|
والله بعض الرقاة هداهم الله يستغلون ضعف المريض وحاااجته..
اللهم لاتجعلنا نحتاااج لغـــيرك.. الله يجزاك خير على هالموضوع .. |
اقتباس:
الله يشفيك ويعافيك ...... والله يجعل ما اصابك رفعتآ في درجاتك ... وماتشوفين شر يكثر الجشع في اغلبهم مع استغلال حاجة الناس وهم يشتركون في هذه الصفة في الغالب حاولي ان تقرائي على نفسك الرقية الشرعية وفيه اشرطة وطرق كثيرة من خلال تجاربي مع الناس ومرضانا اصبح عندي بعض الخبرة انت وش تشكين منه بالظبط ............. وممكن افيدك . المشكلة الرقاة الي ببلاش مزحومين وجماعي ........... يشكرون الله ياجرهم |
الله يعطيك ألف عافيه أخوي الحربي ع كلامك وتعليقاتك الدائمة لي
يسعدني ويشرفني مرورك الدائم لي |
اقتباس:
الله يعافيك ويسلمك وانا يسعدني ويزيدني شرف مرورك دمتم بخير |
اقتباس:
اغلبهم كما قلنا جشعين في البداية مامثله وبعدين يتفاجى المريض بطرق تحايلهم وكيف يستطيعون نهب مراجعهم يتمسكن ويطلع عذاريب ويجيهم المريض ويحملونه اطنان من العقد النفسية ويخوفونهم اشد التخويف من الجن والسحر ( حتى مكان الرقية مخيف عشه او خرابة او استراحة صاده عن الناس ... مستحيل يرقي في مكان نظيف او لائق صحيآ ) هاذا كله ايهامات نفسية للمريض ... لا اقول هم محنكين في هذه الامور ولاكن اقولبانهم يقلدون بعضهم البعض ( تبادل خبرات ) واغلبهم يقلد بس مايدري وش الطبخه .. هم طبقة معروفة لدي ........... طبقة نفظت غبار الفقر على وجوه مرضاهم .. حتى طريقة النفث عجيبة جدآ ......... قد تكون سرها وقوتها .. وتفسيرها ( على حسب اسم العائلة ... مثلآ ) كان لي مواقف معهم كثيرة بس وش تقولين اغلب الناس مازالوا طيبين الى درجة السذاجة فيه طرق ترقي نفسك بنفسك ........ وكل مرض له طريقته فعلآ .......... الله لايحيجنا لهم ولا لغيرهم . وجزاك الله خير |
اقتباس:
وانت كذلك جزاك الله خيرآ شرفني مرورك |
اقتباس:
صحيح كلامك بس هاذولا مهب محور كلامنا حنى نتكلم عن الرقاة الجشعين فيه كثيرين من المحتسبين ماياخذا فلوس بس اذا لزمت عليه ياخذ وفيه كثيرآ من المحتسبين اصلآ ما يقبل ياخذ ريال واحد ,,,,,,,, ويقولك انا اذا مابغيتني اجيك قلي خذ فلوس وفيه منهم من يدفع من جيبه ( والله العضيم ) تخيل يقراء عليك واحيانآ ياتيك في بيتك ويعطيك زيوت وخلطات ببلاش ( احتسابآ لله ) فعلآ نماذج رائعة ......... فجزاهم الله بكل نفس امثال الجبال الراسيات حسناتآ فوالله العضيم اخاف اكتبت اسمائهم بالمنتدى يزعلون علي ........ فالله سبحانه وتعالى اعلم بهم دمتم بخير |
جزاك الله ألف خير ماقلته أسعدني كثيرا أخي الحربي
|
اقتباس:
نهب ابنهب وش تقول الي يبي يروح لواحد يقراء عليه لايجي بسبارة فخمة اذا كان يقراء بمزرعة غبوا كل شي حتى البياجر غبوهن .. الله يستر لا يبين انه غني او عنده فلوس .......... ان دري والله مايمديك تمسك مخباتك فعلآ تجارة ملا تجارة له .......... جهلة دخلهم الشهري مثل دخل الوزراء ( انت وشطارتك ) وبعضهم اذا كان امام مسجد تجد قوارير الماء حتى بالمحراب دمتم بخير |
