|
أختي لاتعدين : مطعم الرومانسية بجوار الحسون سنتر دقه بالمواعيد ومشويات ممتازه وعنده أشياء حلوووووووووووه
انا جرت كذا مره ( كمون ) حلوه والله اكلاته ويعتبر راقي ، ودقيق بالمواعيد واسعارة مناسبه سينيز ، شيزى ، فيشون ، لايقربك ، مطعم الديره غالي بالمره لابقربكم |
إذا أردتي الجوده والسعر المعقول (الخيام) لا تبتعدي وسبق لنا تجربته صحيح (يبيض الوجه) وإذا اردتي الجوده مع غلاء السعر (الرصافه) وقد سبق لي تجربته لكن الأسعار نار ,, بالتوفيق .. |
اهم شيء ابعدي عن كمون لانه سيء للأسف الشديد بالتوفيق ي رب |
العزيزيه والرصافه او ام خالد
اما الخيام مانصحك فيه ابد |
أنا عندي خبرة كبيرة بالبوفيهات
صحيح أني قرمة وسنعة وطباخة طبخه يهبلللللللللل (( سجلت علشان أمدح نفسي هههههههههه) خوذي العلم الزين عن بوفيهات المطاعم 1/ مطعم الخيام أكله بايت واللحم غير طازج واتحدى أحد يقول أن لحمه طازج ( إلا اللي ماعنده ذوق وتذوق ) وبعدين صحونه مهب راهية (يعني يحط حبتين ويفشل ) والسخانات صغيرة ماتكفي للعدد المطلوب اللي طلبتيه منه (يفشلك إن كان ضيوفك خبوب مهب عارفين للبوفيه .. ويحطون بالصحن حتى اللي مايبونه)) اشتهر اسمه مطعم الخيام للي مايعرفون غيره .قبل أسبوع طلبت زميلتي منه لحفل زواج أبنتها ولعدد 200 شخص وبصراحة كان حطه حق 100 شخص وعادي جدا 2/ مطعم سنيز تعاملت معه مرة وكان مهب سخي ابد يفشلك 3/ مطعم العزيزية تعاملت معه بالسابق لكن صحونه وسخاناته متهالكة ومابه لمعة (( للي يهتم بالاطباق وعنده ذوق ) وصحيح أنه رخيص 100 شخص ب4500 ريال لكن اصنافه عادية وقليلة 4/ مطعم تاج محل الهندي يواجه وسخاناته شيك وسخي وتقديمه رائع ويكثر الاصناف حسب الطلب ( لا تخلين شي من اصنافهم ) سعر 100 شخص 7500 ريال ولا يرضى أن يعمل لأقل من 50 شخص وحرارة الاكل (الفلفل ) حسب الطلب , بصراحة طعمه يجنن ... لا تعدينه 5/ مطعم التابل سخي ويواجه ويكثر وسخاناته كبار وبصراحة حق 50 شخص يكفي 75 أو 100 شخص , وتعامله راقي , ويصبر عن الفلوس حتى تخلص عزيمتك (مهب ينشب بحلقك يبي باقي الحساب قبل العزيمة بيومين )!!! وطعم طبخه لذيذ خاصة الكبه , ويضيف سخانات أكثر من الخيام وسنيز وغيرهم ,, يعني حق 100 شخص يحط 20 سخان , لكن مطعم الخيام يحط 10 سخانات فقط . والعزيزية 12 سخان , أنا بصراحة أخذ منه لأنه كريم وسخي بالاكل .ومواعيده بالتمام 6/ مطعم السلام تراه تغير وزاين وسعره مناسب وطبخه لذيذ لكن احرصي تأكدين عليه بالموعد لأنه يتأخر والاكل بارررررد انتبهي وأكدي عليه, (لأنه مرة تاخر بالبوفيه وجاء العشاء بارررد وعندما خاصمناه على ذلك اعتذر بكثرة الطلب لهذا اليوم وقال سأعوضكم , (بس وش عقبه يوم فشلنا مع ضيوفنا ) 7/ مطعم موفنبيك طبخه أقل من عادي وحبتين ومهب طبخ القصمان السنع ونحشم الطبخ , لا بس عادي جدا يعني غالي وعلى الفاضي واللي تقول خوذي من الفنادق لان خبرتهم أكثر .. اقول أهم شي الذوق والطعم والتقديم , وش الفايده أن كان شكله زين وطعمه مالغ وخانس (مثل المطعم الصيني ) ؟؟ اتمنى ان اكون قد أفدتك ولا تأخرت |
