|
نحن نتحدث عن البركة كثيراً ولكن لانتحدث عن تصريف المال التصريف الحسن ..
ترى لو كنت حريصاً على أن تنفق راتبك في الضروريات أتراه ينتهي .. صدقني أسرفنا كثيراً في الكماليات .. تخيل نزل راتبك الشهري 3000 ريال في يوم 25 .. في يوم 25 تقضيت بالضروريات وهذا أمر حتمي لازم .. لكن يوم 26 يوم خميس وأنت فاضي قلت أروح أدور بالسوق أخذت ولدك وكل مامر على لعبة شريت له .. نزل جوال أن طعش في يوم 27 رحت للنافورة بعت جوالك ودفعت الفرق 500 .. وفي يوم 28 رحت تسدد فاتورة الجوال 400 ريال وتسدد فاتورة الهاتف 300 ريال .. وجازلك الجو يوم 29 ورحت مع الشباب وقطيت 100 ريال .. وقالك خويك يوم 30 قوه للرياض خابرن فيه تخفيض عند اكسترا وعبيت البنزين 50 ريال وتقضيت من الرياض بـ 200 علشان المشوار .. وكل يوم بالعادة تعبي بنزين بـ 10 ريال أقل شيء يعني بالشهر 300 ريال .. بعد 10 أيام من نزول الراتب مسكت معك قطع إشارة وقطعته ولا اللومينا وراك ومخالفة 300 ريال .. رحت للجردة مع أخوك وجازت لك شماغ آخر بصمة قيمته 120 ريال قلت خل نشريه بس وجاز لك هذا وجاز لك ذاك لين قال جيبك فنشنا .. ولا تنسى روست شبه يومياً و بروست بعض الأحيان ولا رومالي .. بعد خمس طعش يوم من نزول الراتب مريت من طريق الشاحنات ودخلت السنيدي وشريت لك عزبة وحركات حلوه .. قلي هاللحين أنت تهد من نفود جالس تشري على كيفك وبعدين تقول لي مافيه بركة .. كيف حالك بوعاصم ؟.. |
اقتباس:
والتسديد على الصوامع اقتباس:
لكن أتوقع إضافة إلى ذلك كثرة كمالياتنا + ارتفاع أسعار المواد الاستهلاكية . . . . كل الشكر لكم |
أجيبك يا أخي من واقع الحياة .. ومن التجارب هي الذنوب ... يقول أبن الجوزي .. متى ما رأيت مبتلى فاعلم أنه لذنوب أسأل صاحبك ودعه يفتش في أمور دينه ومن أهم ما أراه هو (الصلاة بالأخص صلاة الفجر التي يستهين بها بعض الشباب وللأسف .. وبر الوالدين ) وأمور الدين عامة .. ووالله إني لآعرف رجل راتبه جيد وهو موضف قديم وحالته المادية وحالة زوجته المادية ممتازة جدا وإنه مطالب بديون وكفالات .. وهو يتنقل من أجار لأجار ... ولم يستطع أن يملك منزل .. وفاقه أقرانه بالأموال..ويستغرب من حوله بحالته المتدهوره وكل ذلك أعزوه إلى قلة دينه .. ومآخذ كثيرة عليه بدينه هي من الظواهر.. الله المستعان.. وأيضا ربما سوء التصرف من صديقك بماله فلا يضع هناك أولويات وجداول يتبعها في سياسة أمواله بارك الله فيك أخي ابو عاصم على هذا الطرح المفيد ودمت يحفظك الرحمن |
صراحه جالس ساعه اتذكر الرقم السري علشان ابرد
يوم دخلت اقرأ رد يقول ان الراتب 1700 عاد بذمتك هذا راتب يستاهل ان الواحد تطير عيونه اذا خلص:eek: 1700 المفروض لو ماخلص اخر الشهر تطرح موضوع تعلمنا وشلون ماخلص المفروض يخلص اول اسبوعين بالشهر ماشاء الله عليك لانك ماتصرف ابد |
