بسم الله الرحمن الرحيم

اول شي بكتب وانا متنرفز من هالمواضيع المستهلكه واللي كل سنه وبرمضان نقراه ولا من جديد

الله يخلف عليكم الحين انا مادري وش تبي العالم

اللي يقول سوو مظاهرات واللي يقول مادري ايش واللي يعلق على تعليق الثاني !!؟ وش جاهم العالم كل هذا فراغ


ماوقفت الا على طاش ! المسلسلات كله دمار الدمار وماعندكم الا طاش

واللي يكفر القصبي واللي يقول ومايقول , ياخي لاتشوف التلفزيون وخلصنا

يعني برايكم ان هذولا مصلحين ؟ عشان تتكلمون عنهم وتعلقون عليهم وعلى عمايلهم !!

ياخي اللهم لاشماته هاللي نشوفهم بالشاشات اغلبهم من ادني الفئات ومن اوطى العالم

يعني اللي يبي يشوف يشوف ولايستغرب ويعلٌق ولا لايقعد كل حلقه يكتب ويعلٌق

لأني اشوف ان الكتابات اكبر من هالسخافات اللي تنكتب علشانه

افيدونا بكتابات هادفه تخص الأسره وتخص المجتمع والنساء وتحث على جهاد النفس وعلى التمسك بالدين

وعلى تقوية الامل بالله سبحانه وعلى صلة الرحم وعلى عواقب مصاحبة رفقاء السوء ورفيقات السوء وعن

الكثير من المشاكل والمسببات لسوء سلوكيات الشباب والفتيات , وكيفية الوقايه منها قبل وقوعها او علاجها .