|
زين ها المنتدى فيه معلمين ....
توقعت إني أكبركم .... ومستحي ارد لأني احس إن الموجودين ....طلاب عموما أنا كل سنة أردد كلمة مقصودة .... ولن أقول كلمتي اللي أردد لأني أتأكد من الطلاب يطلعون على هذا المنتدى فانفضح زين ( يا .... كلمتي ..) |
خل أحد منهم به والله أن يفضحك أخوي يقول أكتب أن معلمنا يردد كلمة هشة قلت وش يقصد ؟؟ قال والله ماااااااااااااااادري لكن كل الدنيا عنده هشة |
النضام العالمي اوهوووو اجل انت من اللي مايضربووون اجل اكيد تستعمل سلاح الدرجات والله انا عااادي المدرس اللي يضرب بس اهم شي مايلمس الدرجات
ايه وصدقت والله ياعندنا مدرسين احبهم واجد صح اني استهبل معهم بس استهبال خفيف يعني دعابه هع وهم مايزعلووون وياحبي للمدرس اذا جاك زاحف ومنسم ولا ذبيت عليه قعد يذب عليك باكبر واكبر وبدووون مايزعل <<< هذا المدرس اللي يمشي عند الطلاب وشوكريا النضام العالي والله يعينك على مهنه التدريس <<< اقول ورى ماتحول لعسكري ارررحم لك النضام العالي انت تدرس في بريده ولا في الرياض |
من وجهة نظري ان الموضوع عادي جدا ولا يحتاج كل ذي التعاليق والموالات
تحياتي لك |
أخوي متكي ويفصفص أنا معلم في بريدة ولله الحمد من المعلمين اللي ما يهددون بالدرجات ولا بالعصا لكن الهيبة شي آخر أخي الغالي gamer أنا مدري وش اللي يعجبك علشان نكتب بمنتداك خل وجهة ننظرك بطنك إذا ما أعجبك الشي |
النظام العالمي يلاحظ إلٌي أنك معلم وسؤالي لك إذا أنت في منتدى ما تتحمل رأى عضو مشارك فكيف تتحمل ارآء الطلاب في فصلك أشك في ذلك ... تحياتي لك |
تحية طيبة أخي الكريم المعلم هو له دور اساس في حياة مجتمعنا ولحياة الأبناء من حيث التوجيه والتعليم والتربية هم يؤدون دور الرسل كان الله في عونهم وأتمنى أن لا نغفل جانب الإخلاص في القول والعمل ولا يكون همنا المستوى والرواتب دمت بخير أنا معلم صف أول إن كنت تريد مواقف فأبشر لعل هذه واحدة منها موقف طريف رأيته على أحد طلابي في الأسبوع التمهيدي وهو أنه معه القلم ويخط خطا بحذاءه بدفتره بدلا من مسطرته دمتم بخير |
^^^^^^^^ هع هع هع اما بنعاله مسوي بها مصطره كككككككك
انا يومي وررع كنت اخذ الدفتر واسطربه << واذا قالي ابوي تبي اشتريلك مسطرره اقول لا لا انت بس اشترلي دفتر والباقي ادبره انا هع هع مشكووور النضام العالي هع نشبتلك رديت اكثر من رد في موضوعك |
اقتباس:
أنا توي اصدق أخي بلف الكاتم يوم يقول اقتباس:
لك أحلى تحية ولا نصير زعلناك |
أخي الإعصار أضحك الله سنك أما عن الصفوف الأولية حدث ولا حرج دخلت عليهم يوم من الايام انتضار طبعا لازم اسولف معهم و سألتهم سؤال واحد رايق وش تتمنى تصير اذا كبرت ؟ اللي يقول طبيب واللي يقول معلم واللي يقول لاعب واللي يقول عسكري لكن أضحكني اثنين وش يقولون واحد يقول ودي ياستاذ لاكبرت أصير رجال لأن ابوه يقول له لاتقعد مع الرجال واموت عليه من الضحك الثاني يقول ودي اصير قط يعني ( بس ) انهبلت وقلت وراه قال لأن كورتنا قمزت على الجيران وأبوي يقول إذا قمزت الكورة مانب مشتري لك ثانية (يبي الفكة) وإذا صرت بس أروح واجيبه أخي متكي وافصفص اتحفتنا في مشاركاتك أسعدك الله |
اقتباس:
الله يقلع ابليسه هالطالب والله ياهو مصرررررقع .... انا طبعا معلم صم ... المواقف تكون اقل من السامعين ... لكن ما يميز الصم عندهم الصراحه المنطلقه بالنسبه لي انا لي اشاره قايلها لهم .. اذا بغيتوني بهلاشاره ... وماشيه الامور .. لكن اذا قفلت معه ... عطاك اشاره اسوء خصله فيه .. وخذ ضحك من الطلاب ... حتى اذكر انهم قافلين على الوكيل .. وبدا يقلد الوكيل بمشيته (مبعد رجليه قليلا عن بعضهن ويمشي وهو مطنبس ..) .. انا عن نفسي عجزت امسك روووووحي وفطست ضحك اما عن اللزمة فهي كما قال الراصد لزمه فعليه ... وهي كأني اقوم بفتح صدري"وهي كناية عن انكم خلوكم مرتاحين" .. |
حـى أنا فتحت صدري لمشاركتك بالارتياح أسعدك الله |
اوووووووووووه ..
شكرا لك اخوي النظام العالمي |
انا اقول دائما
فاهمين شباب |
| الساعة الآن +4: 01:56 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.