بريدة ستي - ملف الحـوامـل ~ [ ملتقى أمّـهات المستقبل ] :)

بريدة ستي (http://www.buraydahcity.net/vb/index.php)

- عَـالـمــ أنــثـى ~ (http://www.buraydahcity.net/vb/forumdisplay.php?f=73)

- - ملف الحـوامـل ~ [ ملتقى أمّـهات المستقبل ] :) - 1 - (http://www.buraydahcity.net/vb/showthread.php?t=173314)

اقتباس:

المشاركة الأساسية كتبها pink touch (المشاركة 2059156)

مدري ياسمين يسبونهن كثير

ومارفلون يمدحونها بس على حسب وش يناسبك

مشكورة يالغلا
والله محتارة والدكتورة قالت شوفي وش يناسبك من هالثنتين :i121 تخيلي
يعني بعد ما أخذت اشعة ماحددت لي نوع
ياربي اكتب لي الخيرة فيما أختار
ربي يوفقك(f)

ياليت الي جربت النوعين تقولي عنهم
والله محتااااااااااااااااااااااااااااااااااارة

اختي بوح شوفي انا جربت النوعين مارفلون خلان عصبيه صراحه وأخت زوجي وصديقتي جتهن قرحة الرحم منهن
فتركته واستخدمت ياسمين والكل حذرن منهن انهن يسببن ضعف او عقم لكن مارتحت الا لهن ولما تركتهن بنفس الشهر حملت
يعني شي ماحسبت حسابه....

باركولي ...باركو لي,,,صرت خااااااااااله:118:

الحمد لله كما ينبغي لجلال وجهه وعظيم سلطانه,,,

الحمد لله ..الله رزق اختي ولد عسووول وقمر(بعيني طبعآ) ههههه..لكن المشكله ان الدكتوره سوت له
خياطه داخليه وخارجيه.. خمس غرز برا وخمس جوا..(للمعلوميه الولاده طبيعيه) وطلعت من المستشفى ولاكتبت له على غسول ولامرهم:confused: فالله يرضى عليكم الي توه والده وتذكر اسامي الغسول والمرهم لاتبخل علينا وتحتسب الاجر عند الله..

مبرررروووووك يالخـالة .. والحمـدلله على سلامة أختك يالغالية .. ومبروووك الصعنبوووط

تفضلي وإن شاء الله تستفيد أختك وغير أختك : :)

الغسول >>
1 ~ بيتادين مع ملح أو لحاله تحطينه بموية فاترة وتجلس فيه

2 ~ { أرطة + مرة + ملح } مع موية دافية ونفس الشي تسويه غسول

<<< بإذن الله تخيط الجرح وحدة بوحدة ..

..

المرهم >>

1 : فيو سكورت . << مرهم أبو أسد اللي خط برتقالي وأحمر

2 : فيو سيباكت .

<< ماشاء الله مرة كويسات وترى كلها من وصف الدكتورة حقتي :)

..,,..,,..

ملاحظة : فيه طاسة خاصة للغسول تلاقينها بالصيدلية .

وشكرياتي (f)

:)

ياقلبي يابنت الشماسيه الله لايحرمك الاجر ويفتحلك باب رزقه ويخلي لك بنتك العسل
وتراي حاطه عليه عيني لولدي >>>الي يسمعن يقول شايفته...بس عاااد اكيد طيبه ونشميه على الماما

تذكرت...حنا جبنا له ميبو من الصيدليه توقعون ينفع لأن كد سمعت انه حلو لمث هالحالات

اقتباس:

المشاركة الأساسية كتبها أم شهاليل (المشاركة 2062751)

مبروك يالخاااااااله \
وشوفي بيتادين غسول حلو
وميبو انا صرفته الى الدكتوره بس ريحتة معجبتني وغيرته وجبت واحد ثاني كتبه الى الصيدلي واخذته بس ودي اعطيك اسمه بس عجزتن اروح اجيبه :d

اقتباس:

