|
الصراحة ما قريت الموضوع كامل لكن خذ قصتي :
عيال ...... الله لا يوفقهم و لا يحللهم . اشتركت بآفاق شامل و يوم شفت رسومه قلت واااااوهـ هونت مابيه ...تخيل 1044 في فاتورة وحدة !!!! قلت أروح و ألغيه و ألغي أبوه بعد و كل خدمه عليه أصلاً وش أبي به ؟ ألغيته و كل خدمة على الرقم و بالصدفة بعد مرور شهر ونص تقريباً دخلت بالصدفة موقع خدماتي (عندي بالمفضلة و فاضي قلت بس كذا).. و إذا علي فاتورة 996 ريال ... رحت لهم قلت للموضف أنا معبي استبيان و خالص و انت مدخل لي الطلب بالجهاز ليش كذا ....قال اتذكر يوم تجي خل أدور لك ورقت الطلب ......دورها لي و دور و دور و مالقاهـ قال تعال بكرا و جيته بعد يومين و نفس الشي ....!! قلت طيب و الرااااااي ؟ قال الراي ما عندي لك سنع لازم تدفع ..!.!!!!! قلت وشلون أدفع هذا خطاك قال و هو فششششل (والله يابن الحلال) و سكت !! دقيت على 907 و ماصار شيء قالوا دق على 8002444455 و برضو ماصار شيء يقولون بعد جهدٍ جهيييد الدفع بك بك !!!.. و ألحين وش أسوي إلا إني أدعي علييييهم بكل ما أوتيت من جهد و قوة ... |
الله ينزعهم....
حياه اتعس وآشقى وآصعب... الله يجيبلنا الشركه السنعه علشان نسهج ابو الاتصالات..... حتى من ردى الحظ زين طلعت شين وتحوم التسبد.... بس مانقول الا الله يكون بالعون... |
أخوكم عانا ثلاث سنوات وسيعاني ماشاء الله في طلب دي اس ال ولامجيب
طالبت وواجهت واشتكيت وعلا صوتي ولا مجيب وفي الآخر نقدر لكم تعاملكم حسبي الله ونعم الوكيل((stc_حياة أصعب)) |
موبايلي وبس
اولا اخي الكريم شكرا على طرح الموضوع الجميل.
ثانيا احب اروي قصة احد الاصدقاء ذهب الى شركة موبايلي لتحويل رقمه القديم في الاتصالات السعوديه الى موبايلي تم الاتصال عليه من قبل شركة الاتصالات يستفسرون لماذا ؟ عسى ماشر : قال ابدا انا لدي خطين جوال واحد منهم قليل جدا الاستخدام وجت فاتوره عاليه مستغرب الرجال : فقالوله سنعمل حل لهذه الفاتوره وتم تخفيض المبلغ 90% يعني سرقه عيني عينك . |
السرقه ومشيناها أصلاً اذا ما اسرقوك أو نصبوا عليك يكونون مب طبيعيين.. البلى بالحركه الجديدة وهي أنه يصك السماعه بوجهك :eek5>> قويه بصراحه.. أتصلت بشوف وش قصته مايشتغل أبقدم بالديوان وقال:عندنا عطل دقي بعد سااااااعتين..دقيت بعد ساعتين قال:نعم(قالها وهو نيم) وأشرح المشكله يو خلصت قال: عيدي>>:i121 عدت من جديد قال: لحظة أحولك للأعطال الفنيه والله ما حولن صكه بوجهي الله لا يربحه حسبي الله عليه صك الديوان وأنا ما قدمت أصلا ما همه متوظف ولا يحس بمعاناة غيره>>المقرود مقرود...عاد أنا ما قصرت قيمته بسيئ وصرت كل ما أكلم أقيم بسيئ. والطامه الكبرى الهاتف وما أدراك مالهاتف ..تعطل هاتفنا يومين يوم دقينا عليهم قال الموظف: من بأسمه؟..وعطيناه الاسم قال: خطأ الاسم:eek:..:i121>>تبخصنا بأسم أبوي..وقالنا اسم غير ..يوم راح أبوي لهم وقد صدموه بخبر كالصاعقه..رقمنا مسروق ومعطينه وحده جايه من منطقه ثانيه وأخذته لأنه نفس رقم جواله..(ورب الكعبه هذا اللي حصل) رجعوه لنا بعد معركه حدثت وبعد سبب غير مقنع بأنهم أخطأوا>>لاه ... |
