|
على حسب من يفتحه
هذا غير انه من اللباقه والأدب عدم فتح جوالات الناس وعدم التطلع لها ولو رضي صاحبها فكما ان البيوت أسرار الجوالات اسرار .. |
ماأحب أحد يآخذ جوالي ..
بس بعض الناس بهم لقافة .. :mad: غصب يتفرج على جوالك .. وماتقدر تقولهم لا :/ |
بارك الله في الجميع على المرور
وفقكم الله لما يحبه ويرضاه |
والله يا رجال أنا جوالي بالبيت تقل مكتوبـ(ن) عليه : سبيل كل يوم ألقاو مع واحد من هالبزارين ,, أما عن من يأخذ جوالكـ : أعطي جوالي أي واحد يطلبه لكن بشرط أن ما يقعد يسألن عن هذا وراه تسذ وهذا منهو وهذا ورا خشمه مايل ... لأني الصراحة متعقد ,, :) |
أكره هالشيء لا لشيء في جوالي ..
بس ما أحب إن أحد يتلقف . |
اقتباس:
|
عادي خذوة بس بعد شوي تقول دوك ماابيه لأنه به رمز ثم يالله طلع الرمز
|
أعتبر الشخص اللي ياخذ الجوال ويفتشبه ملقوف وبه حبتين بجاحهـ ..
لكن بالنسبة لي أكرهـ أن أحد يفتش جوالي ( طبعا من غير العائلة ) لأن فيه صور لي استهبالية .. يعني لابس نظارات تخليك حول .. ولا مسوي حركة بهلوانية .. باختصار .. وشوله البجاحة :( |
عادي كل الاصدقاء والزملاء والاولاد بساط احمدي |
السلام عليكم ورحمة الله وبركاته ((تنويه)) اللي مايبي لايقرأ لأني مطولة الهرج بالحيل كتبت كل اللي يخص الموضوع .................... جوالي دائم محلوت ومنسي ومن زين الدبره يكون على الصامت عقب الليل ويستمر على الصامت أيام توصل اسبوع على الصامت والعالم تعاني من التطنيش واسألوا (حنايا القلب - حايلية...وباقي الشلة) لدرجة الشاحن يقضي شحنه ويموت مادريت عنه .. من شدة تطنيشي له الرسائل وصلت 1000 ألف رسالة !!! قبل أمس جلسنا جلسه عليه أنا وأمي و أخوي وجلسنا نمسح بالرسايل وأفرح قلت اكيد ماباقي الا 100مائة أو أقل يوم ناظرت وأثره ماراح الا 100 مائه وشوي !!! باقي 852 رسالة فأصبت بالإحبااااط وسكرت الجوال وقلت بقريح عمرهن لايقضن .. <<< هذي مقدمه نجي لصلب الموضوع .. راعية طويلة * أمي وأبوي عادي وهم أصلا الحمدلله مو من النوع اللي يحبون التفتيش لا يعني أحيانا تصادف تجي رسالة والجوال عند أبوي ولا أمي والله مايفتحونه .. والحمدلله هذا شيء طيب ربونا عليه وهو عدم التدخل واللقافة بكل شيء .. * أخواني كذلك عاااادي بس يستأذن قبل علشان يتعلمون آداب الإستذان يعني يجي لي ويقول يابنت الشماسية ودي أشوف جوالك أقوله أبشر خذه حلالك .. بس إذا شفته معه وبدون استئذان ياويله وياسواااد ليله .. فيه شيء اسمه أدب وإستئذان واحترام وخلاص تعودوا بكل شيء مو لهم لازم يستأذنون .. * أما المعارف والأصدقاء فالحمدلله اللي يبغى جوالي يستأذن مني ، مثلا قريبتي تجي وتقول يابنت الشماسية ممكن أبي جوالك إذا عندك أناشيد أوشيء جديد وأعطيها إياه بصدر رحب بس تجي تفتح الشنطه وتاخذ الجوال وين حنا فيه !!! حتى لو بتاخذ شيء من الشنطه أقولها بوجهها استأذني لو سمحتي فيه شيء اسمه استئذان .. بس بعض المقربات لي صديقات أو قريبات عادي أقولها تفتش وتاخذ راحتها بعد يعني لو تبي تنخل شنطتي نخل عادي بدون ماتستأذن لأني معطيتها من قبل الضوء الأخضر .. |
في ظل ( تجديع الجوال ) أقول : ما أجمل الأخلاق .. أحياناً اضطر إلى سحب الجوال من يد آخذه لا لنفسي ، و لكن لأن هناك رسائلاً لإخواني لا يريدون إفشائها ، فحفظاً لسرهم أمنع آخذ الجوال من تصفح الرسائل .. و أختي الكبيرة تسحب الجوال و ترسل لجوالها :( لكن بحل .. و الغالب الجوال ما يكون فيه شي مخالف أو سري .. لكن إذا وجد معنت .. و الأصل .. تحبيس الجوال و تسبيل المنفعة :D <== بدا بكتاب الوقف .. و أضل أقول (( ما أجمل الأخلاق )) .. و ما أجمل ( ما أجمل الأخلاق ) :) شكراً أخي المبارك .. |
اقتباس:
هــذا مــا أردت قــولــه |
لا ^ ^ ^ كـبـر كـرشــت شـاااااروووون بـغـض الـنـظـر عـن مـااايـحـتـويــه الـجـواااال .. نـحـن فـي زمـن الـلـقااااافـه والـشـراااافه << الـتـي ظننت انهااا قـد حطمت وتلاااشت في وقت من الأوقااات لـكـن للأســف كنت اظن وكنت اظن وخاااب ظـني :eek5 بالله عـلـيـكـم واااحد يبتسم بوجهـك وبكل ميااانه <<كماا يـدعـي ويـأخذ الـجـوااال ويـتـصـفـح لا واحيااانااا يـحـذف اللي ماايعجبه :oo << مشكله صرااااحه يعني لو اخوي الصغير مـمـكـن أقــووول ماايعرف ويكثرهـ:bad عموماااا جـمـيـل أن نـتقـن فـن التتـعااامـل وأخـلااقيااات الصداااقة يعني لـو حـبـتـيـن أحتتـرااام صـدقووونـي في الـمـحـصـلـة جـيـل ومـجـتـمـع ولا أروع :cool: ، ، مـشـكـووور أخـوي =) |
عن نفسي على حسب الشخص اللي طلبه إذا كان أخوي الكبير أو الصغير أو بعض الأصدقاء المحترمين أعطيه أياه وخاطري مرتاح و إذا كنت خابره شروف وبجيح ويفتح بالأسماء ويسأل هذا رقم من وشلون عرفته أو وش يقربلك وش أسم أخته أو اسم أمه ويقراء رسايل عاديه من بعض الأخوان في الله ويسأل وش علاقتك فيه ويقولك خله تراه مايصلح لك و كأنه ولياً علي.... ويمللك الجلسه ويخليك تنحاش من الجلسه اللي هو جالس فيها فمستحيل أعطيه أياه .
(طبعاً كان لي صديق شروف لدرجه ماتتصورون ) |
| الساعة الآن +4: 08:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.