بريدة ستي - متاااابعة الأجواء اليوم الأربعاء 21/5 في الرياض .. سي يو ..

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

جزاك الله خيرا

ياليت يامدحت تسأل هل فيه تعويض للسيارات الي غرقت لأنها أصبحت تالفة وأصلاحها يكلف الكثير

لأن سيارت خالي مطلوب عليه لأصلاحها 30 الف

الساعة الـ2,30 ظهراً ..

مازالت السماء صافية ..
ولاتوجد أي ( بوادر ) لتشكيل السحب ..
( بوادر ) .. <<((== بوادر .. هذي جمع بودر .. والبودر هو الروج حق جدتي موضي ..

ودرجة الحرارة ليست عالية ..
والرطوبة زالت تماماً ..

والأجواء حالياً مستقرة ..

وابو يحي دخل المكرفون وصك المدرسة ودخل يتغدى ..
علشان يطلع يأذن العصر ..

ومازلنا معكم حبة حبة ..
فتابعونا ..

سي يو ..

عزيزي مدحت ..
مريت قبل قليل على الوادي ولا لقيت سروال أصفر :113:
وشو موترك ؟ وما بعد تتبخر من الحرارة ؟!!

هذي الاحوال الجوية على بعض مدن المملكة
اضغط هنا لتحريك الصورة

درجات الحرارة المئوية
أهم الظواهر الجوية أعلى نسبة رطوبة الصغرى العظمى المدينة
تبوك
صحو

الباحة
امطار رعدية

عرعر
صحو

سكاكا
صحو

جازان
غائم جزئي

نجران
أتربة أو غبار

الطائف
رعد

ينبع
أتربة أو غبار

مكة المكرمة
غائم جزئي

المدينة المنورة
عوالق

الرياض
عوالق

الدمام
غائم جزئي

جدة
صحو

أبها
امطار رعدية

حائل
غائم جزئي

بريدة
غائم جزئي

ماتلاحظ ازعجتنا انت ووادي حنيفة

لايكون كل يوم بتكتب متابعة يومية :091:

عنز بدو وطاحت بمريس :027:

السسسسسسسسسسسسسسلام عليكم ..

انا اليوم انكسرت رقبتي .. من قبل الظهر .. وانا مانزلت رقبتي ..
ماغير اناظر بالسماء .. تقول احد ( يجرن ) مع خشمي على فوق ..
( يجرن ) <<((== هذا كويتي يشوف حريم يقرن ..

الساااااااااااعة الــ5,30 عصراً ..

الأجواء جميلة وربيعية ..
سماء صافيه ..
هواء عليل ..
رطوبة ماكو ..

بالنسبة للأخت لوكيشن ..<<((== والله ويولف له اسم ..

قولي له اتركي عنك القصيم .. <<((== الأخ يحسبه بمنتديات عرعر مايدري ان كل اللي هنا قصمان ..

انا اقول هالأيام اتركي عنك القصيم .. وتوجهي لوادي حنيفة ..
حيث المتعة ووالوناسة .. والكورلا المتعطلة ..
<<((== كورلا .. هذا فلبيني يقول غورلا .. <<((== غورلا هذا سوداني يقول كورلا .. <<((== والله النشبة

القصيم لاحقين عليه ..

بس وادي حنيفة متى يمشي ..
بعدين وادي حنيفة وخاصة العصر .. رووووعة ..

خصوصاً من جهة الشفاء عااااااااااااااد انواع الوناسة ..

كشتة وبجنبك حواطى .. والله انه انواع الفلااااااااااااااااااات ..

وتفرج عليهم وهم يسولفون .. تقول كل شوي يبي يتهاوشون ..

سعيدان وطاعون .. تعال فيذا ..
يابنت الحلال قايل ميدك اصبري خلينا نشوف ذولي اللي يسبحون ..
وش عليك من ذولي .. تعال فيذا ( إنا ) طالعين ( إنا ) وإياك ..

بعدين انتي تعالي شيل ( ذيلي ) وذبيهم فيذاك .. ( ذيلي ) ( تحس انهم كاشتين مع بساسة ) ..

عااااد انتم قصمان .. يبي يقوم اخوك يقول ( ذولي ) وش هالبنات اللي يسبحن ..
ويبي يروح ينصحهن ..
همن يتفرج وأثرهم عيال هالحوطى يطافشون ..

وأمك تدور اللي تقول ( ذيلي ) تبي تشوف هالذيل وشو ..
وترجع ماشافات شي ..

لأنهم بالأخير مايقولون هذولا .. او .. هذولي ..
نداء الجمع للمذكر ( ذولي ) ونداء الجمع المؤتث ( ذيلي ) ..

