|
الأخت / ياحبيلتس ... شكراُ لمرورك
الأخ / ابوربي ..... تشرفت بمرورك أستاذي الكريم الاخ / ابو ولع ... شكراُ لمرورك .. ولتعقيبك .. وبوركت الأخ / أبو تشقة ..! الله يهديك أنت متوقع اني سألت الشيخ يجوز ولا مايجوز ؟؟ دايم تدخل عرض !! انا ناقشت الشيخ عن هجرالمساجد .. وتعود الشباب على الصلاة في المحطة وفوات الأجر .. وأنا نقلت الفتوى لأني كنت متاكد ان فيه أحد بيدخل عرض ومطفي النور كالعادة .. بس مافيه فايده من وضع التحذيرات ... !! الأخ / العشة ... ! طيب ناقشني بأدب لوتكرمت ... الأخ / داعية بس داهية .... يعني إذا ذكرتهم بأهمية الصلاة وأجر التبكير للمسجد أنفر الشباب ؟؟؟ وإذا على قولتك كثرة الفتن .. إذن يجب الرجوع للصواب والتمسك بالدين وليس السكوت عن هذه الظاهرة ... ؟ وشكراُ لك الأخ /خادم بريدة ... جزاك الله خير .. أنا قلت ليس في الموضوع مشكلة .. ! ووجهة تظرك على راسي .. وشكراُ لك وأرجو من الإخوة طرح وجهات تظرهم بإسلوب يليق بهم أولاُ والإختلاف وارد بس بأسلوب أرقى من الأخ العشة .. قلت في البداية ان الصلاة جائزة والمقصود من كتابة الموضوع التذكير بأهمية الصلاة وعدم الإعتماد على مسجد المحطة والأهم من ذلك هو ضياع الأجر في التبكير إلى المسجد .. ماقلنا حرام ولا تكلمنا إلا بالواقع .. وتحياتي .. |
الله يجزاك خير يا محب الخير للغير
|
اقتباس:
اقتباس:
ما أطريت هجر المساجد ,, تقول تنامي هذه الظاهره ,, وإذا تنامت هالظاهره خير ياطير بالعكس أمر يبشر بالخير إلا إذا كان اللي بالمحطه كنيسه ;) بـ سؤالك للشيخ كأنهم مرتكبين خطأ وأشوفك تسميها ظاهره بالنسبه لي أسميها ظاهره خير . اقتباس:
لو أنت كاتب موضوعك عن الشباب اللي ما يصلون ما تحس انك بتطلع بفائده أكثر اقتباس:
|
مع احترامي لك موضوعك ماااااااااله دااااااااااااااعي الله معبود في كل مكااااااااااااااااااان
|
الاخ / شيبة الهلال ... مسجد الجامعة يختلف عن المحطة .. وتشرفت بمرورك
الاخ / الطارق .. جزاك الله خير على حسن ظنك ... وشرفتني بمرورك الأخ / ابونشقة .... نقاشي مع الشيخ كان حول مسألة واضحة وتحول في نمط معين .. لم نكن نعهده في السابق كالإقبال على مساجد المحطات .. ولم يكن نقاشي مع الشيخ يعني السؤال عن مسألة شرعية.. يجوز او لايجوز ؟؟؟ حلال أم حرام ؟؟ يابونشقة افهم الله يجزاك خير .. ترى المسألة نقاش ووجهات نظر ماهي فرض آراء ... ثانياُ هي مسألة إختيارية .. الصلاة في المسجد او في المحطة لا فرق كلاهما جائز .. لكن المشكلة في فوات الأجر ... وهذه النقطة (فوات الاجر) هي التي سببت لديك الإشكال على ما أظن .. أوضح لك أكثر .. يعني عمرك شفت واحد يقرأ القرآن وينتظر الصلاة بالمحطة ؟ أو واحد يصلي السنن الرواتب ؟؟ أكيد لأ ... يعني اذا كانت البداية في هجر هذه السنن والإكتفاء بالفريضة فقط ... فهذا لا يمنع من (لفت الإنتباه) للشباب وليس للتحريم , وانما للتذكير بأجر المسجد وعدم المداومة على مسجد المحطة ... ولكي لانصاب بالإدماااان على مسجد المحطة وننفر من المساجد القريبة ...! إذا كنا نريد الأجر .. لاسيما وأن الدااااااافع الرئيسي لصلاتك في المحطة هو وجود جماعة جاااااهزة .. يعني مالك خلق تنتظر الإمام ... ! وهذه هي الحقيقة التي نرفزت البعض ... ! وبعدين الله يهديك وش جاب طاري الكنيسة ؟؟؟!! أركد شوي ... حرارة على غير سنع ... :i121 الأخ / علوش بلوش ... تشرفت بمرورك ... ومازلنا نعاني من عدم وضوح الفكرة لدى البعض .. ! :081: |
