بريدة ستي - والله احرج المسكين واحرجنا

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

- - والله احرج المسكين واحرجنا (http://www.buraydahcity.net/vb/showthread.php?t=201277)

اقتباس:

المشاركة الأساسية كتبها ملف علاقي (المشاركة 2176257)

يااخوان البارح كنا معزومين علي زواج ابن احد الأقارب في قصر الأفراح المهم يوم قلطنا علي العشا قلط علي الطاوله الي جنبنا واحد ولد شباب بين من شكله انه مو من المعازيم وشكل مظهره من احد القري القريبه المهم الرجال بدا ياكل تحس من اكله انه له يومين ماذاق شي ويجي واحد معنا علي الطاوله ويمتحنه بتجديع الكلام مثل ( هذا ماشاف العيشه ’ هذا شكله من الي يدورون علي العروس ) والمشكله انه رجال كبير وعليه الشرهه وعند نفسه انه قاعد ينكت وانا اطالع الولد يوم انه استحا ونزل راسه ونزل شماغه وطلع وشكله ماغسل الصراحه كسر خاطري !! بعدين وش استفاد هاالشخص من هاالكلام وكذلك الخير واجد والله بعض المفاطيح ماعليها احد مردها للزباله . يااخوان الواحد يدور المحتاج يتصدق عليه مويمنعه عن شي مو من حلاله حسبناالله ونعم الوكيل ..

هل هذا هو قدر النعمه عند بعض الناس انا متأكد انك ماتقصد لكن فيه ناس يعيشون بيننا ولانحس فيهم لما يقرؤن هذا الكلام ماهو شعورهم الحقد والحسد وقد تصل الكره والعنصريه

والله من الصدز الواجد
اجل احرجه
لاحول لله

ماتعود على الضيوف والكرم

كان قمت وسفلت بوه قدام العالم ..

لو تقدرون تروحون تطيبون خاطر هالمسيكين تلقونه ضاق صدره وتعقد وهذا شيء طبيعي خصوصاً انه منحينه بموقف شين محد وده يكون محتاج !
ويجي هذا ويكمل عليه حسبنا الله وكفى كيف يفكرون بعض الناس ؟ حسابه عند ربنا وكما تدين تدان.

المفروض منك أنك رديت على هذا المتسلط بلسانه

حتى يرتاح المسكين .

ياحوووووول واللله يكسر الخاطر ويمكن من جد ماشاف العيشه ولكن هذا مايبرر إنه يسد له نفسه

أنت الغلطان ليش ماقلت للرجال هذا أسكت مالك دخل خله يأخذ راحته أنت دافع شي من جيبك غشان تصير درس له ومايتلفظ على خلق الله..........

التنكيت قد يجرح مشاعر انسان لا يستطيع الاعتذار معالجة هذا الجرح .

×××××××
والمفروض انت ماتسكت .. ترد عليه لأن الساكت عن الحق شيطان آخرس ..
عجبي من امرك .. تتركة .. وتتكلم عنه بالمنتديات ..؟؟؟!
لماذاا لاتواجه هذا الشخص وتنتقده على فعلته ..؟؟
حسبنا والله ونعم الوكيل ..

عالمي
الوسام
شاكر مروركم اخواني الأفاضل وكذلك مداخلات الجميع اقدر تفاعلكم وهذا من طيب معدنكم وحسن تر بيتكم لا كن والله مانزلت الموضوع إلا لأني اريد ان اكفر عن تعاجزي برد الظالم عن ظلمه وكل واحد يحط نفسه مكاني ساعتها راح يكون مثلي وينشل لسانه من الموقف لا كن نسأل الله لذلك الشاب وامثاله ان يغنيهم الله من فظله ..

مسكين والله عسى هاللي احرجه يذووق نفس اللي حصل

يا ويله من الله ...

اذا هوو محتاج الله يرزقه من واسع فضله ويغنيه عن الناس.. واذا علتووه ماتعلم كيف ياكل بأدب اتوقع بيكون لوه درس ويتسنع.. وبالنسبه للي علق على الشخص قدام ملى يرى ويسمع الله يفكووه من دعوه تجيه من هاللي فشلووه قدام العالم ..