المشاركة الأساسية كتبها &اخت رجال& (المشاركة 2064132)

الله يبارك بعمرك..وعقبال ماصير جده:d
ماسمعتي المثل الي يقول(العجز ابن البقز ابن الفقر ابن الحاجه)بس لاتسألين وش معناه مادري:d
بس عاااد كثر خيرك الف وبارك فيك اغديه الي تقول بنت الشماسيه الله يستر عليكن ماقصرتن..:f:

مرحبا الله يخليكم أنا توي والده لي أسبوع بسأل فيه أكل معين لنفاس ؟؟ يعني وش أكل وش أشرب؟؟ وأبي شي يدخل بطني أنا أول مررره أحمل ؟؟وأبي شي يسمن؟؟لا تبخلون علي تكفون

مبرووووك يالغــالية ,, والحمدلله على سلامتك وسلامة النونو

ليه ماعلمتينا نباااااارك لك ,, وماقلتي لنا وش جبتي :)

شكل أغلب اللي ولدوا هنا مثلي :113: الدعوة أبكار

..,,..,,..

تفضلي وصف كامل لــ 40 يوم النفاس >>

وتراها مني يعني هذي الطريقة اللي سويتها أو بالأصح سوتها أمّي لي ربي يخليها لي ولا يحرمنا منها (h)

..,,..,,..

أول 20 يوم :

الحلبة لهم أو تخلط مع شيء

أيضا تنقعين حلب في موية مغلية تكفي ليوم واحد وتشربين منها على مدار اليوم

لحم ومرقة اللحم ( الإيدام )

مطازيز بحلب

شاي دارسين أو زنجبيل

قهوة قشر تعمل مثل القهوة يضاف لها نونخة ومسمار ودارسين

تسوين غسول ( أرطه مع مره وملح ) و ( بيتادين مع ملح ) << تنوعين بينهم بس الأول أفضل !

تدهنين البطن بكريم زبدة الكاكاو ,, وأهم شيء تدهنين البطن بزيت زيتون يوميا وتربطين بطنك بأي شيء شااااد

..,,..,,..

آخر ٢٠ يوم :

الكبو << مو ضروري تكفي مرة

تمر الرشاد

شاي أعشاب

قهوة قشر وتوابعها

م عسل تخلط مع م رشاد مره باليوم ( الصباح )

استمري على الغسول

أشياء مفيده :

مره أو عنزوت مع القهوة .

تمسحين الجرح بمره بس بعد اسبوعين أقل شيء من الولاده .

انتبهي من الجوع .. ترى النفاس مايصلح تجوع .

خوذي معك حلتيته حطيها بقصديرللمستشفى علشان الشمم .

..,,..,,..

حبيباتي اللي تستفيد من الطريقة هذي تدعي لي بظهر الغيب دعوة المؤمن لأخيه المؤمن :) :f:

دمتم بخير

:)

الحمدلله على سلامتك .مبروك ماجبتي والله يقر عينك فيه ..

حبيبتي نظام فيافي يمدحونه ..

بس فيه أشياء مبآلغ فيها ..

الله يطلعك عروس بعيون زوجك

كيفكن بنات

ابي نصحيتكم لوجه الله افضل مستشفى للولاده بولد فيه هل مستشفى الولاده اوالوفاء او الحبيب او الوطني ودنا كل وحده تكتب اللي تعرفه عشان الاخوات يستفيدن بعد ((ضررووووووووووووووووووووووووري الله يخليكن )

شوفي اختي ولدت بالوفاء قبل يمكن اربع سنوااات وتقوول شي وولدت بالفريح قبل كم شهر وتقوول مااش
احس ان الوفاء احسن ولا الفرق من ناحية التعامل وماتسب الفريح تقول موب شينيين خاصه الدكتوره نوال احسن شي والله يهوون عليتس ويعينتس ..

ادعيلي ربي ييسر لي ويفرج علي

اختي تمدح حق الولاده>>>>وخالتي تمدح الوفاء>>>مير الله يسهل عليك