رائع جزاك الله خيرا
|
اقتباس:
طيب شف معي كلامك اقتباس:
مادمت ما سألته عن جواز الصلاة أجل وش دخل هالكلام بسؤالك مادام معروف انه جائز ؟ اقتباس:
إذا قلت لك هذا رأيي وهذا هو الصح قلي فرض آراء . اقتباس:
واللي مو مواظب عليها بيتركها سواء بمسجد الحي او مسجد المحطه على حسب مواظبه الشخص للسنن الرواتب وقراءه القرآن يعني اللي مو مواظب اصلا ما فرقت مسجد حي ولا مسجد محطه عندك طاقه زايده وحماس جزاك الله خير تكلم عن الناس اللي ما تصلي خير شر ,, تذكير وفائده أكثر ومايمنع تختم موضوعك بكم سطر عن السنن الرواتب إنتهي , , , نسيت ومساجد المحطات >> هذي فوق البيعه :d |
الصلاه في المحطات مكان لااحب دخول الشباب الصغار فيه ولكن عندما سالت شاب قال اسرع يالله الهدايه شكرالك .... |
الأخ الفاضل ... ابو نشقة .... بجاوبك وآخر مرة ..
أولاُ أنا نقلت الفتوى عشان أبري نفسي من تهمة الحلال والحرام .. يعني عشان تاصل الفكرة وتتحدد معالمها من البداية .. ومع هذا ماسلمت ... !! الظاهر ان كلام الشيخ ماعجبكم انت والعشة ؟؟ أو أخذتوا اللي يجوز لكم وتركتوا الباقي ؟؟ الشيخ يقول تم تشكيل لجنة لمناقشة هذا الموضوع .. يعني الموضوع مهم وإلا كان ماضيعوا المشايخ وقتهم وقرروا يشكلون لجنة ياذكي ..! يعني رح انت والعشة للشيخ وقولوله انت فاضي انت ولجنتك ؟؟ ... قله الموضوع ماله داعي واستغلوا فراغكم بشي اهم ؟؟ اليس هذا كلامك انت وبعض الشباب ؟؟؟ الله يهديكم بس .. يعني المسألة كان فيها أخذ ورد ونقاش أرقى وأكبر من حروفي وحروفك يابونشقة .... ولا يهون ابو عشة ... وبالنسبة للسنن , ترى فيه سنن قبلية !! ليش حصرت السنن بالسنن البعدية ؟؟ اوماتدري ان السنن الرواتب فيها قبلية وبعدية ..!!! ولا تحاول ترقع اكثرمن كذا ... الله يغفرلك الاخت / هيين .. شكراُ لك .. المسألة واضحة لكن المشكلة ... اللي على راسة بطحا ....!! |
اقتباس:
تبري نفسك ؟؟ أنت الحين تشكك الناس بجواز الصلاة بمسجد المحطه هي أصلا مافيها شي عشان تبري نفسك من الحلال والحرام شي واضح ,, طيب لو فيه شباب يفطر بإفطار صائم ويترك فطور البيت بتروح تسأل الشيخ ؟ اشياء واضحه . اقتباس:
تقول إنك سألت الشيخ عن تنامي هذه الظاهره ؟ يعني جواب الشيخ طبيعي ماراح يتكلم عن ان الصلاه جائزه او لا بيتكلم عن هذه الظاهره على حد قولك جواب الشيخ هذا هو على حسب كلامك اقتباس:
وكل من بيقرأ هالجواب بيتبادر لذهنه أن السؤال ماحكم الصلاة بمساجد المحطات ؟ إذا كان جواب الشيخ هالسطرين بس ليش ما تكلم عن تنامي هالظاهره ؟ ليش قال انه تم تشكيل لجنه ورأت اللجنه جواز الصلاة في مساجد المحطات ؟ كلنا ندري انها جائزه ليش ما تكلم عن تنامي هذه الظاهره انت اللي تكلمت بالموضوع مهوب الشيخ ؟ يعني سالفه سؤال الشيخ مدري وش دخلها بالموضوع ؟ لان سؤالك بطريق والجواب بطريق انت سألت سؤال والجواب عكس السؤال تماماً وين الخلل ؟ هل هو فيك ماقدرت توصل المعلومه او الشيخ فاهمك غلط ؟ إنتظر ردك ,, |
ابري نفسي من تسرع البعض وأولهم أنت .. لأنك مازلت مصر اني اتكلم عن الحلال والحرام ...
