لي منين يبي يجيب هذا المبلغ وتلقاه موظف ويستلم 4 او 5 وش يسوي هذا الراتب مصاريف جوال او بنزين سياره او اغراض شخصيه وفي الاخير بح كيف تبيه يتزوج كذا واذا راج يخطب قالو ماتقدر تصرف علي بنتنا راتبك مايكفي

اللهم زوج الشباب والبنات وستر عليهم اللهم عاجل غير اجل

الله يعين


قسم بالله ما أخفيكم اني بعد ما خطبت و توهقت


افكر اهون عن العرس


ما هوب معقول يا جماعة

مهر 60000 ريال

حفل عرس قاعة و ذبايح حول 35000 ريال

اجار شقة حول 18000 ريال

اثاث شقة يقال لي باجيب اي كلام بحوالي 34000 ريال

المجموع كله 147 ألف ريال

و أنا راتبي ثلاث آلاف و سبعمية و سيارتي كسرة كل يوم خربانه

و هذا أحسن الموجود كل ما طقيت باب ردوني قالوا داج و هذا اهونهم و بعضهم رفضتهم لانهم يهايطون بقوه بالمهر

و الطلبات و التكاليف


سؤال يعني مية و خمسين ألف تقريبا لمثلي و هم تراهم يا جماعه كثيرين


كيف تتدبر .؟؟؟؟


بنك التسليف يعطون 40000 و بنك الراجحي يعطونني على راتبي 57000 ريال

يعني باقي عجز خمسين ألف

و القسط للي فوق 1900 ريال

و اجار الشقة معدل 1500 شهري

و يبقى من الراتب فقط 300 ريال على افتراض تدبير المبلغ الباقي من السماء بدون تعب و بقدرة قادر تصحى من النوم تلقى تحت وسادتك خمسين ألف بدون تعب

و اللي يقهرك تدري وشهو

اني لو انا صادمها و ميته كان الدية لها ستين ألف فقط لا غير بدون الباقي من الخساير ذي

ما تدري انت اذا خطبت انت تدفع مهر و الا دية


غير كذا انك خمس سنين تسدد بها الديون و بالعقل انت ثلاثمية ريال الباقية هنا تكفي مصروف


و بالاضافة ان المرة يوم تجيك و تدخل عليها ما معها و لا شي يسوى و لا معك انت شي يسوى من هالخساير \


اللي لا لله و لا لرسوله و لا لك انت و مرتك و بيتك


كلها للشيطان الرجيم

و يقولون وش سبب العنوسة و سبب عزوف الشباب عن الزواج


و على فكرة ترى عمري 28 ما تزوجت للحين


يعني المشكى على الله


و صراحة افكر اهون

اغدي العزوبية ما قالت لنا شي يزعلنا ؟

الله يهدي ابااء البناات ويخلون عنهم الشروط الى ماله دااعي

من قال ان شروط البنات تعجيزية ؟

تبي شقة وَ مرتب صغير يعيشه هي وزوجه بأمان ..

الشامخ ممكن تعطين نسبة العنوسة بالسعودية ؟

الحمدلله الذي عافانا من ماابتلي به وفضلني على كثيرمن الخلق


بالنسبه للموضوع
الخطامن كل الطرفين
حتى الرجل تلقا السياره من أغلا السيارات
والمهر ماشاالله عليه مايقدر صارت السياره أغلا من زوجته أو الي بيخطبه
أستغفرالله

مااشوف بهالوقت مصاريف كثيرة خصوصا بيريدة الزواج على البنت والغالب عائلي بعد وبعدين يسون لها اهل زوجها عزيمة زواج فقط
والشقة ماهو لازام تسكن بمكان فخم الوسطية مهمة بكثير من الامور
وصدقني لو بتصاراح ابو زوجتك ان قصدك العفاف وان بنته بتكون بعيونك وانك ماتقدر على تكاليف الزواج والله لايقدر هالشي ويزوجك والخير لازال موجود
وكثير اعرفهم سبحان الله بعد العرس رزقهم الله ياترسم بوظيفته يارزقه وظيفة وكان قبل امام مسجد
(وعلى نياتكم ترزقون)
والشروط التعجزية الي تتكلمون عنها غالبا تكون من الوالدين بحجة يبغون افضل شي لبنتهم..
والله الموفق..ومن صبر ناااال

يسلم منطوقك يا الجمااان
وكلامك عين العقل

نقاش لاغبار عليه الكل أدلا بدلوه
ولاكن ماهو الحل؟؟
اذا كنا نرفض التعدد
ولا نرضى بشخص متواضع المستوى سواء من الناحيتين الأجتماعيه والماديه !!!!