المشاركة الأساسية كتبها قلب من ألماس (المشاركة 3119774) ماعليش عندي ملاحظة على كلامك تقبليها واذا كنتي من النوع ماتحبين الانتقاد طنشي الرد:) اولاً بعض الآباء يقومون بالسؤال للخاطب وش وظيفتك ؟؟؟؟؟؟؟؟ كم راتبك ؟؟؟؟؟ وين بيتكم ؟؟؟؟ وش اسم جيرانكم ؟؟؟ تعرف الرجل الفلاني ؟؟؟؟ ووو الخ , المقصد من هذا الاسئلة بيشوفون تفكيره وشو . طريقة كلامة .((( موب حب للفلوس ))) والرجال يعرفون يعرفون الامور هاذي وعندهم امور هم يفهمونه بس حنا مانفهمه ويسألون وش المسجد اللي تصلي به ؟؟؟ عشان يروحون و يسألون عنه واسم الجار والى آخره أتمنى بس ابوضح لك ومشكورة

المشاركة الأساسية كتبها خلها على الله (المشاركة 3119833) ياحبيلتس ميخالف يسألون ومن حقهم بس مو معناته الدراهم أهم من الاخلاق والدين! و لاصار الولد أخلاق وراتبه شوي مايوافقون؟!! بعدين الرسول قال .. من جاءكم ترضون دينه وخلقه فزوّجوه. :f:

لايكون بس مصدقين أن الشباب ماتزوجوا عشان [ المهر غالي ] .. !

صراحة أنا أشوف أن أغلب الناس مايتشرطون واجد ويرحبون في الرجل بل أن بعض أولياء الامور يساعد الزوج في أشياء كثيرة بس من باب أنه يسوي عمل خير ويستر على بناته ..!

الناس مايفكرون بالطفسة الخمسين ألف أو الستين هذي وش تسوي اصلاً لو تعطينها البنت يالله يالله تكفيها تشتري فيها أغراض - والله أن بعض اولياء امور البنات يقوم بتكاليف القصر وبعض البنات تشتري أدوات المطبخ بمعنى تكمل بيت الزوج ..

المهر هالوقت فقط [ بالاسم ] ولا بالحقيقة هو يرجع للزوج : بمعنى تاخذه الزوجة تكمل فيه مراسيم الفرح وتشتري أغراضها عشان تظهر بصورة جميلة له ..!

أما المهر الحقيقي : هو أن الخمسين هذي تدخل حساب الزوجة من دون تدفع ريال واحد للزوج بمعنى حقها كزوجة .. وهو يقوم بكل شي حتى الذهب وغيره ..! أما غير ذلك فهو أنكم تلعبون على بعض ..! يعطيها فلوس بالاخير تشتري له ..!


فهذا أشوفه من الظلم - للفتاة - ولايجب أنها تنزل باسعار المهور [ الي تلعبون على بعض فيها ] هههه لأن الاسعار ارتفعت واقصد بالاسعار الي تبي تشتريها للزوج وتكمل معاه ليلة الفرح ..!


هالي تشوفين الايفون هالحين الي ينعطى بزر عمره 8 سنوات [ بثلاثة الاف ] ..!

=

الشباب يبحثون عن وظايف عن تأمين [ شهري ] بعد هالزواج .. كثير منهم يقولون نقدر نتزوج سنة وسنتين ونعيش أحلى عيشة .. لكن بعدين مافيه وظيفة ماعندي دخل [ شهري .]!

أما المهور والاباء الي يرفعون اسعار المهور هذولا قلة وجنوا على بناتهم لأن الشباب بمجرد مايفكر يتزوج ويشوف هذا رفع المهر راح لغيره ورجال الخير واجد ومساعدة المتزوجين وبنك التسليف والخيريات = بمجرد مايفكر وينوي الزواج [ يلقى من يدفع له المهر كامل ويزود بعد ]..!


ملاحظة :

أغلب الشباب الي أعرفهم رواتبهم من خمسة إلى عشرة الاف وماتزوجوا واذا سالتهم قالو [ المهور غالية ] وهم نصابين - الواحد سيارته حول الميتين ألف - لكن يتهربون عن المسؤولية والارتباط مع العلم أن الزواج ستر وراحة بال ولكن الله يهديهم ..!

المشاركة الأساسية كتبها انسان من بني آدم (المشاركة 3119349) اكره ماعندي اللي يقول بنتنا غاليه >> قم اتسلب وجهك انت وبنتك الرجال يشرى يشرى

المشاركة الأساسية كتبها نبض قلبي بريده (المشاركة 3119250) السلام عليكم .، كيف حالكم جميعا حبيت اتكلم عن اشياء نسويها حنا البنات لما يتقدم لنا احد وهو اننا نشرط شروط مالها ام الداعي ومنها نحدد المهر ونطالب ببيت لنا وابكمل دراستي وماله شغل براتبي اذا كانت موظفه ليش يابنات مانيسر للشباب ونساعدهم عشان نقلل من حد العنسوه . وحده من قرايبي في اجتماع قعدنا نسولف عن الزواج قالت انا لما يتقدم لي واحد ابي مهري مايقل عن 50,000 ويحط لي بيت بلحالي والله مااسكن عند امه تصدقون يابنات الحين عمرها 34 وماتزوجت وسألتني قالت انتي وش شرطتي يوم تزوجتي قلت لها والله ماشرطت شي وسال قال كم تبين المهر قلت اي شي والله مو مهم كثر الفلوس اهم شي التووفيق طيب ليش ماننوي النيه الحسنه عشان ربي يوفقنا ونساعد هالشباب الي قعدو بدون زواج وزي ماقلت اهم شي التوووفيق .. ودمتم بخير .

المشاركة الأساسية كتبها الرجم العالي (المشاركة 3120797) اختي بارك الله فيك ... ،،طرح جميل ورأي اجمل،، واما عن رأيي فاالمسألة ليست متعلقة باالمهر فحسب،، هناك امور تجعل بيننا وبين هذا الشأن عائق أكبر من المهر ... فالأسباب في رأيي راجعة لما بعد الزواج. تحياتي .. (بصراحه اعجبتن وجهة نظرك)