![]() |
البتاع التطعيس بتاعكم ده ... انا احبوه كتير ائوي ...
دول العيال بيعملوا حاقات في العربيه مش عارف ازاي ... مره قلت لأم مصطفى (( تقضبي )) حنعمل زيهم ... قالت اوعا يامدحت حتنقلب العربيه .. قلت هما العيال دول احسن ني ... فسحي ياوليه ... رحت عند النفود هناك ... وقيت ومعايا العيال في العربيه ... ودخلت الساحه .. وبدءو الشباب يصفقوا لي هناك ويصفرو ويزعقوا كمان .. ويقولو يالله يالله يالطعميه احلى يالله وشحطوني ... دخلت يادوب مية متر ... الا ومحمود ف يحضني ومصطفى في حضن امه .. والشباب بيضحكوا ويقولو سلامات يالطعميه سلامات ... انت حدك صحن فول وجاي خلك التطعيس لأهلوه .. قاموا وعدلوا العربيه ورقعت لبريده ... |
ياناس مدحت ذا لا قريت له أتمزع من الضحك
والله يانا أصير مانب أشعر ياخي لو يصير خويي يومين سان قلبنا بريدة فوق حدر أجل بهالبيجوا مطامر بهالرمث تقوله اننا نطعس هههههههههههههههههههههههههههه ياقلبييييييييييييه يا بطنيييييييييييييييييه يا مدحت يا بيجو يا بوجي انت والله يا شكل فتحية على نياته الله انه مسكينه << ---- سكينه ولا مبرات أنا أبدفع نص عمري وأعرف وشلون جت هالكلمة لمصري (( تقضبي )) قسم بالله هذا مصري بنكهة شايب ،،، والله يانتم عائلة مووووووووووووت قسماً بالله يا مدحت اني قاعدن أصيح من الضحك واااااااااااااااوك والله يانت هبااااااااااااااال خلاص تراك على باب يمين بالسعفة هع هع هع :D:D:D:D:D |
الله يحيك معنا اخوي قناص بريدة............. بالنسبة للشباب... يعني يصير عنده نقص بالعقل ويعتقد انه يبي يكمله بالتطعيس والا التفحيط........... لكن مااقول الا الله يهديهم إلى صراط المستقيم........... وجزاك الله خير........
يالله سلالالالالالالالالالالالالالام |
شكرا أخي قناص بريده فقد وضعت اليد على الجرح
والعلاج في يد كل غيور رد على هذا الموضوع مبدي استيأه من هذا التصرف فكما حصل في الثمامه عندنا في الرياض في مكان مشهور بالتفحيط حتى اشتهر عند الكل ولا تستطيع اي عائله المرور من تلك الجهه فاذا كانت معنا عوائلنا نظطر لذهاب مع طريق ابعد ولكن اسلم من المضايقات المهم جاء مجموعه من الخيرين ووضعوا مخيم شبه دائم (صغير) بنفس المكان بصراحه مادري وش هي الايام المحددينه بس اتوقع وقت تجمع الشباب يعني الخميس والجمعه وحطوا فيه محاضرات وعروض بروجكتر واشياء اخرى الغرض منها جذب الشباب وقد اثبت نجاحه حيث انك اذا دخلته ترى مختلف الفئات وقد أحسنوا اختيار المكان ( بعني برايكم ها المفحطين بيجون يقولون هذا مكاننا طبعا لا ) فجزاهم الله عنا خير الجزاء. فيا أخوتي تكاتفوا جميعا ولا تنتظرون أحد يحل المشكله فتفقوا بينكم واحد يطق الخيمه واحد يتكفل بعروض البروجكترومدحت ينكت عليهم وهكذا وينتهي الموضوع وأعلموا أن في ذلك أجر عظيم فلا تحرموا أنفسكم منه وممكن يبدا الاتفاق المبدئ عن طريق المنتدى قبل الختام يا بن الخيله أقظب ارضك ممكن ان قناص بريده مر وشاف التطعيس يعني معقول انه يطعس همن يكتب يسب المطعسين ويدور حل ( او كل واحد يناظر الناس بعين طبعه ) |
.
