ههههه ضحكتني:d

النقاب ممنوع منعا باتا
مرة رحت متنقبه وتنكدت بذيك الروحه.. كل دقيقة ووحده تجي وتقول: افتشي والا راجعي الادارة .. حتى طقت كبدي منهم ومن تعاملهن .. وفتحت بالاخير وجهي :i121

وانت يااخي وش حارق رزك؟؟؟ شوي شوي .. لاينط لك عرق .. ونبلش بك:confused:
وترى اصابع ايدينك مهب وحده.. فاذا صار هذا طبع خواتك ..فالناس مهب واحد..:cool:

والله انك صادق:oo
هالحين نشوف اشكال والوان من لبس البنطلون والقصير ومايقولون شيء.. جت على النقاب يعني:i125
وبعدين الاسواق النسائية بالرياض مثل( تولان - البراجون - بشرى) مايمنعون النقاب .. ;)

وانا جايه للوشاح ومتعنيه وضاربه مشوار ومتنقبه علشان اقز الناس .. صدق ماعندك سالفه:eek:
وصحيح ان الوشاح فيه ندوات ومحاضرات بس هذا مايمنع وجود البنطلون والقصير :42

يعني برأيك لما يكون لي عشرين يوم بالنفاس واروح للوشاح عادي؟؟؟؟؟ وش بيفكني من كلامكم يااهل بريده؟؟ كان ياصل الخبر امريكا:mad:
وبرأيك لما اكون مااستعديت ولاتكشخت عادي اروح لمجمع نسائي؟؟؟ يااختي غلطانه.. انا مااحب اصير حوسه عند الناس.. ماهو مثل البعض اللي تجي وشوشتها طايره:D

وليش يااختي لما اتنقب اضايق الكاشفات .. أنا جايه اشتري واتسوق وماعلي من احد :oo
وبالنسبة مافيه شيء يدل على اني بنت؟؟؟ اجل وين التفتيش اللي مرتزة عند الباب؟؟؟:(

وبعدين وش دخل الثقة بنفسي بالنقاب ؟؟ والله انه ماعندك سالفه؟؟ انا وين وانتي وين؟؟:cool:
وتسألين متى نفتش؟؟
نفتش بالبيت وبالعزايم وبالزواجات وبالكشتات وبالاجتماعات النسائية والا كل هذا مايكفي؟؟؟؟:(

المسأله نقاش ماهي هوش ولامشكله :confused:
هالحين لما اروح لمجمعات الرياض النسائية البس النقاب وامشي عادي مااحد يقول شيء ومافيه مشاكل ولله الحمد.. فليش انت بتحطها مشكله:i121 حتى بملاهي الاسكان البس نقاب ومافيه مشاكل
وبعدين لاصار الوشاح لك قل على راحتك( اللي مايبي يفتش لايجي):S
والله لايوليك منصب ببريده لاصار هذا كلامك;)

أي سلوك يااخي؟؟؟
حاشا صرنا سارقين والا مجرمين على غفله؟؟؟
وبعدين يااخي لاتنسى خوف الكثير من جوالات الكاميرا .. والخوف من التصوير بالاجتماعات النسائية .. فمثلا الوشاح قد تخشى الكثيرات من التصوير فتفضل لبس النقاب..
ولاتقل لي بان جوال الكاميرا ممنوع بالوشاح .. لأن هذا هو الظاهر فقط .. فانا واقسم بالله العظيم ادخل بجوالي الكاميرا في الوشاح..
ثم يااخي انظر لمدينة الالعاب( الملاهي) يسمحون بالنقاب دون مشاكل .. فنرتاح بالذهاب هناك .. وانا اعرف الكثيرات لم يسمح لهن ازواجهن بالذهاب للملاهي الا بعد ان تعهدت له بلبس النقاب منعا من حدوث حالات التصوير

شوفي ياخيتي تراي امس رايحه للوشاح وانا متنقبه وماقالولي شي ,,
ســــــــلام: 12

أذا منعوا النقاب يطلع من يحتج على هالقرار
واذا منعوا الفتش يطلع من يحتج على هالقرار

سواءا في الوشاح أو غيره

نحتاج في بريدة ألى أن نتخلى عن أحد مصائبنا الاجتماعية , وهي أن تنصب أحدى فئات المجتمع منصب الوصاية علينا ونحن كارهون فصرنا نفتقد لصفة جميلة موجودة في كل مدن المملكة وهي صفة

الحرية الشخصية

نحتاج أن نتذكر أن من حسن أسلام المرأ تركه مالايعنيه , وليس ألزام الناس بخط معين أو بطريقة معينة تخصك وألا كان الارهاب الفكري والتضييق الحياتي أحد سمات المجتمع المعاشة في المدينة فيحصل التضايق والانعزالات

كثير من الصفات الشخصية للأنسان البريداوي ألتصقت به ألتصاقا , وتطبع بها حتى استمرأها , بسبب أنظمة وسلوكيات خانقة , ولكن للأسف ولد هذا الانفجار , لذلك نجد الكثير من التجاوزات الأخلاقية بدأت تظهر للعيان أخيرا

الله المستعان

السلام عليكم ورحمة الله وبركاته........ وبعد :
انا اعمل في اسواق الوشاح النسائية في احدى المحلات وعلمت من بعض الاخوات عن هذا الموضوع فاحببت التوضيح في هذا الشأن الا وهو (النقاب):
فاقول مستعينة بالله:
لبس المراة للنقاب داخل الاسواق ممنوع من قبل ادارة الوشاح النسائية وذلك لمصلحة تقتضي هذا المنع .. ورغم تشدد الادارة ف هذا المنع الا اننا نلاقي عدم تقبل من بعض النساء وعدم تنفيذ لاوامر الادارة فتلبس النقاب رغم التحذيرات ورغم اصرار من تقوم (بالتفتيش)عند البوابة بالكشف عن وجهها الا انهن لايلتزمن بذلك ..
ولكننا عازمين على تنفيذ منع النقاب للمتسوقه داخل الوشاح..
هذا مااحببت توضيحه للجميع ... والله الموفق