|
شاعت قضية مقهى جوثن لدى الجميع والبعض المتخلف ينكر ذلك
يأخوان ماقالوا فتحنا مقهى دعارة وإنما فتحوا مقهى ملتزم بظوابط شرعية |
اقتباس:
الجميع سيـُسأل أمام الله عن كل صغيرة وكبيرة وليس المتزن وحده . عموماً : هناك متزمتون يـُلصقون تزمتهم وآراءهم بالدين ويصفون آراء الآخرين بأنها مخالفة للدين .. وكل هذا بلا دليل لا من القرآن ولا من السنة بل هي مجرد أهواء شخصية !!!!!!! الزبدة : لا بغيتوا تحرّمون شيء أو تستنكرون شيء , هاتوا أدلتكم من القرآن أو السنة علشان الجميع يقتنع بهرجكم .. أما إنكم تحرّمون وتستنكرون بهواكم , فلن يقتنع بكلامكم إلا اللي من حينه على رايكم . وتقبل تحياتي 00 المتزن |
. . جريدة الوثن شعار للكذب والخيانه . . . . . . لاكن الحمد لله ان الناس لاتأخذ بأقوال بتلك الجريده الفاسده محبكم |
يقولون يبي يجيبون...... رقـــــ ا صـــ ة
ويبي يقلبون المقهى نايت كلب لرجال _____________ هاه رضيتو الحين أهم شي بس لاتزعلون .... مافية شي يستاهل الزعل ___________________ مشغل نسائي مثلة مثل غيرة بس الديكور احسن وارقى وتحت كافي شوب .... قهوة وشاهي وجالكسي و قاتوة بدون موسيقاء وبدون محرمات ومافية صالت رياضة.... ماشفت بس فية صالت رياضة بدار راما يعني بلمستوصف والحريم زحمة عليها والله .... جوثن ادخلة وانا مرتاحة,,,إن مافية أحد يبي يصورني...لان فية حارسة تفتش إلي تدخل وتسحب جوال الكميرة والله يسوى كل مشاغل بريدة مافية أمن منه بس خلونا بحالنا ...... الله لا يفرحكم بأعماركم نبي نروح لمكان نفتش فية ونتقهوى فكوووونا...... اقول ليش بيت القهوة ماسويتو فيها كذا ..مع إنة حريم ورجال إعترفوووووو |
وطريقة تسويقة قديمة ، نمنع المقهى ونثير التساؤلات حوله حتى يذهب الناس ويشاهدوا ماذا يوجد بداخله ؟؟
نفس فكرة تسويق رواية بنت الرياض !! ياإخوان مثل هذه الأمور ماهي إلا علشان التسويق للمشروع لا أقل ولا أكثر :cool: ، فكروا شويات أولاه تكفون ،، ودمتم سالمين ،، |
اقتباس:
ماتوصل ياخيتي لدعاوي استغفري ربك ترى دعوتك ترجع عليك لأنه فيه ناس مالهم ذنب وانت تدعين عليهم ماله داعي التعميم!! |
والله لو ما يأتي من سوى هذا المقهى إلا أن هذه الجريدة العلمانية تمدحه ..
يجب أن لا نكن مغفلين من الأصل لن يقولوا أن هناك آلات الموسيقى والدخان لأنهم يعلمون أن بناتنا متحفظات ولله الحمد . ولكن هم أتوا بها أنها حضارة ومادروا أنه حثالة . أخواتي وإخواني / لا نكن مغفلين فكل ممن أراد سوء بنا سيظهر لك الحسن ويخفي القبيح . وقد قالها الله - عز وجل - قبلي في كتابه العزيز حيث قال (( يخفون في أنفسهم ما لا يبدون لك ... )) ودمتم بحفظ الله محبكم المخلص / المعتز بدينه . |
المتزن :
أما إنكم تحرّمون وتستنكرون بهواكم , فلن يقتنع بكلامكم إلا اللي من حينه على رايكم أخى الكريم انا لم أحرم شيء فقط ذكرت أن الوطن تأيد هذا المقهى واذا كان على التحريم فأن النخيل أولى بذلك والله أعلى وأعلم0 |
وش عندهم الرافضة بدو اايدون
تراه جريدة الوطن كلها رافضة وشكرا والسلام خير ختام |
بسم الله الرحمن الرحيم
الحمد لله رب العالمين والصلاة والسلام على أشرف الأنبياء والمرسلين نبينا محمد وعلى آلأه وصحبة أجمعين ..... أما بعــــد : لقد قرأت عن هذا الموضوع كثيرا وكنت لم القي له اهتمام لكن عندما رأيت الموضوع في الحقيقة واطلعت على المحل لاحث القرب بين جوثن وفن جن كيف قريب جدا وماذا يقولون انه قفزة حضارية انا لا اقول لا تفتحون محل للفتيات هناك اسوق الوشاح على سبيل المثال سوق نسائي متكامل لماذا لم يوضع هذا المحل هنا لماذا يوضع في هذا المكان وفي القريب سيكون هذا الطريق هو طريق الملك فهــــد يعني سوف يكون كل من ( هب ودب ) سيدخل هذا الكوفي الصراحة الموضوع طويل جدا ولقد اكثرت الحديث وأنا آسف على الإطالة وشكـــــراً لكــــــم ................ |
آخر خبر:
سيكون بمشيئة الله الفرع الثاني في موقع سياحي جذاب ومميز جداً .................((في الخبوب الغربية في أكبر فلاحه في الخبوب))..................... وخاص بالمرأة البريداوية فقط لاغير |
أوردت صحيفة الخبوب الخبر التالي:
سيكون بمشيئة الله الفرع الثاني لمقهى جوثن في موقع سياحي جذاب ومميز جداً وفيه كل ماتحتاجه المرأة تحت سقف واحد .................((في الخبوب الغربية في أكبر فلاحه في الخبوب))..................... وخاص بالمرأة البريداوية فقط لاغير تحياتي لكم من الخبوب((أبو الطيب الخبوبي)) |
لا تعليق
|
وعليكم السلام ورحمه الله وبركاته ..