موضوعك رائع ومفيد
لك كل الشكر ولكن لماذا الشخص لا يرقي نفسه ويجزم بأن رقيته بها الشفاء بدال مايبحث عن الراقي ؟ |
اقتباس:
تستاهلين .......... ومن حصل شي يستاهله وانا بنتظار مشاركاتك ومداخلاتك معاشر النساء يمكن عندكن مواقف مع الرقاة بحكم كثرتكن عندهم لطلب الرقية ماسمعتي سالفة في هاذا الموضوع ودمتم |
اقتباس:
اتجيبه من قلة الدين ولا تعلقهم بالاخرين ولا عدم الثقة تصدق بعضهم وصل به العجز حتى عن رقية نفسه .. تصدق ... يبي يجلس ويقراء عليه ويمكن تلقاه قاعد يتقهوا بعد ( طبعآ دافعآ فلوس ويبي يحللهن هههههههه ) ولا الاساطير ولا مع الخيل ياشقراء او تصديق مايرويه لهم الرقاة بالانجازات المبهرة التي توصلوا لها مع مرضاهم الخ دمتم بخير |
والله ماعندي أي قصه عن النساء مع الرقاة
أنا أفضل شخصيا أن المريض هو اللي يرقي نفسه وهذي فتوى سئل فضيلة الشيخ عبدالله بن عبدالرحمن الجبرين السؤال التالي :- ماذا تنصح العوام قبل الذهاب لشخص بعينه من أجل الرقية والاستشفاء بكتاب الله وسنة رسوله صلى الله عليه وسلم ؟ فأجاب – حفظه الله – : ( ننصح المصاب بمس أو عين أو صرف أن يعالج نفسه بكثرة الذكر والدعاء والتوبة والإستغفار والأعمال الصالحة وكثرة القربات من صدقة أو صوم أو حج أو عمرة أو تلاوة أو نفع عام للمسلمين ، وننصحه بالتوبة عن المعاصي والبعد عن السيئات والمخالفات ، وهجر العصاة وأهل الملاهي والأغاني والصور والصحف الماجنة والأفلام الهابطة وكل ما يدعو إلى الشر أو يدفع إلى المعاصي وذلك لأن الاستشفاء بكتاب الله تعالى وسنة رسوله صلى الله عليه وسلم إنما تنفع أهل الإيمان والتقوى كما قال تعالى : ( قُلْ هُوَ لِلَّذِينَءامَنُوا هُدًى وَشِفَاءٌ وَالَّذِينَ لا يُؤْمِنُونَ فِي ءاذَانِهِمْ وَقْرٌ وَهُوَ عَلَيْهِمْ عَمًى ) ( فصلت – الآية 44 ) ، وقال تعال : ( وَنُنَزِّلُ مِنْ الْقُرْءانِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلا يَزِيدُ الظَّالِمِينَ إِلا خَسَارًا ) ( الإسراء – الآية 82 ) ، وننصحه أن يعتقد ويجزم بأن كتاب الله تعالى هو الشفاء والدواء النافع ، ولا يشك ولا يتردد في أثر نفعه ، ولا يجعله كتجربة ، وننصحه أن يختار من القراء أهل التقى والورع وقوة الإيمان والخوف من الله تعالى والنصح للمسلمين ، ولا يذهب إلى النفعيين الذين جعلوا الرقية حرفة يأكلون معها أموال الناس ، فإن تأثيرهم قليل والله لا أعلم ) ( فتوى مكتوبة بتاريخ 24 شعبان سنة 1418 هـ ) 0 |
اقتباس:
كلام درر واضافه رائعة لا حرمت الاجر حنا مساكين نعتقد بان الناس ترحمنا اكثر من انفسنا على انفسنا الذي يرقي نفسه ابلغ في الدعاء واجدر بالاجابة لانه في حضور قلبه عند الرقية بخشوع وخضوع وانابة وانكسار ودعوة المكروم المضلوم اجدر بان تستجاب دمتي ودامتي في لباس الصحة والعافية اللهم متعنى باسماعنا وابصارنا وجوارحنا وجعلهن الوارث منا يسميع الدعاء وجميع المسلمين |
| الساعة الآن +4: 05:34 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.