|
الاسباب كثيرة..
منها غيرة الام من اهتمام ولدها بزوجته وهي غيرة طبيعيه..والواجب على الزوج مايبين عند امه اذا هي غيور حفاظا على حياته الزوجيه واللي يقول ام الزوج ماتغار والله صديقتي زوجها مايقصر مع امه ابد ولما اشترى لزوجته ايفون اتصلت تبكي اشتر لي مثلها وراح اشتر الها ومنها غيرة الزوجة من اهتمام زوجها بامه وهي غير محمودة.. ومنها اجبار الزوج زوجته على ان تبر بامه وهذا ليس من واجباتها ان احسنت فربي يجزيها وان ابعدت فليست محاسبه على ذلك.. واقول السبب الاول والاخير الزوج..لابد ان يكون ذكيا يكسب زوجته ويبر بامه.. |
شكرا على الردود لكن من ناحية البعض يقول لماذا تذكر أن الام تغار فلم أحدد على أحد فقط ذكرت هل هاذيها من الاسباب أن الام تغار والابن والزوجة |
الام مستحيل تغار هذا اللي شاهدته و لا حضته من الناسلكن المشكلة احيانا زوجة الابن واحيانا اخوات الزوج والسبب الاحظ الحساسيه الزائده من الجميع ويفسر الكلام في غير مواضعة |
الرجــــــــل بحق لاتغيـــــــره إمرأه على أمه وأخواتــــه... والمرأه بحق هي من تجعــــل أهل زوجها كأهلهـــا.. |
صدقت اخوي خزان ماعرف الدنيا يوم تزوج عيشتة عيشة هنية احسن بكثير من قبل أعتقد هاذا سبب قوى وحتى البنات لما يتزوجن راح يعرفن ليش اما الأسرار فأكره الفضول الزائد والقبيح ليس كل الأسرار الزوجية تصلح لأن تخرج من قالب الزوجية |
اقتباس:
اقتباس:
كلاكما بهذه الطريقة تسبب الفرقة فكيف تهتم بجانب الزوجة وجانب الاهل لا تهتم وهل تنكر جميل الاهل يوم ترعرعت وزوجؤك بسببهم |
السبب توارثنا ة من الاعلام ..يعني غالبا المسلسلات يشوهون سمعه الخاله
وكثير بالنت تعرض هالقضياء ..ومثل هالموضوع اكتب الف طعش مية ببريدة ستي ..وبكذا تحسسون الواحد ان فية غيرة من خالتي وان خوات زوجي يكرهنن ...........وبمجالس الحريم اغلبة خذ من القصص والاشاعات عن الحمايل وسب بالخالات ولا ياناس لجينا لعقل مستحيل قلب ام تغار من ابنة وهي تمنى لة كل الخير ومستحيل قلب اخت تمنى تشوف اخوة وزوجتة بحالة سيئة مهما كان اخوي يبقى !! وماتسب حمولتة وتكرههم وتشوه سمعتهم بالمجالس الا الغبية ولا اشلون وهذولا اسمهم يحمل اسم اعيالتس ورجلك ونصيحة من مجرب عامليهم مثل اهلك يعني لاتكبرين ولاتصرين رسمييييييييية تلاقين الوحدة لة اربعه خمسة وتحس نفسة الا الحين عريسة |
اقتباس:
ننتظر المتزوجين أن يأتو بجواب |
سالفة الام تغار من مرة ولده
او العكس تراه خرافااااات بس حتسي لايودي ولايجيب |
^^^
ام الزلمات الا صحيح ليش غير مقتنعه...؟؟؟ |
اكبر سبب الولد
**يبين ميله لطرف دون الاخر فلو لاحظت الام ان الولد مهتم بزوجته غالبا تغار والام مو ملاك ماتغار اكيد بتصيبها الغيرة خصوصا انها تعبانة عليه وعلى تربيته وتشوفه مقدم زوجته عليها وياااااما سمعنا بحالات طلاق تسببت فيها الام بدافع الغيرة وانا اعرف وحدة منهم شخصيا.. وبالمقابل لو قصر الزوج بحقوق زوجته على حساب مسؤوليات ممكن يتقاسمها مع افراد الاسرة بيثير الزوجة لانه ايضا مسؤول عنها. وللاسف عندنا قناعة مغلوطة ان الاهل بالمقدمة دائما وهالشيء مو صحيح الزوجة والاولاد ضمن مسؤولية الزوج اكثر من اهله وهذا لايعني انه يطنش اهله بس يكون فيه توازن **وايضا الزوج اذا حط اذنه لكل شاردة وواردة بين الحريم المفروض يقول لزوجته من البداية مالي بسوالف الحريم سواء من طرف اهلك والا من طرف اهلي ويسمع من هنا ويطنش من هناك ومو كل شيء يحطه فباله ليش مااشتغلتي وليه ماطلعتي معهم ويروح لخواته ليه ماعزمتوها ليه ماحشمتوها هالتدخلات تزيد المشاكل ولاتحلها عود الطرفين ان كل ينام ع الجنب اللي يريحه ماعزموا زوجته كيفهم ماساعدتهم زوجته كيفها لان هالعلاقات ماعيه جانب صلة ويكفي كف الشر **ولاننسى دور الزوجة المفروض تتفهم غيرة الام والاخوات ماتبين كل شيء لهم وبنفس الوقت لابد تحط ببالها انها مااخذت عليه صك تمليك له ام واخوات وهو جزء منهم يحتاجونه ويحتاجهم **برضو الام لابد تتفهم ان ولدها صار مسؤول مسؤولية كاملة عن اسرة زوجة واولاد وان اللي يقدمه لهم بالاخير بيرجع له ويسعده |
والله الاسباب كثيرة ولاكن اغلب الحالت القريبة من واعرفها يكون سببها اخوات الزوج وانا لا اعمم وكذالك من الاسباب الزوج نفسه فينقل جميع مايحكى من كلا الطرفين ويمدح زوجته باستمرار اوالعكس يسب زوجته عند امه كلما صار مشكلة مع زوجته هذه بعض الاسباب التي اعرفها باختصار وتقبل مروري |
أولا :أعتقد ان من سبب هذه المشاكل تدريس البنت ايام زوجها عن الحموله وأغلب الدروس الي تاخذها من قريباته سوا من اخت صديقه عمه خاله الخ... صيري رسميه لايمونون عليتس لاتعطينهم وجه أكثر من لازم وهالمسكينه تأخذ كل ماقيل له من هالدروس من زينه وشينه وهذا الي خرب كثير من الزوجات لو فلته مع حمولته بحدود وصارت تعطيهم ويعطونه ماشفنا هالمشاكل الثاني: لو الزوج مايقعد يدقق بكل شي بين اهله وزوجته وغمض عين وفتح عين ماشفنا مشاكل الثالث : لو كل اخت زوج حطة باله الدنيا دواره وماسويتي وقلتي يبي يسوالتس الرابع : على الزوجه انه تحشم ام زوجه وهو دين يبي يرد لها بكذا اذا حشمت ام زوجه تبي تكسبها وتصير دافع عنها عند زوجها او خواته ماعليش طولت بس ان شاءالله فهمتو قصدي |
| الساعة الآن +4: 08:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.