يعني بعد التطعيس صار حرام
التفحيط وقلنا يالله نمشيها لكن التطعيس يكون حرام هذي و الله مصيبه المشكله ان كل اللي يردون في هذا الموضوع عندهم خبره كبيره يعني كيف عرفوا بهالسوالف. واذا كان حثاله من اللي بالربيعيه هم مقاصدهم شينه فلانعمم عليهم كلهم بالعكس روح شوف السويلميه مين اللي يطعس؟ كلهم ملتزمين فهل نقول انهم راعين حبوب ونيتهم شر اذا فحطوا اتمنى انه مو اي صور تكون بيدك تفرح علشان تنشرهم بالمنتدى اخوي -------- مدحت خخخخخخخخخخخخخ الله ياخذ نص وجهك قل آمين قسم بالله انك شئ وانا كنت ادخل هنا بزائر لكن يوم شفت سواليفك انت والمرجوج سعفه قلت الله ياخذ اللي مايسجل وبعدين اسمعني اوعى<<< تأثر اوعى تسمع لكلام اللي بالمنتدى الحاقدين عليك يامدحت قسم بالله انك شئ وربي ------ اعيد واكرر اللي يثبت ان التطعيس محرم يكتبه هنا |
الأخ / شنتر بن عداد
هل يوجد أطفال مع كبار ؟ وضح لو تكرمت وما موقفكم لو تأكدتم من ذلك ؟ وهل هناك رقابة لمثل هذه الأمور ؟ للتصدي للشرور وحفظ أعراض المسلمين ! |
.
هذا ياأخوي شئ ثاني
لكن انت تعالج ضاهرة التطعيس او تعالج ضاهرة ركبوب الاطفال مع الكبار ؟ |
كلاهما
انظر كلام الأخ سعفة تحت السواهي دواهي ******* ما هي بس شرب شواهي :i121 ( إن الله لا يخفى عليه شيء في الأرض ولا في السماء ) |
مشكور أخوي قناصنا
موضوع يستحق الدراسة أخي شنتر بن شداد هولا يقصد التطعيس بلحالك ولامن الأمور يقصد التطعيس عند تجمعات الشباب وهناك الله يخلف |
.
أعيد وأكرر
ضاهرة ركوب االاطفال منفصله تماما عن التطعيس يعني مثلا انا لو رحت للربيعيه وجلست اطعس ومامعي احد صغير كذا يكون عادي ؟ او جائز يعني هو كان حرام من ركوب الاطفال ؟ |
شباب باقي شي ماتطرقتوا له...........شراء الجيب يجوز ولا لا........افتونا جزاكم الله خيرا
اجل التطعيس والوناسه والمطر صار حرام ؟؟؟؟؟؟؟؟؟؟ اقول تقهو الله لا يهينك ياكاتب الموضوع..... تحياتي ظل الخيال.... |
السلالالالالالالالالالالالالالالالالالامو عليكو
وش ذا الهباااااااااال شفتو انه به ناس مهوب عاقلين الحمدلله والشكر يرقى همن ينزل يرقى همن ينزل يرقى همن ينزل يرقى همن ينزل يرقى همن ينزل بعدين يروح ينام همن من باتسر يالله يمسك هالنفود يحولي ويدعيه زيطه ناس فاضيه ودايخه عن اذنك يا قناص ابهارج حبيب البي ظل الخيال وش دعوا ظل الخيال ورااااااك معصب:i125 اعصابك يابعدي لا يجيك سكر والا ملح والا من هاللامراض اللي عاثيتن بالبشريه:re ثاني من اللي يقول ان شرا الجيب حرام هاااااااااااااه من هو :bad عطن اسمه ورقم اللوحة ونا اوريك به الشغل:S اللي حرام هاللي يروح هنااك بس عشان يلاحق هالبزراين هاالرضعان:i121 :i121 ناس بايخة يالله سلام مجنونبسعاقل |
.
اخوي بالله انت تنكت ولا تحك أبطك يامجنون بس عاقل؟
وبعدين اذا انك انت تروح للربيعيه علشان الرضعان موب كل الناس يروحون علشان نفس وجهة نضرك ؟ فهمت وانا الليله رايح للربيعيه واللي يبي يخاويني يسقط رساله بالرساله الخاصه علشان اتكيه . |
الى الاخ الغالي شنتر بن عداد
اخي الكريم ،،،،،،مهلا ياراعاك الله فالقضية لاتحتمل ان الانسان يفقد اعصابه . من قال لك ان قضية ركوب الاطفال تنفصل عن التطعيس خاصة في مكان تجمع شبابي واخص - الربيعية - معذرة اخي الحبيب لنكن واقعيين ......نحن لم نقل ان التطعيس بحد ذاته اذا كان لا يوجد فيه اتلاف للمال او تعريض للخطر حرام ،،،،،لكن في ذلك المكان وذاك التجمع المشبوه تحديدا يجب ان نعيد النظر ونفكر بعمق . اخي الغالي .....سؤال مباشر ...... ما سبب التجمع هناك ؟؟!! ولماذا اغلب من رد على هذا الموضوع قد تعرض الى هذه قضية ركوب الاطفال بالتحديد!!! اختصر لك الاجابة لأن الامر اخي العزيز واضح للعيان ولا يحتاج الى تفسير .... فبالنظر الى من يركب على الباب ((الايمن)) من اصحاب القبعات الحمراء يعرف الهدف من التطعيس في هذا المكان ........واللبيب بالإشارة يفهم. والله المستعان ولك مني الف تحية محبك محبكم |
الساعة الآن +4: 12:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.