بريدة ستي - ( ســــاعدوني )

اقتباس:

المشاركة الأساسية كتبها إشراقة أمل (المشاركة 2255316)

لو سمحتوا الله يعطييييييكم الع‘ـآإفـيـــــــــــــه ,,

أبغى خلطة تنعم الشعر وتطووله < تشّشششرط العمه تموووون :025: .. هع هع

أنا شعري موب خشن بس موب ناعم .. وسط يميل للناعم تقريباً , وإلى كتوفي < فضضاااايح .. خخخخ
أبي خلطة تطول شعرري وتنعمه وتكون الخلطة معقوله ,,

تكفففوووووووووووووووووووووووووووووون ,,
بيضوا وجهي , :037:
وجزااااااااااااااااكم الله خييييييييييييييييييييييييييير :023:

هذي يالغلا برنامج حلو مرة ..

أنا ماستخدمته كله أستخدمت بعض منه .. ونفع مع شعري التاااالف من الصبغات ..

وأسترد نظرته شوي .. وهبط

النظام بنقله مثل ماكتبته صاحبته .. يعني نسخ ولصق .. ويارب تستفيدي منه

اقتباس:

خواتي هذا الموضوع اجتهاد شخصي وتجربه حقيقية لي .. واسال الله ان يجعله في ميزان حسناتي..اللهم امين..

اكيد كثير منكم يعرفونة لانه لااقى صدى طيب في كثير من المنتديات .. لكني حبيت اعيده لاسباب منها انه صياغته كانت غير واضحه .. وقررت اعيد صياغته مره ثانية للفائدة العامة .. بالاضافه الى اني قررت اقاطع الصبغات واول شي سويته صبغته اسود وبريحه وارجع للبرنامج الاكثر من راااااااائع..

اوعدكم اذا التزمتوا راح تحصلون على الاتي :

1- شعر طويل رائع بأذن الله.
2- شعر غليظ باذن الله.
3- لمعه صحيه ونعومه لطيفه .

اليكم جدول العنايه..

1- خلطـــــه الحنـــــه:

- مكونه من حنه ويفضل اليمنيه + صفار بيضة + زيت سمسم + زيت مازولا + زيت خروع + شوي ليمون وماي ورد لزفر البيض + روب + عسل + ماي دافي ..

- تعجن المقادير السابقة مع بعض وتترك تخمر ساعه عالاقل ومرات صراحه اذا مستعجله احطها على طول وتوضع دافيه على الشعر ويلف بنايلون ويترك من 2 الى 3 ساعات ويغسل بالشامبو والبلسم وينشف تماما ونحط عليه زيت لوز ونتركه يوم راحه بالزيت او اذا ماتبين حطي اي كريم شعر مناسب مثل لوريال / صانسيلك / دوف ..اي كريم يناسبك .. مش مهم
( هذي الخلطه للتطويل والتنعيم والتكثيف )

2- خلطــــــة الزيــــوت:

- خلطه مكونه من :
- زيت زيتون + زيت مازولا او عافيه + زيت لوز+ زيت خروع كثري منه + زيت سمسم + اي نوع زيوت عندك حطيه ..ومسجي شعرك ( لاااااااازم مساج ) مسجيه لو كم دقيقه وانتي قدام التلفزيون اوخلي حد يمسجه لك ولفيه بنايلون وخليه ساعتين .. واذا مستعجله انا احطه تحت جهاز البخار حق الصالونات .. وبعدين اغسلي بشامبو وبلسم ... ونشفيه عدل وحطي زيت او كريم شعر يناسبك .

( هذي الخلطة ممتازة لتنعيم وتطويل الشعر)

3- خلطــــــه الروب :

- روب/ زبادي + زيت اي نوع + عسل + صفار بيضه( ممكن الاستغناء عنها بس افضل وجوده) حطيه ولفيه بنايلون ساعه واغسلي بالشامبو والبلسم.. وكالعادة كريم شعر مناسب لك .
( هذي الخلطة روعه لتغذية وتطرية وعلاج الشعر التالف وترد صحته )

4- خلطــــــة السدر:

- كوب ماي دافي + من1 الى 2 ملعقه سدر من نوع جيد ( انا استخدم اليمني) خليه نصف ساعه بالكوب يخمر وحطيه ساعتين على شعرك .. واغسليه بشامبو ونشفيه عدل وبعدين حطي كريم اوزيت.. بس انا افضل تزيتينه .

(ممتازة لوقف التساقط وتنبيت الشعر وتطويله)

اخيرااا وليس اخرااا ..
- بنات لاتجهدون شعركم بالخلطات .. ولحد يقول لي تعب .. مافي شي يجي يالساهل ( واسالوا نفسكم النبات لو ماراعيناه هل ينبت ويطول ؟؟؟ اكيد لاااا..كذلك شعوركم..) وصدقوني لما تشوفون النتيجه بتدعون لي .. ومابي غير دعواتكم بالستر والتوفيق....

- ملاحظات هامه لتسهيل البرنامج:
1- مهم جدا ماتجهدون شعركم..مثلا هذا نموذج جدول يومي:
الجمعه : خلطة الحناء
السبت : راحه (وممكن تزيتيه اذا حسيتيه جاف شوي)
الاحد : خلطة الزيوت
الاثنين : راحـــــــه
الثلاثاء : خلطة السدر
الاربعاء : راحـــــــة
الخميس : خلطة الروب

- والقصد من هذا التسلسل ماتجهدين فروة الشعر ودايما اي خلطة فيها اعشاب حناء .. سدر .. تجفف الشعر فترطبين شعرك بالخلطات الثانية اتمنى فهمتوا .. ومش شرط تلتزمي بنفس التسلسل انتي وظروفك .. ممكن بالاسبوع تختاري بس خلطه .. او تختاري نوع واحد اذا صابغه وماتبي حناء.. براااااحتك ... بس لنتايج سريعه امشي بنفس التسلسل .. واللي تحب ترجع للرابط القديم وترف نتيجته معاي مابي اكرر نفس الكلام .
2- المساج وماداراك مالمساج.. هذا دواء الشعر وعلاجه بس بطريقه صح ومهم يكون براحه اليد او اطراف اصابعك بشرط تحريك الفروة نفسها مش تشدين الشعر باطراف الاصابع.

3- بالنسبه للمقادير غير محدده عندي حسب طول وكثافه شعرك.. ماقدر احدد بس زيدوا زيت الخروع دايما لانه يغلظ ويطول.

- اخر كلامي اتمنى اني وضحت وكفيت .. واتمنى دعواكم بقضاء الدين والستر بالدنيا والاخره ..

اختكم ...حنونه (f)

وإن شاءالله تجدي الفائدة منه