|
كانت بنتي توها متعلمة بعض الكلمات الانجليزية
وسالتها وش ودك تشربين ؟؟؟ قال ابي ... عصير جوس .... طبعا وهي تغز على عصير التفاح |
مواقف الاطفال مضحكه وأحيانا محرجه وتضيع الوجه
سمعت عن موقف حصل لاحدى الاخوات تقول كنا معزومين عند أقاربنا وأستعرت من أخت المتزوجه شنطه ليناسب مع لبسي وتقول يوم دخلت لبيت عمي وأختي اللي أنا أستعرت منها الشنطه سابقتنا هي وعيالها وتقول دخلت بكل ثقه وماسكه الشنطه كاشخه الاخت وتنقز علي بنت أختي وتسحب مني الشنطه وتقول هاتي شنطه أمي تقول كان المجلس مليان وضاع وجهي من الفشيله تقول بعدها قلت خلاص ماراح أستعير منك أي شي أنتي وعيالك اللي يفشلون بصراحه موقف لاتحسد عليه الاخت |
هههههههه حلو مثل المواقف البريئه
هذا اختي يوم انها صغيره تقريبا ثلاث سنوات جات امي ولبستها وتولموا بيروحون لعزيمه ويوم جو بيطلعون من البيت الاّ ويجي ضيف صديق ابوي جاء ابوي قلطه وقعد يتقهوى واياه جت اختي ملت من الانتظار وهي متلبسه وفرحانه انهم بيطلعون واخرتها يجي ذا ويخرب عليهم اهم شيء جات راحت للمجلس وقالت للرجل اقلـــــــــــــــــــــــــع اقلــــــــــــع الرجل فهم وش تقول يعني بالعربي اطللللع ضحك الرجل وقال اعتذر اخرتكم عن مشواركم وطلع وانفرجت ههههههههههه |
يذكر أحد كبار السن ، فيقول : كان لأحد بناتي ثلاثة أطفال ، وكانت أعمارهم متقاربة ، وكانوا بمثابة الأصدقاء مع بعضهم يذهبون معاً ويأتون .. وإذا اجتمعوا في المجلس الواحد تضع يدك على بطنك من شدة الضحك على سواليفهم !! .. يقول ، وفي يوم من الأيام قالوا لي : ( نبي على إريال !! ) . فقلتُ لهم : ( ما معي شيء ) .. فقالوا : ( ورِّنا البوك ! ) ، يقول : ففتحته لهم ولم يجدوا شيئاً .. فقال أحدهم ، وفي لسانه ( لثّه ) : ( يشلب عليكم ترى له ثلاث صرافات !! ) .. يعني : يكذب عليكم له ثلاث صرافات ) يقول : وقد رآني مرة أصرف من كباين صرفات الراجحي ، فيظنها لي !! . |
أذكر يوم انا عمري تقريباً 4 - 5 سنوات رحت انا واخوي الكبير للحلاق
دخلنا الحلاق وجلسنا على الكنب انا وخوي مع اللي ينتظرون ننتظر اللي يحلق وانا قعدت اناظر اللي يحلق واثره يحلق لحيته :confused: و أجي اسئل اخوي بصوت مرتفع وقلت : له : حرام اللي يحلق لحيته ؟؟ قال اخوي ايه بإستحياء وهويخفي ظحكه :d واللي يحلق ضااع وجهه من البزر اللي هو انا و هالسالفة مسكوه علي اخواني فترة مب قصيرة :d |
ياحليلهم الصغارين والله من البرأة
|
هــــا ، هاتوا لنا حكاياتهم البريئة !! ..
|
موضوع رائع وطرح متألق وفكرة جميلة
الأطفال دائماً مبدعين |
على وقت ( الزاجل ) للحيوانات ..
كنا نروح لبيت جيراننا ونلعب معهم ونقعد من العصر الا الساعه 1 بالليل .. المهم .. جاء اخوه الكبير .. وقال ترا عندي الحين اسد بالسطح ونمر .. وكلب .. اقاله يخوفنا يعني .. ومن بكرا كل واحد اخذ من ابوه عشره .. ورايح للولد يقوله قص من اخوك تذكره .. ونبي ندخل نشوفهن هههههههه والشخص هذا الى الان موجود .. وكل ماشافن يقول ابشرك تراي حطيت قرد هههههههههه مووضووع رائع .. |
اذكر مره كنت رايح مع ابوي وكان عمري ذاك اليوم تقريبا مابين 6-8 سنوات المهم كنا واقفين عند الاشاره وانا مبسوط مع ابوي ويني عند روحي ملك وخر عن وكنت جالس على المرتبه اقالي رجل وشعري انا من دون احراج قراااااعيط وكان وقته شعري كثير وصاير فلافل المهم وحنا واقفين عند الاشاره وكانت زحمه الا والسياره اللي بجنبنا برضه رجال معه اولده كبري عمره مابين 6-8 سنوات يطلع مع الدريشه ميت ضحك ويغز علي يقول هوووو هوووو قراعيط شعره قراعيط ههههووووو قراعيط ابوه يقوله اسكت يقول يبه قراعيط شف شف والله قراعيط شف العالم عند الاشاره ضحك انا على طول تغبيت بالسياره وقلت لبوي على اقرب حلاق فشيله مابعده فشيله وسلامتكم...؟
شكر خاص لصاحب الموضوع. |
أجل ، قراعيط !! ..
وش يقربك عزيز القرعيط !! .. شكراً لك أخوي . |
مشكووووره للأطفال مواقف كثيره احياناً مضحكه واحياناً مزعجه
بس الله يخليهم لنا |
أخوي متزوج وساكن مع أهلي جينا أنا وأخواتي لبيت أهلي يوم صار بالليل بدينا كل شوي تروح وحده منا لبيته جاء ولد أخوي (5 سنوات) يقول لأمه : يمه متى تعرسين أنت وتروحين لبيتك.... |
رن هاتف الباب ، وإذا امرأة تعرفها ربة البيت ..
أمرت ابنتها الصغيرة بأن تفتح للضيفة .. دخلت الضيفة واستقبلتها ربة البيت بالترحاب وأدخلتها غرفة الجلوس ومضت إلى المطبخ لتعد واجب الضيافة .. جلست الصغيرة قبالة الضيفة وهي تطالع وجهها من كل جانب !! .. تتأمله من ذات اليمين وذات الشمال . قالت الضيفة : إلى ماذا تنظرين يا حبيبتي ! . قالت الصغيرة ببراءة الأطفال : ابحث عن وجهك الثاني لأن أمي قالت جاءت ذات الوجهين !!! .. |
| الساعة الآن +4: 04:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.