بريدة ستي - رحلتي إلى الـ هـ ـند ( مومبي > كندالا

بسم الله ..

أولاً صراحه بدايه رائعه وردود تفتح النفس من الجميع

وهذا التشجيع والا بلاش عشان الواحد ينشرح صدره وهو ينزل التقارير :)

ندخل بصلب الموضوع لأني ما أحب السواليف كثير < أيه هين :)

المهم :

طبعا مثل ما قلنا التقارير مجزأه على 6 أجزاء كل يومين جزء بإذن الله

وكل تقرير لا يقل عن 25 صوره التقرير الأول ممكن يكون ممل شوي لكن التقارير الباقيه كلها ممتعه بإذن الله ..

طبعا ما خططنا للرحله إلى آخر شهر ثمانية .. طبعاً رايحين على عمانا يعني ما نعرف شي ولا حجزنا فنادق ولا شي قلنا نروح وربك يحلها :)

والمطلوب للرحلة التالي :

1- أن يكون عمرك أكثر من 21 سنه :) .

2- أن يكون معك جواز سفر وقيمة كما معروف 150 ريال .

3- أن تكون لديك فيزا وهذي تاخذها من السفارة الهنديه بالرياض .
طبعا حنا دبرناها من طرف هندي يشتغل بهالشغله وخلصها لنا تقريبا بـ 4 إلى 5 أيام بسعر 350 ريال لكل شخص .
ولو تروح أنت ممكن يبي لها 10 أيام .

والمطلوب للفيزا :

1- صورتين شخصيتين حديثة التصوير .

2- صورة لبطاقة الأحوال .

3- جواز السفر .

بداية الرحلة كانت من بريده وبالتحديد الشرق :) في تمام الساعه 10.30 إلى مدينة الرياض

لأن كانت الرحلة الساعه 5 العصر وصلنا الرياض الساعه 1 الظهر وقفنا عند المطعم وتغدينا لين صارت الساعه 2.30 تقريبا ووصلنا المطار الساعه 3 الظهر

http://www.m5zn.com/uploads/2010/10/...14js414ags.jpg

قصينا البوردنقات وزبطنا الوضع وجلسنا ننتظر الطيارة توصل المطار :) والحمد لله وصلت الساعه 4 العصر تقريبا وهذي

http://www.m5zn.com/uploads/2010/10/...8mt8j4tvvy.jpg

http://www.m5zn.com/uploads/2010/10/...2ni49j0uqn.jpg

ركبنا بالطيارة تقريبا الساعه 4.30 العصر وهذي الصوره وحنا داخلين للطياره :)

http://www.m5zn.com/uploads/2010/10/...6n4uofh2hm.jpg

صورة من داخل الطائره على الطائرات المجاورة .

http://www.m5zn.com/uploads/2010/10/...th5qgqepbn.jpg

وهذولا مبزره هنود الصراحه مهبل ويلهمون ماشاء الله من الفشار الحار أنا عجزت أكله :(

http://www.m5zn.com/uploads/2010/10/...014qva50ya.jpg

وهذي طائرتنا وحنا نطير << أمزح هذي بنطير مثله :)

http://www.m5zn.com/uploads/2010/10/...aztsugawg6.jpg

طبعاً إنطلقت الطيارة الساعه 5.10 وهم قايلين لنا 5 بالظبط لكن مشيناها لهم :)

من فوق عال السحب أثناء الغروب :)

http://www.m5zn.com/uploads/2010/10/...i4ekn4uq2p.jpg

الشباب ناموا وخلون والله ياهو برد بعد :(

http://www.m5zn.com/uploads/2010/10/...reemhkvi8p.jpg

وصلنا الهند مومبي الساعه 9.10 يعني 4 ساعات بالظبط وأستقبلونا بهالصوره السوق الحره :)

http://www.m5zn.com/uploads/2010/10/...014a0esytj.jpg

والحمد لله حجزنا فندق من مكتب داخل المطار بسعر 3500 ربيه و 400 ربيه للتاكسي يعني بالسعودي المجموع 325 ريال للفندق والتكسي وهذي صورة المطار من الخارج بس مهب واضح :)

http://www.m5zn.com/uploads/2010/10/...x7x1jqgye8.jpg

روحنا مع التكسي للفندق ومأملين خير لأنهم موريننا صور هبال على البحر ومدري ايش نروح ونشوف .

