بريدة ستي - شغالتي تبي تحج ساعدوني

هلا بسميتي غريبة وشلون اسمين متشابهين بمنتدى !!
بس مدري اسمتس أصلي ولا تقليد
يعني اسم سجلتيه بس كذا والا ولدتس فعلا اسمه فيصل

اقتباس:

المشاركة الأساسية كتبها أم فيصـل (المشاركة 818262)

أششششش لا تسمعتس شغالتي و أروح فجل أنا :113:
تعالي ياأم الوافي .
أنا اللي عندي لها يومين متنفخه مدري وش بلاه و أنا معطيتها أشكل .
بس الظاهر أن ورى هالنفخه هو مكالمتها لأهلها الأخيرة, و شكلهم قالوا لها أنهم يرسلون ع الجوال و أنا مب أوريها . :028: و العلم يجيتس أنا ما عطيتها الرسايل لأني أول مسبله الجوال بين يديها متى ما بغت أرسلت , و بالأخير خفت منها قلت : لا أصير مثل الأطرش بالزفه و تصير هي تسوي شيء من وراي :092: .

و هاه يا أم الوافي أنا هذي أول تجربة لي مع بنات القروش :040:
مرتين إذا ناقشتها وأحتد النقاش معها لمت قشها و قالت : بروح مكتب :eek:
جعلها البخق وش أسوي معها ؟؟
إذا هددتس بالمكتب قوليله يالله إمشي وروحي به للمكتب وهم يوقفونهن عند حدهن
و طريقة شراء الملابس , ومعجون الأسنان و خرابيطها الباقية هذي منها ولا مني ؟؟

شوفي وأنا أختس لتس طريقتين بالملابس
إما إنتس تشرين له وتعتبرينهن صدقة
أو تشرين له وتقولين له هالملابس بس تلبسينهن عندنا وإذا رحتي لديرتس تخلينهن
هذا إذا كنت خايفة من إنه تاخذ معه ملابس وتحط بهن شي
وبعضهن الله يهديهن تشرين لهن ملابس وهي بس تغبيهن عشان تلبسهن بديرته وهنا تلبس من هالخلاقين وشكلة الللهم لك الحمد والشكر
عشان كذا أنا أقول له بس تلبسينهن عندنا وماتاخذينهن معتس وصارت تلبس اللي اشري له وشكله صاير مرتب

و وشو اللي مفروض أعطيها و اللي لأ ؟

حبيبتي عطيه الملابس خاصة وقت العيد والشتاء
الشامبو
الفرشة والمعجون
منشفة
فازلين
وحطي عندتس حصالة وكل يوم طلعي صدقة وتصدقي عليها
بالأندومي
فشفاش
عصير بيبسي
الممنوع
الجوال هو دمار الشغالات إذا حبت تكلم أهلها تكلمهم على حسابها
وممكن تتصدقين عليها وتخلينها تكلم أهله بالاعياد على حسابكم

هاه طراه هالسؤال للجميع بعد أذن أم الوافي ,
أفتوني مأجورين :114:

وأي سؤال أنا حاضرة