|
موفقة ..بس مااحب الاكلات الشعبية أذا عندك حل للكيك ..امنيتي ازين كيك ينتفش !! |
اقتباس:
وبالنسبة للبشاور نسيت أقولك في رز أحسن من كلاسيك باب الهند اسمه تلدا بسمتي كيسه أزرق ويباع في بنده وهايبر بندة فقط لكن سعره غااااااالي موفقة يا بعدي |
اقتباس:
|
اقتباس:
أولاً يغسل الرز بماء وينقع بماء دافئ لمدة ربع ساعة بالكثير أولاً نقطع البصل ويتحمر بالسمن أو الزبدة ويفضل إكثار الزبدة أو السمن ثم يقلب حتى يحمر ويوضع فلفل أخضر بدون تقطيع وقرفة وحبتين هيل وحبتين زهر بعد أن تحمر البصل والقلابة تعملين كوب ماء واحد فقط حتى يغلي ثم تصبين عليه الرز المصفى من الماء وإذا تحبين الزبيب ضعي قليلا الملح حسب الرغبة وكمية الرز ثم نزود ماء حتى يصير أعلى من سطح الرز بشيء بسيط تقريباً 1 أو 2 سم فقط ويجب أن يكون عندك ماء مغلي كلما حسيتي أن الرز ماستوى تزوديه شوي شوي ،،، وانتبهي تكثري الماء لأنه بيعجن وبالنسبة للنار تكون هادئة من أول الطبخة حتى آخرها حتى يستوي الرز وبالهناء والشفاء |
مشكـــــــورة حبيبتـــــــي ...يعندي اكتفي بالبهارات العدلـــــه ماحط ماجي ولا اجي ابيض صح؟؟؟؟؟؟
|
اقتباس:
بالأذن من صاحبة الموضوع...:f::) تبين الكيك ينتفش .. إذا خلطتي المقادير السايلة مع بعض وحطيتيهن بزبدية ..حطي مشخالة فوق الزبدية وحطي الطحين بالتدريج وطققيه المشخالة عشان ينزل الطحين ..:d فهمتي !! همن اخلطيهن بالخلاط ابو سلك مادري ابو شوشة.. وش تسمونه ...!! اخلطيهن باتجاه واحد..وحطيهن بصينيه مدهونة زيت ودخليهن الفرن وخليه عشر دقايق بالفرن لا تفتحينه همن عاد كل شوي شوفي اذا نضج وإلا لا الكيك يطلع هشش ومنتفش طعيييم ... |
ربي يوفقك
ويجعل ماتصنعين في موازين اعمالك |
اقتباس:
بالنسبة للماجي والبهارات حسب الرغبة لكن الماجي العادي يعطيه لون أغمق شوي يعني مايصير أبيض صافي. والبهارات تكفي خفيفة أحسن |
ياحبي لقلبك
الله يجزاك خير (h) |
اقتباس:
|
يا اختي الغاليه ممكن اشارك بموظوعك ابقولك تجربتي مع البشاور انا انقعه بعدغسله بما مغلي لمده 10 دقايق وبعدين البصل ا حمسه بزيت واكثر الزيت شوي وحبذا لو كان ابصل ابيض وبعدين اصفي البصل من الزيت وارفع الزيت ثمن اضع الدجاج ولكن بعد ما اخليه يوفح مرتين في ماء مغلي حتى تروح زخمته وبعدين احطه على الصل واحط بس ملح وماجي ابيض وحبات من الهيل وبعد ما ينضج اصفي المرق واجيب قدر واحط الزيت فيه الي كنت حامسه البصل فيه وبعدين احط الرز واقلبه على النار شوي دقيقه او اكثر حتى يشرب الزيت ولكن بحذر حتى مايتكسر الرز وبعدين اضيف المرق حق الدجاج وازبط الملح واخليه مغطيه الماء بسانتى يعني شوي واول مايقلب شوي بس واقصر عليه واحط الفلفل واقصدره على نار هاديه واحمس له بصل مع ليمون وزبيب طازج اقصد الحشو الي فوقه يكون طازج حتي تكون نكهته زينه وارش شوي سمن عليه واحيانن اقلل الما واحط عليه بعدمايشرب الرز شوي حليب السعوديه علبه صغيره وتكون النتايج مبهره والله هذي تجربتي وكل من ذاقه انهبل عليه بياض وتقل قطن وريحه جننننان ياليت ياخبريتنا الغاليه تجربينه وتعطيني رايك وتقبلي مروري :d
|
|
ممكن بنات طريقة الجريش
تعبت منه مو راضي يضبط معي.. هو الوحيد اللي مو راضي يضبط معي.. وابي طريقة الكشنه اللي فوق بصل وليمون اسود .. ابي الطريقه بالشرح الممل.. عشان افهم .. |
اقتباس:
المهم أول شيئ أغسل الجريش ومعه شوية رز مصري لو حبيتي يعني مد جريش والمد تراه يساوي علبة الكويكر بالتمام اللي ماتعرف المد كم هو نقول مد جريش و ربع مد رز مصري أو صنوايت نغسله وننقعه ثم نشوح شوية بصل في شوي زيت لحد ما يطلع لونه أصفر وتفوح ريحته وأضيف له كم عود قرفة للي يحب ثم نصب عليه ماء وافر وأحط دجاجة مغسولة ومنضفة ومنزوع جلدها وأخليها تطبخ مع الماء واضيف الجريش والرز المصري وأخليهم يطبخون على النار وإذا مرت ساعة إلا ربع طلعت الدجاجة وسحبت عظامها ورجعت لحمها مع الجريش مرة ثانية وأخليهم يطبخون وأخفف النار على الأخر وبعد ساعة أضيف جبنة مالحة أو لبن أو زبادي إللي تفضلينه وأخليه على نارهادية وأحط تحته الصاجة وقبل لا أطفيه بنصف ساعة أحط علبة قشطة وملعقة جبن سائل هذي الحركة تخليه جنان ورشة ملح الليمون ثم أبدأ أحركه وأضيف عليه كمون مطحون جديد أفضل ثم أغرفه وأحط عليه الكشنة المفضلة بالصلصة الحمراء أو بالليمون الأسود لحاله أو بالبهارات المنوعة حسب الرغبة ملاحظات ------------------- الجريش عشان يضبط لازم الماء يكون كافي يعني فوق الجريش بأربع أصابع وحطي في بالك إذا أنتي بتضيفين لبن أو زبادي إنو هذولي سوائل وإذا كان جبنة يختلف الوضع إذا تبين تضيفين فلفل حار أحمر وأخضر حطي بس خليه لحد ما يستوي وبعدين شيليه عشان ما ينهري في الجريش الجريش يحتاج أقل شيء 3ساعات و حسب الكمية بعدإذا كبيرة يحتاج إلى أربع ساعات إلى خمس من يوم يبدأ الجريش يطبخ ((يبقبق )) يغلي يعني لازم تخفيفين النار عليه تكون نار هادية على الآخر وميزة الجريش لو نشف عادي تقدرين تزيدين من مويته بسهوله وإذا طلع جريشك سائل أول ما تنزلينه من على النار لا تحركينه أول شيء أغرفي الماء أو السائل المتجمع على وجه الجريش وهذا يخفف عليكي المشكلة ولو إحتجتي زيادة من السائل إللي شلتيه أضيفي منه ان شاء الله تكوني فهمتي وبالعافية |
| الساعة الآن +4: 04:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.