http://www.m5zn.com/uploads/2010/10/...48x09nkqym.jpg

وصلنا الفندق الحمد لله ودخلنا الغرفه لكن للاسف نسيت أخذ لكم صوره من الخارج لأننا سحبناها نومه أول ما وصلنا :)

طبعاً برنامجنا لهذا اليوم أننا نطلع لأي مكان فيه مناظر وكذا لكن للاسف ما حصل فجلسنا في مموبي وهذي أوصخ مدينه شفتها في حياتي جلسنا فيها يوم وفرفرنا فيها وأخذت هالصوره .
وهذي صوره من النافذه الي هي الدريشه حقت الفندق.

http://www.m5zn.com/uploads/2010/10/...884tbyx6o3.jpg

وهذي من جهة البحر تشوفونه من بين العمارتين :)

http://www.m5zn.com/uploads/2010/10/...jwhxt74s4p.jpg

فقمنا الصبح وأفطرنا وجلسنا نتمشى وخلصنا كم شغله :) فقلنا بنروح نصلي وندور مسجد ما لقينا الا بين المباني والحمد لله صلينا ورجعنا للفندق وهذي صور المسجد :)

http://www.m5zn.com/uploads/2010/10/...vg66zzoz7e.jpg

http://www.m5zn.com/uploads/2010/10/...a0bn8x6ylq.jpg

http://www.m5zn.com/uploads/2010/10/...9mqzxhep34.jpg

وهذا التقويم حقهم .

http://www.m5zn.com/uploads/2010/10/...b1fzx7o4jz.jpg

وحنا راجعين :)

http://www.m5zn.com/uploads/2010/10/...qpylnn3otl.jpg

وهذي صورة الشارع العام للفندق وحنا رايحين للبحر وليتنا ما رحنا :( .

http://www.m5zn.com/uploads/2010/10/...ql73bf3nvz.jpg

وهذي صورة أفتتاحيه للبحر وطبعا صارت جيتنا بوقت عيد الهندوس .

http://www.m5zn.com/uploads/2010/10/...98yidn62zr.jpg

أوصخ شاطئ شفته في حياتي وهذي صوره للناس متجمعه والسبب ؟

أولا ياخذون الصنم حقهم الي هو الرب على شكل فيل :) ويحطون وجهه لم البحر ويقعدون قدامه همن يحفرون حفره قدامه صغيره ويشبون به نار ويحطون عليه حاجات ومدري ايش هم يقعدون يسولفون معه ويطلبون منه والي يبي منه شي يقول له بأذنه ويعطيه قروش وبالاخير ياخذونه ويروحون به للبحر و كل الي راحوا به يغرقونه همن ياخذون القروش معهم :(

http://www.m5zn.com/uploads/2010/10/...jfnrpc6a6a.jpg

صوره للوصاخه المتسبب فيها الرب حقهم :(

http://www.m5zn.com/uploads/2010/10/...054kdp4pjl.jpg

طبعا البحر بأول النهار يقرب قوووه لم الشاطئ وااخر الصبح يرجع مثل ما تشوفون بالصوره الي قبل والغربان بمومبي أكثر من سكانهم .

http://www.m5zn.com/uploads/2010/10/...q32xsmi9zh.jpg

وهذي صوره للرب حقهم وهم يعبدونه .

http://www.m5zn.com/uploads/2010/10/...29g13o3edw.jpg

وبالاخير رجعنا ورحنا مع واحد وفرفر بنا بمومبي همن يوم صار بالليل رحنا لمطعم وصراحه أكلهم أكل مهب طبيعي بس كله حار :(

http://www.m5zn.com/uploads/2010/10/...8zf8rxnxvg.jpg

وأنتهينا من التقرير الأول..

طبعا مثل ما قلت لكم التقرير الأول ممل شوي لأن ما حسبنا حسابه ..

لكن التقرير الثاني والتقارير الباقيه كلها مشوقه وأنتظروني بالتقرير الثاني

وأنتظر ردودكم الي تفتح النفس .

تحياتي.