|
لموو ياحبيلك بكم سوته اختك ومين الدكتوره؟؟
|
بالنسبة لليزر ....أنا سويت جلستين ليزر عند الدكتورة ابتسام بانفنتى مرااااا حبوبه وتمام التمام الاسعار 2400 كامل الجسم وأتمنى اكون ساعدتك |
يعطيكم العافيه جميعآ
|
مرحبا حبيبتي هذي اول مشاركه لي حبيت افيدك بمعلوماتي المتواضعه تقريبا افضل عياده موجوده بالقصيم هي انفنتي واعرف ناس سوت الليزر عندهم ومره كويس لكن بغيت اقول لك انه الشعر يطلع بعد فتره مو ينشال الى الابد
|
يعطيك العافيه يالغلا على المعلومه
|
اقتباس:
احم حبوبة انتي جربتي وووطلع الشعر والا سمعتي تكفين افيدينا |
اقتباس:
كامل الجسم بــ 2400 ..معقول أختي ؟؟ متأكده ؟؟ أللي اعرف أن منطقه محدده من الجسم سواءاً يدين أورجلين بهذا السعر زودينا أختي بارك الله فيك بالمعلومات الكافيه ؟؟ *هل أكتفيتي بالجلستين فقط ؟؟ أللي اسمع انا عنه أن كل شهر جلسه إلى ان تضعف البويصله وتموت.. *وهل سبب لكـ آثار جانبيه ؟؟ شكرا لكـِ مقدما.. |
انا ما جربت بس فيه ناس اعرفه جربت شوفي اذا شعرك سميك وكثير حلو انك تسوين ليزر لكن اذا خفيف ما انصحك لانه اول خطوه تسويها تحلق لك بالموس عشان يكثر ويسود شعرك عشان تقدر تشيله بالجهاز
واذا على طلعته >>نعم يطلع بعد فتره اذا شعرك من النوع الي يطلع بسرعه معناتها بتتنعمين بجسم صافي لمده تتراوح بين 6 الى 7 شهور وعقبه بيطلع واذا شعرك خفيف ممكن توصلين السنه ما طلع بس طبعا لما يطلع يكون بشكل اخف من ما كان عليه بالسابق وحتى تكون اجابتي وافيه اكثر احب اذكر لك نقطه انه ممكن تشيلين بشكل دوري يعني كل شهر او كل ما طلع رؤس الشعر ترجعين للعياده مره ثانيه وتشيلين |
السلام عليكم :
ان من بريده وساكن لي فتره بالرياض ان رحت لاكثر من مركز بالرياض وخصوصا مراكز كبيره مثل ادمه ومركز الزلال الطبي وغيره كثير ولكن ماستفدت الا يوم رحت لمركز ميدكا وكان الصرحه روعه استفدت منه مره لاني جلست معهم 4 جلسات وبعدها لم يظهر الشعر نهائيا |
^^
بكم زينت الجلسه عندهم؟ |
ان كنت اسوي الجلسه ب 300 ريال واعتقد انهم يسوون خصم لو سويت اكثر من جلسه
|
انا سويته في الرياض بس لساتي في البدايه
ومعروف الليزر ماينهي الشعر مره مره بس يخففه ويكون من عدة جلسات وكل جلسه لها سعر مثلا الجسم كامل يكون بـ 2500 للجلسه الوحده والجلسه الثانيه لها مبلغ اخر واللي اسمعه انه في القصيم غالي وفي الرياض ارخص واتوقع انا انه نفس السعر لان القصيم يعطونك السعر النهائي للجلسات كامله على ماظن بينما الرياض يحسبون لك بالجلسه الوحده غير كذا انتبهي تشيلين كامل جسمك لان الشعر الوبري الخفيف يرجع يطلع ويثقل ويسود لان عدسة الليزر مخصصه للشعر السميك الاسود وماعدا ذلك فهو يخربه بدال مايصلحه واشوفهم يمدحون مساعد الزلال وابانمي في الرياض لكن مااعرف |
انفنتي والحبيب هم اللي افضــل شي هنا,,, بالنسبه للأسعااااار غاليه بالنسبه للرياااض طبعا عيادات الرياض أفضل بكثير ..مثل ديرما الزلال الاستشاري معروفين بالليزر... ترى مايقطع الشعر كلش لا يعني مع السنوات بيرجع واعتقد اقل شي تسوين جلسات 4 وعلى حسب شعر جسمك احد من مرتين وأحد يحتاج أكثر,, |
اقتباس:
اهلين حبيبتى اييه متاكدة انا مسويه الجسم كامل بدون البطن والظهر لانه خفيف وسوت لى جلست رتوش مجانية وبين كل جلسه وجلسه من شهر لشهر ونص و ترى ابتسام اللى عنده ب2400 لانها تسوى عروض وبرامج وافضلهم بالليزر و مو كل اطباؤهم اسعارهم واحد وتوى ماكملت جلساتى لكن النتيجة تمام والحمد لله للحين مافى اى اثار وشغلها محترم واذا جربتيها لا تنسيني من دعواتك وبالتوفيق |
| الساعة الآن +4: 04:33 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.