ممكن تعطينا طال عمرك فائدة واحدة من وضعك لاسمك ورقمك في البلوتوث؟
العقلاء يعلمون بأنه لا يعمل بمثل هذه الأفعال إلا سفهاء العقول ممن يبحثون عن المتعة والغزل.
بعدين من وين نحسن النية؟

من يوم عرفت البلوتوث انا حاط رقم جوالي ونيتي طيبه والحمدالله
وش تبيني احط ... غرام وحب وقله حياة

يعني الواحد اذا حط رقمه .... حرام
والله ما بقى شي ما حرمتوة ..... وش هالتشدد

تقدر تحط أي شيء غير رقمك، تقدر تحط رموز تقدر تحط كنيتك تقدر تحط أي شيء!
يعني هي حبكت على رقم الجوال؟
:confused:

بس تراه مو ذنب
وبعدين انا حر على كيفي احط رقمي ولا رقم غيري
والحمدالله نيتي طيبه واللي يبي يغازل قديمه عليه حركات البلوتوث . . . الناس صارت تغازل بالاباك بيري مدري وشسمه والشات والخرابيط

اعتقد من وجهة نظري ان البلوتوث ظاإاإهره قديمه واللحين الناس تركوا البلوتوث


وكثير مايتكرر مثل هالمواضيع.

لك ودي واحترامي

قصدك يضع اول الرقم ويقول الباقي ماتغير هاها

أحس ماتـــــوا الي يحطــون أرقام جوالاتهم في البلوتوث..!!
الله يهـــــدي شباب المسلميــن وشاباتهم..

كلام جميل ,,

لا مايحتاج أحد يحسن الظن
إذا أحسن فهو له وإن أساء قهو أفضل لك :d

أنا لايمكن أحط رقم جوالي بالبلوتوث .. هذا ان شغلته بعد :d
لكني لا أعارض أي شخص أن يضع رقم جواله .. او رقم (هيكل سيارته)

وانتم وش علاقتكم ..


الواحد لديه حرية شخصية .. حتى في الحريات والخصوصيات لكم علاقة فيها

اطلعوا من حياة الناس شوي ..
شوفولكم شغله غير الناس ..

وانت من عشان أعطيك فوائد ان احط رقمي ..

ياقلبي .. انا حر
وإذا ان مافيه طرق لحسن النية ..
اتحداك تجيب رجل الهيئة وتقوله هذا حاط رقم جواله بالبلوتوث ..
وشف وش يبي يقولك :d .. بس لاتجي لمي :d
أخطأت في هذي يابوسليمان ..
فحكمك هذا .. طعن في جميع من وضعوا ارقام جوالاتهم في البلوتوث .. وهذا خطأ

طيب أنا مانب راعي أسواق .. إذا حطيت رقم جوالي في البوتوث .. في البيت .. او في الاستراحه ..

هل هذا يعني اني أغازل أختي .. وخوياي في الأستراحه .. :d


ياعالم ..

ياناس ..

رب بنتك على النهج الاسلامي .. وصدقني .. لو تحط صورة (كاكا) والرقم خمسات
ماراح تلتفت ولا رمشه له .. لأنها معلمينها أهلها الآداب والطرق الصحيحه ..

ولو تجيب بنت من هالصايعات وتدخلها حلقة تحفيظ .. لقيتها معجبه بمدرسة الحلقه والداعية .. حقتهم :d

المسأله..مو ان البنت تنتظر رقم جوال في البلوتوث وكأن الرقم هو العائق

افتح جريدة الوسيلة .. وشلق من هالأرقام وخذ من هالتوليف .. وخذ من الكذب والترزز بأرقام مميزه

ولا حس ولا خبر ولا أحد يدري عنهم ..



ياناس اطلعوا شوي .. وابعدوا عن قذف الناس وسوء الظن ..
وانتم وشعليكم منهم ..

خلوهم يفتحون باار ومراقص .. عندنا دوله تحارب هالشي ولله الحمد .. ورجال حسبة شايلين هم الدين فوق كتوفهم .. جزاهم الله عنا كل خير ووفقهم في دينهم ودنياهم ..


لكن كل شي له حدود يا أحبابي



محبكم/أبو فهد