حتى في آخر رد تقول ( تشكك الناس ) بجواز الصلاة !!!! كل هذا ولا وصلت الفكرة ؟؟؟ أقولك كثرة الإقبال على المحطات والإدمان عليها وهجر المساجد وفوات الأجر ومازلت مقفل ... !! انت تقول انها جائزة ولا فيها شي ! وأنا وش أقول من أمس ..؟؟؟ شفت انك مقفل ..؟؟ جميع ردودك لم تذكر اي مسألة شرعية تخص الموضوع او نقاش هادف .. !! المهم الإثارة ولغة الهيمنة ...! لكن مقارنتك مساجد المحطات بإفطار الصائم .. !! جعلني اندم على إضاعة وقتي في الردود السابقة .. مقارنة مالها أي وجه ... وتخبط واضح كشف المستور !! ( الله لا يفضحنا ) واتضح لي بعد هذه المقارنة أنك لم ولن تستوعب الموضوع أبداً ... ولاحول ولا قوة الا بالله قلتلك لا ترقع لأنك تبي تجيب العيد .. بس ماطعتني الله يهديك وآآآآآآخر شي استنتجته هو هذا السؤااااال الفلته : وين الخلل ؟ هل هو فيك ماقدرت توصل المعلومه او الشيخ فاهمك غلط ؟ وش رايك تصير بمحل الشيخ احسن ...!! أكتفي بهذا السؤال وسالفة افطار الصائم ... ولا يطلع شي أكثر من كذا :101: |
اقتباس:
أنا بختصر موضوعك ,, أنت عندك حماس زائد وجاي تبي تنصح عن السنن الرواتب وقراءة القرآن ولا عرفت شلون . ركز على كلامي باللون الأحمر أنت تقول انك تسأل الشيخ عن تنامي هذه الظاهره ؟ طيب الشيخ ما جاوبك ليه ؟ لإن جواب الشيخ قال انه تجوز الصلاة بمسجد المحطات ؟ سؤالي ليش الشيخ ماجاوب سؤالك ؟؟ ليش تسأله عن تنامي الظاهره ويجاوبك بجواز الصلاة ؟؟ سؤالك بوادي والجواب بوادي والشيخ جوابه سطرين وكلها عن جواز الصلاه ابي اعرف وش دخل هالسؤال بالموضوع انت بنفسك بس اللي تكلمت عن السنن الرواتب وفضلها ..إالخ . يعني لو بديت من هنا وانت نازل ماقلت شي اقتباس:
** |
مسجد الميقات بالبصيرية ومسجد محطة القاسم بحي السلام دائما اذا كنت مستعجلا او متأخرا عن الصلاة |
بالعكس انا مع ابونشقه :)
الصلاة بالمحطه مافيه شي مجرد مسجد وفيه صلاة .. والصلاة جماعه وليست فرديه .. وليست كما قلت ظاهره ..؟ وهذا شي جيد ان الشباب يروح لها لاكن فيه ناس ماوديك يموحدز بهالمواضيع ابونشقه شد عليه |
| الساعة الآن +4: 02:12 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.