|
تسلمون ع المرور لكن نبي الصراحه اللبقه اللي تجي بدون تجريح ولا لف ولا دوران فيه ناس يوذونك ويلفون ويدورون عليك بقصد المجامله ومع هذا انواع التجريح لو كنت طيب ومافيك الا الخير قاموا يطلعون فيك انواع العيوب ويا غافل لك الله وهذ اللي انا اشوفه المهم احسن الواحد يطقها بالوجه زي المهستر والله مايصير بقلبك لاحد شي تشيله وتقعد طول وقتك تفكر الله يحفظ من رد ويسعده يارب .. |
كلام جميل ولكن من الجهل أن تكون صريحاً في كل شيء هناك أشياء لا بد وأن تجامل فيها أما أمور الدين وما عليه جزاء وحساب وحلال وحرام لا بد من الصراحة والصدق .
|
الحقيقه انا جربت اكون صريح ولا اجامل وعملي لابعد حد طبعا التجربه هذي بالدوام وماشفت من ورا هالصراحه الا البلشه والمشاكل والاستقعادات من كل نوع واشوف حولي العالم مرتاحين ومبسوطين وكانو خوياي يقولون لي وشوله هالزعطه اللي انت فيها مش امورك وابلع العافيه وقلت خلني اجرب مجرد تجربه الوجه الاخر الا وهو النفاق الاجتماعي والمجامله ودليت اعطيهم من هالرخيص وارفع فيهم ترفيع مو طبيعي ومدح وسدح وسبحان مغير الاحوال والله العظيم انقلبت الايه وتغير الوضع 180 درجه وارتحت راحه مايعلمها الا الله والحين عايش بحالة نفسيه صعبه متحسف على الايام اللي راحت علي وانا متبهذل بدوامي وليش ماكنت زي الحين وبيني وبينكم هذي الحياه جامل قد ماتقدر وحابي زي ماتبي دام هالشي بعيد عن ثلاثة اشياء الا وهي دينك ومالك وعرضك وشوف كيف بتكون الحياة واللي مو مقتنع يجرب الوضعين سواء بعمل والا مع العايله حتى مع العمال طبعا كلامي اللي فوق كله ماله اي علاقه بانك تجامل على حساب نفسك هذا اللي مافي امل ارضا فيه والشرح فيه هالنوع يطول وجا السحور وياتلحق ياماتلحق وحتى على السحور مجاملات وخليها على ربك بس اللي يغفر لنا ويرحمنا بس |
يا 24 ما شاء الله رفعتهم ترفيع بالنفاق والله هذا اللي يقهر لا تنافق ولا تجرح فهم اللي قدامك باللطف والذوق حتى لوهو غلطان لا يمكن يزعل اذا علمته بلطف بعض الناس ..يبون يعلمونك شي او يوصلون لك شي ما هوفيك وانت عيونك طايره ماتدري وش السالفه ..المهم دنيا الشقا والهم والظلم... اشكركم على المرور .. |
خلينا كذا نجامل ونشطح ونكون عايشين بهدؤ وراحة ولانصارح وندخل بمشاكل لان الغالبية لايتقبلون الصراحة..
فــبعضهن اذا طلبت رايك بشي ما و صارحتيها برايك وكان عكس ماتريد هي تفهم انك غيرانة أو كذ..ثم تبدأ الشحناء والبغضاء وتدخلين بدوامة مشاكل ماراح تطلعين منها.. ( من خلال تجربتي ومعايشتي..غالبية من تطلب رايك هي تريد منك موافقتها فقط).. بس أأأأأهم شي ماتكون المجاملة على حساب نفسك.. وغير كذا جاملي واشطحي وعيشي..وكلن عطيه جوه..مادام ماراح يضرك.. |
الصراحه رائعه عندما تكون غير جارحه
والمجاملة رائعة عندما تكون صادقة |
الله يجزاكم خير على الرد لكم مني الود باكمله ومن الورد اجمله ومن الشكرابلغه... |
كلمه (ياغافل لك الله)
ينبغي ان لا تقال لانها انتقاص لله |
مشكله والله
بس اكره ماشوف اللي ينافق سبحان الله يبان مايدخل القلب |
مازلت افتش عن انسان
|
الصراحة مطلوبة والصدق نجاة ولكن يكون الشخص مثل سيارات الطواري بحيث يقول رايه اذا طلب منه ابداء الرئ
وانا اقول البيت المشهور ( دارهم مادمت في دارهم **** وارضهم مادمت في ارضهم ) وخاصة اذا كانت المدارات والرضاء لاتتعارض مع امور شرعية |
اقتباس:
|
نآدر ماأجامل .. طبعي صريحه .. وأوآجه إنتقادات على صرآحتي اللي يشوفون إنّه ( بجآحه ) لكن معطيه العالم اشكل .. |
| الساعة الآن +4: 04:22 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.