والله انهم ونااااسة وجيرتهم تنشرا بالدراهم ..

روحوا لاتفوتكم مناظر الوادي ..
ولاحقين على القصيم ..

سي يو ..

الساهة الآن الــ6,00 مساءً ..

هناك سحب متراكمة قادمة من الجنوب الغربي .. غطت الشمس ..
مع بداية سرعة في الرياح ..

وإحمرار نوعاً ما في السماء من ناحية الغرب مما يشير الى أن هناك إحتمال ( عج ) ..

الفرصة مهيئة لهطول أمطااااااااااااار بإذن الله ..

سي يو ..

^^

واحدن بالطوقي الآن يقول عندنا رعود وبروق !

عدتُ والعود زكريا << تحلف مربوطة بالموضوع

..

شرق الرياض ~

الأجواء غيوووم ملبّدة في السماء وتمشي بسرعة 25 كيلو متر بالساعة << تراي قايسته على سرعة سواقنا ذذ

..

تصدقون ان السحب تمشي مسرعة اللهم اجعل فيها خيراً ياربي

..

اقتباس:

المشاركة الأساسية كتبها مدحت شوقي بريده (المشاركة 2204716)

الساعة الــ11,50 ظهراً ..

السماء صافية .. والسحب متفرقة ..
والشمس بازغة .. كالخدراء في عذرها ..

وهبوب هواء عليل .. قلل من الرطوبة ..

بدأت اصوات الضفادع تظهر .. وهذا يدل على ان جريان المياه خف كثيراً ..

وللعلم .. زيادة اصوات الضفادع .. اما ان تكون من هدوء جريان المياه او من كثرتها ..

فإذا كان جريان المياه في المعدل الطبيعي فإن الضفادع تمارس حياته الطبيعة .. وتسرح وتمرح ..

واذا اشتدت المياه تزداد اصوات الضفادع ..
لأن كل ( ضفدعة ) تويق مع الباب وتنادي عياله اللي حول الماء ..
وتقول لهم ( هلموا هلموا ) ادخلوا لاتغرقون فرقعين جدي ..

وهنا تختلط اصوات الضفدعات مع بعضهن البعض ..
وكل ضفدع مايدري ايهن امه اللي تصوت لوه .. وبأي حفرة ..
لأنهن كلهن يتشابهن ..

فتبداء الضفادع تصيح وتنادي امهاتهن .. وينك يمه وينك يمه ..

فتزداد اصوات الضفادع اكثر وأكثر .. ويختلط الحابل بالنابل .. وتغدي الدنيا زيطة ..

أما الآن فالأصوات خفيفة .. وأظنه اصوت مرح ولهو من الضفادع ..

وسنوافيكم بالمزيد ..

سي يو ..

هههههههههههههههههههههه
هههههههههههههههههههههه
:113:

وش صار على أبو يحيى , بيجمعون اليوم المغرب ولا لا :113:

الْحَمْدُلِلَّه الَاجْوَاء مُسْتَقَرَّه

لَكِن قَبْل الْمَغْرِب بْشْوِي اصْفَرَّت الْسَّمَاء !
وَاللَّه يَسْتُر مَايَكُوْن عِج !

وَادِي حَنِيْفَه بِالأَمْس الْاجْوَاء فِيْه رَائِعَه
وَايَضُا فِي ظَهَرَة لَبَن وَحُرَيمِلا !

.

الساعة الـ7.20 مساءً ..

الأجواء مستقرة في جنوب الرياض وعلى ضفاف وادي حنيفة ..
مع وجود سحب متفرقة ..

ووردنا اتصالات من الأخوة اللي ماسكين طريق القصيم ..

يقولون اقضبوا البيوت ..
لأن واجهتهم سحابة ممطرة ومصحوبة بالبرد مع سرعة في الرياح ..
يعني اللي طالعين .. يرجعون لبيوتهم ..
يكفي من الصبح وهم يسعسقون .. ييزي ارجعوا علشان مانبلش بكم ..
<<((== تحلف انه العريف ركن مناحي بالدفاع المدني ..

ومن المحتمل ان تصل هذة السحابة الى الرياض بعد ساعة تقريباً ..

ومازلنا معكم متواصلين ..

سي يو ..

ماشاء الله مع الحدث قلبًا وقالبًا ..
مدحت,,,, إلا أبسألك حسن كراني , كاشتن معك ..؟

شرق الرياض ~

أمطــرت مطررر يهبل .. وبرق ..

..

صديق زوجي توه ماسك خط القصيم اتصل عليه يقول جتنا عاصفة توحش الله يستر ..

اللهم سلم سلم

..