|
شكرااااا ياامتفائله وان شاء الله يستفيد منه الجميع
الله يجزاك الله خير |
ذكريات حاجه
اهلين بنات بريده حج مبرور وسعيا مشكور مقدما للي حاجه وللي تبي تحج السنه وللي ماعنده نيه نفطنه فقد روي عن علي -رضي الله عنه- أنه قال فيمن تركه وهو قادر: (لا عليه أن يموت يهودياً أو نصرانياً) نبي من خواتنا الخبيرات( الحاجات) يعلمن اللي ماعندهن سالفه للحج ادري بعضكن بتقول بسم الله تونا بس ياله يمديكن تجمعن معلومات كافيه نبي نفيد بعض مثلا : وش اخذتي معك وش نقصت وش اللي اخذتيه وماستفدتي منه بس ضيق عليك وش اللي تمنيتيه وش احسن تروحين مع احد تعرفينه والا لا او احسن انتي وامك والحملات وش يوفرون وش مايوفرون وش نظامهم بالاكل وبالنوم ونبي كل شيء يخص الحج |
اقتباس:
الله يحفظك ويتقبل منك ويسهل أمرك ـــــــــــــــــــــ لي ملاحظة أختي أرجو التكرم ببذكر درجة صحة الحديث ؟!. |
أمــاااااانـة معكم تدخلون .. بسرررعة ضرووووري ..
السلام عليكم ..
أخــبـاركوووووم .. وش علووومكم .. بصراحة انا توي مسجلة بالمنتدى وواجهتني مشكلة وقلت مافيه الا بنات ديرتي يفهمن علي .. مابي ابدأ بمقدمات طويلة ... ببدآ بالسالفة ع طوووول .. طال عمركم سالفتي سالفة مع معلمة المكتبة .. انا بثاني ثانووي / أدبي .. ودااايم احترم المعلمات وماعمري قللت من قيمتهن بس الظاهر ماينفع .. تخيلوا معلمة المكتبة دااايم اشارك عندها ومتفوقة (( وماعمري غلطت عليها )) << وهذا المهم .. الاسبووع اللي راح قالت ابغاك تسوين اذاعة ليوم السبت - الاحد - الاثنين .. انا قلت من عيوني وسويت اذاعة انقليزية بس يوم السبت (( أمس )) صارت عندي ظروووف وجيت متأخرة للمدرسة وهم صافين طوابير .. ولما جيت بارقى فووق مسكتني هي والمديرة .. قالوا وين الاذاعة قلت وش اسوي غصبا عني تاخرت والبنات معاهم الاذاعة كاملة كان بدوا وحذفوا موضوعي .. المهم تركتني واليوم طلعنا بالاذاعة الانقليزية .. واليوووم لما جت الحصة 6 نادتني وقالت ابغى بكرة الاذاعة عن عائشة رضي الله عنها قلت ان شاء الله .. قالت لاتتآخرين عطيها وحدة من البنات قلت انا (( لا لا معليك استاذة بجي بدري ان شاء الله )) << ابغاكم تركزون ع كلامي .. المهم دخلت الفصل وبعدها بشوي بس دخلت وحدة من صديقاتي قالت : وش عندك مع ابلة فلانة ؟؟ قلت : ماعندي شي بس تبغى الاذاعة بكرة .. ليييش .. قالت البنت (( صديقتي )) : وانا راجعة للفصل واول ماطلعت من عندك قالت معلمة المكتبة : (( أوووف ماطيقها تقول لامعليك استاذة ..... )) ولما شافتني سكتت << الكلام لصديقتي .. وربي انصدمت عيوني صارت كذا :eek: والبنت مستحيل تكذب .. بس ليش قالت كذا هذا اسلووب معلمة اجيال .. ماقوول الا الله يخلف عليكم يامعلمين يا متعلمين :i121 << مو كلكم طبعا .. وربي اني مقهوووووووووووووورة منها .. ماعمري غلطت عليها او تاخرت عن حصتها او وقفت عندها ماحليت الواجب :re .. لييييييييش تكرهني :eek5 .. بس تدرون وش بسوي ؟؟؟ بكـــرة بغيب ومابلغت بنات الاذاعة انها تبغاها عن عائشة رضي الله عنها .. عشان تتورط وتتفشل قدام المدرسة كللللللللللللللها .. ويصير مافي اذاعة .. واذا بامها خيييير تقابلني .. الله لايسامحها ولايحللها .. لاتطلعون بدون رد ردوا وطفوا النآآآر اللي بصدري .. بآآآآآآآآآآآآآآآآآآآآآآآي : 12 |
الله يصلح قلبتس غيري الصورة أول قبل يجيك توقيف بعدين نشوف السالفة .. |
.
.. يـــآآقلبي أنتي .. نصيحتي لك لا تصدقين كل كلام ينقآآل لك مآآتدرين هل هو صحيح أو لاا .. ويالغـلاا الكلام الحلو خوذيه والشين خليه .., ولا كأنك سمعتي شيء من زميلتك وألتزمي الــآآدب معهاا وحلي دروسك وسوي كل شيء تقول لك ايآآآه لأنه تبقى معلمه أكبر منك وأدري بمصلحتك .. والله يوفقك (h) |
.