اقتباس:
ما يطلع الا بطاولات و زي كذا >> ما ابغى احد يحكمني :cool: الف شكر لك ..، اقتباس:
ع العموم شكرا لافادتك راح اسأل عنه ..، اقتباس:
الف شكر لوقتك ..، اقتباس:
اقتباس:
الف شكر اخيه :f: اقتباس:
اقتباس:
رمضان الله يبلغنا و اياك اياه (f) الف شكر .. اقتباس:
اقتباس:
سعيدة لردك و تنبيهك ..، |
الشمرية السنعة;
اقتباس:
الله يجزاك الف خير .. لـــ ردك شكرا .. حبيتك و ربي (f) شكرا لخدمتك (h)(h) اقتباس:
بالاكل .. يكون بايت او بارد او ما يكفي ..:oo اقتباس:
اقتباس:
اقتباس:
رغم اني ما أشوف احد تكلم عنه .. و فكينا يا اختي من الفلفل >> لان عندنا نااس يشكون من القرحة و امراض المعدة :i121 اقتباس:
اقتباس:
اقتباس:
اقتباس:
يعافيك ربي اذا تعرفين رقم الخيام و التابل و من رايك وش اخذ منه ...؟!! لانكم حيرتوني بين التابل و الخيام و انتي هذاني اشوفك اضفتي حق الهنووود :d ربي يعيين و ييسر .. و ان شاء الله راح تشوفون البوفيه .. و اكتب رايي عنه بالتفصيل و اذا الله اراد انزل لكم الحفلة كلها .. الف شكر لكل من اضاف و افاد .. و انا استمع .. اذا عنده احد رأي اخر يفيدنا ooo1 شكريااااتي (h) |
اذا انتي احترتي بين التابل والخيام ..
اقولتس توكلي على الله واطلبي من التابل لانه احسن ولا بالفرق.. موفقين يارب .. |
من جدك انتي
لو مكانك اختار سينيز بدون تردد انا مجربته كثير ومجربه نطاعم غيرها كمون والعزيزيه اكرم الله النعمه والخيام حلو بس يبقى سينيز بالمقدمه ماراح تندمين صدقيني يواجهه بقووه بعد |
وشسمه اذا متردده ترى عندي صور بوفيه سينيز حق ٥٠ شخص
تقدرين تحكمين على طاولاته وترتيبه وطول البوفيه وعدد السخانات والسلطات والمقبلات |
فندق السلام اذا اهتوو شغل عدل
عنده اصناف حصرية ما قد شفتها عند غيرة |
الشمريه زاد ماصرتي سنعه الا انتس شمريه
ماشاء الله ردتس كفا ووفى لكن ابطرح تجربتي أنا سبق وان طلبت من كافة المطاعم المذكوره اعلاه وهذا تقيمي لكل مطعم المطعم الصيني ٨من١٠ فقط شكله غريب السلام ٦-١٠السلام من اول زين العزيزيه يواااجه بس مابه اشكال جديده ٩-١٠ تعاملنا معه مره والمره الثانيه جربنا التابل التابل ١٠-١٠جداا رائع وراهي بالحيل الخيام ٣-١٠ سنييز٥-١٠ |
مثل ما قلت لك التابل :41
واضيف معلومه النااس اذواق (h) تبي تنذبحين من التردد :( اتكلي ع الله واصملي ع شي وخليك قويه وكلك حركاآت:cool: والدنيا تجآآرب وانا اخيكـ :d بالتوفيق :) |
أقول توكلي على الله واطلبي من التابل رقمهم 3237030 الجوال 0503237030 أسمه توفيق
مطعم تاج محل الهندي 0597966036 أسمه علي مطعم الخيام 3830961 الجوال 0559500533 أسمه وليد مطعم سنيز 3697770 الجوال 0501221106 أسمه عامر |
| الساعة الآن +4: 03:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.