بصراحه استغربت كثيرا من هذا النقاش وهذه الضوضاء ازاء فتح مقهى نسائي .. واذا يعني فتحوا مقهى نسائي ,, وش يبي يصير ؟ بتنتهي الدنيا مثلا .؟ عندي كذا نقطه ابي اوضحها .. بالرغم من اني من الرياض ولا اعرف طبيعيه الحياه في القصيم .. ولا عاداتهم .. لكن من خلال ما قرأت .. حبيت اوضح كذا نقطه .. النقطه الاولى .. المقهى كما قرأت نسائي وهو مخصص لهن .. كيف بيكون فيه اختلاط ؟؟؟ ولو فرضنا انه بجوار مقهى رجالي .. اليس هنالك من البنات من سيأتين مع محارمهن .. ام ان الفتاه ببريده تأتيها مضايقات حتى وان كانت مع محرمها ؟؟ النقطه الاخرى .. انا ارى ان الاماكن النسائيه المغقله كالمقاهي افضل بكثير من - قهوه البيت - لسببين .. اولهما .. فرضا .. وحده عندها شغله بزنس مع امرأه اخرى .. وهي اول مره تشوفها .. تتوقعون انها بتدخلها بيتها وهي ما تعرف وش طينتها ؟؟؟؟؟؟ لازم تشوفها بمكان برا الين تعرف وش طبع المرأه بعدين تعزمها ببيتها .. السبب الثاني .. تتغيير جو .. في حفاظ للمرأه اكثر من كونها بالبيت .. انا اعرف كثيرررررررررر ناس موجودين بالقصيم متزمتين ويقال انهم محافظين .. وربي ان عيالهم يطلون على البنات اللي جايين عندهم ؟؟؟؟؟؟؟؟ وياماااااااااا نسمع قصص زي كذا تصير في القصيم .. اكيد الاغلبيه بيقولون لا وما يصير وان المره ما تطلع الا بجلالها حتى لو هي بيبتها ما تفارق جلالها .. بس انا متأكده من كلامي وانتم في قرارة نفسكم متفقين معي .. بس كبريائكم يمنعكم.. بعدين انا ما ادري ليه لما اقرا ردود عن مواضيع زي كذا احس انكم تعتبرون المرأه ساذجه .. مغفله .. انتم المسئولين عنها .. اوكي ما اختفنا انتم ولاة امرها .. لكن ما يحق لكم تتدخلون في امور ثانيه .. لكل مرأه لها تفكيرها وعقليتها ولها ثقافتها .. ماهي غبيه ما تعرف الزين والشين .. وهذا الخوف الغير مبرر .. ما يدل الا على شي واحد .. انكم منتوا واثقين في اهلكم وتربيتكم .. والا ما كان خفتوا لهذي الدرجه .. والا انكم سويتوا الغلط وخايفين من الحوبه .. مافي تفسير اكثر من هالتفسير .. اللي يقول غيره مرضيه واللي يقول ويقول انا ما اعتبره غيره مرضيه قد ما اعتبره حب تسلط .. وهذا كللللللللللللللللللله بسبب شي واحدددددددددد هو المحدوديه في التفكير .. والثقافه .. في الاخير ... اللي يبي يفسد مافي شي يمنعه .. لو انها محجوره في قفص عصفور .. تسلمين اختي هدى الحميضي .. وعقبال ما نشوف كوفي شوبز من هالنوعيه اكثر واكثر في كل محافظات القصيم .. |
| الساعة الآن +4: 06:20 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.