مجالس القصيم السلام عليكم
اقتباس:
الموضوع نستفيد منه نحن في تدبير مصاريفنا، وتقديم الأولويات أما راتبه الف وسبعمائة أو ثلاثة الآف ريال لا يعنينا، بل من راتبه هكذا فليحرص عليه أكثر ممن هو في نعمة أكبر.... فأنا أول المتسفيدين من هذا الموضوع فالإنسان، أمامه مستقبل، ومسئوليات كثيرة.. شاكراً لك مقدراً |
اقتباس:
|
عليك بالصدقة فهي تبارك لك في مالك
|
أنا يوم أنا بالجامعة , كنت اوفر من المكافأة ( 850 ريال )
طبعاً ما فيه جوال ولا بيجر ولا غيره .. بس قطة الاستراحة ( 100 ريال ) . :) يا جماعة , المسألة وما فيها دبرة وسنع مع شوية " فرملة " لرغبات النفس . يا أخي بدال ما تشري بروست بـ 10 , خذ روست بـ 6 والا جامبو شاورما بـ 4 ( وترى كله دجاج :D ) .. وبعدين وش فيها الصبة انتم ووجيهكم ؟؟!! :D إلا على طاري الصبة , عندي لكم راي سنع : ورى ما تشري بريال فلافل وبريال صامولي وتروح للبيت أو حتى للاستراحة وتحط مع الفلافل جبن أو لبنة وخيار أو أي شيء ( يا شيخ لو تفرث لك كيسة لبتون :090: ) , وتضبط لك معهن كاس شاهي إنما إيه . إذ سويت هالطريقة تكون وفرت ريالين ( ريال الصبة وريال الببسي :D ) .. عاد تخيل لو طبقتوا هالطريقة وانتم مجموعة بالاستراحة , كم بتوفرون ؟؟!! :060: أتوقع بعد سنة , يمكن تشرون الاستراحة وكل واحد يفك له هوندا ويمكن يعرس . :090: هذا بالنسبة للاكل من المطاعم .. أما بالنسبة للسيارة والمصاريف الشخصية , فهذولي يبيلهن جلسة . :) إلا تعالوا : الحين وشوله تاكلون من المطاعم ياللبنانيين .. وش به أكل البيت ؟؟؟!!!! الواحد تحلف ان راتبه عشر تلاف على هالتنيذخ ... ابلعوا العافية واجمعوا للعرس , لا أجي أرطبكم كلكم . ( وش يبي ذا .. شكله هجت به :D ) أقول : تقبلوا تحياتي 00 المتزن |
أستغرب من قال ان 1700 شوية و لاتحتاج ميزانية...
عزوبي ومسئولياته قليلة... اكثر من هذا الذكر... اللهم اكفني بحلالك عن حرامك واغنني بفضلك عمن سواك... وكذلك قراءة سورة الواقعة كل ليلة أوصى بها عثمان بن عفان بنيه ومن قرأها كل ليلة لم يدخل بيته الفقر... وكلامي عن تجربة |
يارجال أنا أردى من خويك ، ولا شفت شيء جديد صار لي ، إلا أني شريت جوال جديد بس ،،
غيره ماشفت شيء ، لا سيارة تفتح النفس ، ولا زبرقه توسع الخاطر ، ولا شيء زين ،، الدعوى موب بالبركة ، الدعوى سوء تصرف بس ،، ياحبيل أميمتي من يوم ماصرت أعطيه قروشي ، قدرت أجمع ، وإلا يوم هن بالحساب ما غير آقف عند الصراف واسحب ميه ،، ما يجي آخر الشهر إلا متسلف ميتين وإلا ثلاث ميه ،، الله يخلف بس ،، :) ودمتم سالمين ،، |
إذا ً كيف يتصرف من يكون راتبه قليلا ً ؟ وماهو الراتب الكافي ؟ بالنسبة للعزوبي وكذلك المتزوج على أساس أن يدخر منه شهريا ً |
| الساعة الآن +4: 11:41 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.