السلام عليكم ورحمة الله وبركاته أولا معذرة على التأخير في الرد والسبب ما يخفاكم وهوعطل ال دس ل من يوم كتبت الموضوع وحتى هذا اليوم عاد تدرون وشلون صلح ... والله شيء مخزي وهي سرقة من نوع جديد قاموا وحدثوا نظامهم <<< أمحق من نظام بعد التحديث بدأ ما يشتغل عندي النت واتصل عليهم قالوا بكل بجاحة وش مودمك قلت ربوتكس قال خلاص النظام ما يشتغل عليه !!! بأي حق بالله عليكم ياناس ما يشتغل مودم يباع بالسوق مثله مثل غيره لكن يبدو أن هناك سرقة قصدي صفقة كبيرة بينهم وبين بعض الشركات الشاهد قال لي الموظف غير مودمك ويشتغل قلت ومودمي طيب !!! رحت للمحل وشريت ما طلبوه وهو سبيد تتش وها أنا الآن أكتب منه ولله الحمد معذرة أخرى نسيت أن أشكر الأخوة والأخوات الذين أتحفونا بمشاركاتهم من شدة فرحتي بعدة الاتصال بكم بعد أيام من الانقطاع . شكرا لكم وأرجو أن أعود للتعليقعلى مشاركاتكم |
اقتباس:
|
إظهار رقم المتصل له أكثر من شهر متعطل في نظامهم والقهر أتصل على 907 وانتظر أكثر من خمس دقائق وأتفاجأ بانقطاع الخط !!! والنظام له ثلاثة أيام واقف للتحديث !!! stc حياة أفشل ،،، |
الله يعيييين بس الشركاات فيه إذا كنت تريد نت بس مااتشتغل عندكم ببريده عندنا ببيتنا بالمحمديه بالريااااض اخووي اشترى جهاو شركه عذيب الجديد يااهووو نت بعد حلووو بس اظاهر انه بس بالرياض و الدمام وجده كتجربه عشااان يتأكدو من فاعليته لكن أقوول مثل مااا كتب احد رسامين الكاركتير في أحد الجرائد 00 أص طي سي |
اقتباس:
:41:41:41:41:41:41:41:41:41 |
صراحه الاتصالات كلها مشاكل ,, خاصه الدي سي ال ,, لي مرره ابصكه بجدار >> فقع مرارتي ,, واذا اتصلنا عليهم والله مايدبروون خذ وخل من هالهرج ,,, وردد ياليل مطولك ,,, |
طيب وش رايكم اللي حده الائتماني 500 ريال
والفاتورة 8000 ريال ؟ |
عاد انا والله ما اعرف بس ماادري جتن هالرسالة بالايميل ويمكن تفيدك
أخواني الأعزاء السلام عليكم ورحمة الله وبركاته .. يواجه اغلب مستخدمي خدمة الـ DSL المقدمة من شركة الاتصالات السعودية بعض المشاكل وأهمها مشكلة انقطاع الخدمة كل 5 دقائق أو 10 دقائق أو حتى 30 دقيقة . وقد اتضح أن المشكلة تحصل فقط في خطوط الـ DSL المركبة على كبائن MSAN الجديدة التي تم تطويرها للوصول إلى سرعات عالية . وكانت تحديثات هذه الكبائن MSAN والمقدمة من شركة Huwawi غير متوافق مع غالبية أجهزة مودم الـ DSL المنزلية . لذا فانه يلزم تحدث جهاز مودم الـ DSL المنزلي إلى آخر نسخة من الموقع الخاص بالشركة المصنعة للمودم . ومن ثم قم بالدخول على لوحة تحكم جهاز مودم الـ DSL وقم بتغيير ما يسمى DSL Modulation إلى النوع T1.413 وإن شاء الله ستذهب مشكلة انقطاع الخدمة . |
, |
| الساعة الآن +4: 07:00 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.