مستشفى الحبيب انصحم لاتولدون فيه
لانه يقولون الطفل فيه مرض كذا ومرض كذا
والطفل مو مريض مابه الا العافيهـ

للرفع

الله يتبع له العافيه
الحمدلله على السلامته
يتربى بعزك المولود

الحمدلله على سلامة زوجتك أسأل الله العظيم رب العرش العظيم أن يشفيها
وإذا كنتم تحتفظون بملف الحمل اللي فيه صورة أشعة لوضع الجنين وهو في الشهر التاسع وكامل التقارير هذا يدعم موقفكم ويمكن أخي الكريم تنفع غيركم فياخذ هذا المستشفى درس حتى ما يكرر فعله مع غيركم
والله يوفقكم لكل خير

إذا عندك اثباتاتك فقدم على الجهات المختصة ولاتترك لك أي حق إلا وخذه

يا فولاذي لم تكون زوجتك الاولى ولن تكون الاخيرة واحمد ربك ما طلعوا في مولودك مرض وحجزوه لك بالعناية

الله يعينك ويشفي جميع مرضى المسلمين
شكوى بدون واسطه مع الاسف ما تستفيد لازم تشوف لك احد يدبرك ويوقف معك
هذا الواقع لا تدور غير هالحل
اتمنى للجميع التوفيق

بقولك تجربتي مع مستشفى الحبيب بخصوص الوالدة


السالفه لها تقريبا خمسه اشهر

الوالده تعبت وجاها الم شديد ببطنها وراحت المستشفى العادي وبس يعطونها مسكنات وترجعت للبيت

وبعد ما ترجع البيت يعود الالم وهكذا اضطرينا ناخذها لمستشفى الحبيب قلنا اسرع وادق ونعرف وشعندها

المهم كل شوي يطلع لنا دكتور يشخص لنا الحاله بكيفه

واحد قال زياده انزيمات الكبد


والثاني قال باقي شي من حصوة بالمراره مانشالت وسدت على قناة وتضرر الكبد

رغم ان الوالده سوت عملية المرارة من سبع سنوات وازالوها كلها

المهم قعدنا بالمستشفى من بعد الظهر الى الساعه 12 بالليل وهم فحوصات


مابقوا جهاز مافحصوها فيه الا غصب يطلعون بها عله

جهاز الرنين المغناطيسي تكلفته 1800 تقريبا ومغذيات

قرروا عمليه لها الصبح وطبعا لازم تدفع مقدم وقيمتها اكثر من 4000 الاف وحنا من خوفنا حزتها خفنا وخاصه ان الامر يخص الكبد اضطرينا نوافق

المهم ماطلعنا الا وحنا دافعين اكثر من الالف 7000

منها حق التنويم


جينا الصبح قال الاطباء نصبر شوي على العملية يمكن ماتحتاجها

طيب اذا هي ماتحتاجها ليش خليتونا ندفع مبلغ العملية


اكيد الهدف عشان تتنوم ويشفطون الي دفعنا


المهم الوالده تنومت ليلتين وبالليله الثانيه زال الالم والحمد لله

وكان مجرد التهاب بسبب انها اضافت خل على السلطه فقط

والحمد لله الى اليوم مارجع الالم

واتضح الهدف منهم هو شفط القروش وتخمين الاسوء عشان يسحبون اكبر قدر ماعندك

يعني معقوله يندفع اكثر من 7000 ريال عشان التهاب وزال خلال يوم !!!

عموما الي يبي زوجته تولد بالسلامه لايعرضها لمسشفيات مثل هذي هدفها مادي

معروف الحبيب انه سارق فلوس العالم

تجيك جلسه او عمليه او عمليه تجميل صحيح بالمستشفيات يأخرون العمليه

والحبيب اول باول بس خطتهم يجزؤون الجلسه الوحده ويخلونها 5

وهم المستفيدين
الله لايوفقهم

الحمد لله على السلامة

اذا كان عندك شي يدينهم و يبين ان العملية القيصرية ما كان لها داع ..... اطلع على وزارة الصحة او على اي مكان و ثبت دعواك بالدلائل ... بعدها تعال و خبرنا وش يصير عليك ... حتى ان كان خبرك صحيح نقاطعهم ..