اخس اي والله انهم جنّ على هجن
تسذا اكا المرة وقفن واحد وانا بالشرقية وقال الاخ من اهل الديرة؟ قلت لا ومير يشكي لي الحال ويقول انا من الحجاز وداجٍّ هاج وخربانن موتري ويعطين من هالكلكات الطيبه ومير ادعي له واتحمد ربي على العافيه
وهم تسذا ماعندهم علثتن الا يقول(انا من عايلة محترمة ومحتاج ) وحتى بعد اكا المرة وانا رايحن للقصيم اعبي ديزل ومير يجي واحد معه بقرة 2006 ويقول ابي عشرين ريال قروش تعباة الديزل وانا محتاج والغريب انه من نجد لكن ربك يعيننا عليهم اشغلونا وهقونا

ا,,

الاخ العزيز حفيد اعقيل
هذي قصه حصلت لقريبتي تقول ذهبت الى سوق الحريم بالكبره تقول جت ذيك المراه وقالت شوفي ولدي مربط بالصندوق السياره فيه مس من الجان نحن سوف نذهب فيه الى المدينه يقراء عليه الشيخ الان لكن مامعنى فلوس قريبتي صدقتهااعطتها جميع مافي البوك مع خواتم ذهب كانت لابستهن.
وبعد مضي اسبوع جت الشحاذه صدفه تقول مره ثانيه لقريبتي نفس الكلام الاول ان ولادها مربط في الصندوق. قالت قريبتي الى ذا الوقت ماوديتوه له اسبوع بلصندوق السياره مربطينه ثم هربت الشحاذه بسرعه حتى لاينكشف امرها.

انا اذكر مره واقفين عند احد المحلات ومر من عندنا شخص وقال ان زوجته تعبانه وانه يبي يوديها للمستشفى وراح ووقف عند اخوي وطلب منه يوم راح سألنا اخوي وش قالك قال يقول ان زوجته ماتت ويبي قروش حتى يسافر به لاهلها ....
يا اخوه كثير من الناس امسك عن المساعدة والتبرع بسبب ( وين اللي صادق ) ولكن ما مثل ان الواحد يدور المحتاج المتعفف ترى بالبلد ناس كثيرين وناس محتاجين مره :eek5 والا اشر مواد وعطهن المستودع الخيري او الشماس بس اهم شي لا تترك عمل الخير
ولكم تحياتي : 12