.. حبيبتي شكلك ماتدرين بالقوانين بهالمنتدى .. * ممنوع صور النسساء * .. لذلك يآآآآآقلبي غيري الصورة والتوقيع لايجيك توقيف من الإدارة .. والله يهديك (f) |
اقتباس:
مشكووووورة ياقلبووو .. بس انا مقهوورة مووت منها .. ع العموم الله يسامحها مابي اخذ اثمها .. اقتباس:
والصــور غـــيـــرتــــهــــم ..!! |
الاخت الورده الحمراء مشكوره
فقد سؤل الشيخ ابن باز هل صحيح أن من مات ولم يحج وهو قادر على ذلك يكون نصرانياً أو يهودياً؟ وإذا كان كذلك تقول: فهي فتاة تود أن تؤدي فريضة الحج، ولكن جميع أفراد الأسرة قد أدوا هذه الفريضة عندما كانت صغيرة، فماذا تفعل، تقول: وأنا لا أجد من يحججني، هل علي إثم، وهل على أسرتي إثم في ذلك؟ بسم الله الرحمن الرحيم، الحمد لله، وصلى الله وسلم على رسول الله، وعلى آله وأصحابه ومن اهتدى بهداه، أما بعد: فالحج فريضة على كل مسلم مكلف مستطيع من الرجال والنساء، مرة واحدة في العمرة، لقول الله -جل وعلا-: وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً[آل عمران: 97]، ومن تركه وهو قادر فهو على خطر، فقد روي عن علي -رضي الله عنه- أنه قال فيمن تركه وهو قادر: (لا عليه أن يموت يهودياً أو نصرانياً)، هذا من باب الوعيد، هذا من باب التهديد والوعيد، وإلا فليس بكافر، من تركه ليس بكافر لكنه عاص، إذا ترك الحج وهو يستطيع، تركه تساهلاً فهو عاصٍ، ويروى عن عمر أنه قال: (ما هم بمسلمين ما هم بمسلمين) والنص في ذلك كله للتحذير والترهيب من التساهل، وإلا فالذي ترك الحج وهو مستطيع قد عصى ولكنه ليس بكافر، بل مسلم يصلى عليه ويدفن في مقابر المسلمين، وإذا لم يكن لديك محرم فليس عليك حج، حتى يتيسر نحو أخ أو أب أو عم أو خال، وإذا كان المرأة لا تجد محرماً فلا شيء عليها، والحمد لله. |
أنا حاجه
اي سؤال ترااي حاضره |
فقد روي عن علي -رضي الله عنه- أنه قال فيمن تركه وهو قادر: (لا عليه أن يموت يهودياً أو نصرانياً)
بحثت عن الحديث فيه روايات ضعيفه وفيه روايه لعمر صحيحه والله اعلم |
|
الله يهديك شكلك مندفعه نوعا ما لو نمشي على الكلام الي يجينا لوقفنا مكاننا وفرضا انه صحيح قابليه بالتي هي احسن موفقه .. |
بنوتااااااات افيدوني ...
السلام عليكم ورحمة الله و بركاته ,
بنات ربي يبارك فيكم ... وحده متزوجة تعاني من المشاكل في حياتها الزوجية والحمل وسبق ان اخبرها كثير من الرقاة الشرعيين ان فيها قرينة ...وقالو سحر أمس دخل عليها زوجها وهي مع اولادها وكان نظرها 6 على 6 لكن بس رفعت نظرها لتناظر لزوجها اصيبت بعمى مفاجيء لاترى شيئا :eek5 ً ... و قالوا ان في القصيم شيخ اسمه العبيدي قرائته ممتازة و نفع الله به الكثير ... سؤالي أين يسكن هل في بريده او برا ؟؟؟ و أريــــــــــــــــد رقمه >>> ارجو الافادة بالرقم >>> وجزاكم الله خير |
الله يشفيها يــآرب إن شـآء الله يفيدونك الاعضــآء |
^^^^^^
الرقيه الشرعية قراءة و دعاء بصوت عذب يكشف السحر والعين وأعمال السحره و كيدهم قاتلهم الله الرقية بصيغة mp3 الجزء الأول http://dc27.4shared.com/download/251...a5c/r1-mp3.mp3 الجزء الثانى http://dc27.4shared.com/download/251...fff/r2-mp3.mp3 اسأل الله لها الشفاء العاجل وعليها المداومة بقراءة سورة البقرة كل يوم . |
حبيبتي املي بالله الشيخ العبيدي موجود بحي الشماس هذا اللي اعرفه احاول اجيب لتس الموقع زين الله يشفي مرضاكم
|
حبيبتي املي بالله الشيخ موجود بحي الشماس ببريده الله يشفي مرضاكم
|
مشكورات عزيزاتي
و جزاكم الله خير و بارك فيكم لكن هل ممكن احد يساعدني بالرقم ولكم جزيل الشكر |
صحيح الشيخ موجود باالشماس ومكانه معروف لدى سكان الحي وهو يقرا بعد العصر الله يشفيها يارب
|
شوفي اختي الحالات الحاصه يقرا عليهم بعد المغرب
|
لاحول ولا قوة الا بالله
الله يشفيهاا |
الله يشفيه ويكشيف ضره...
|
مرااااااااااحب يا أحلى بنات
عندي طلبين منكم وياليت ماتكسفوني : سمعت جامعة القصيم طالبين معيدات >> بس ما أدري الخبر هذا جديد ولا قديم ! يعني قفل التقديم ولا باقي ! الشيء الثاني : أبغى منكم أو من اللي عندها خبرة تعطيني تمهيد لسورة عبس حق ثاني ابتدائي >> درس نموذجي >> توحشت |
بنات فيه وحده منكم خطبت ورفضتوا بعدين تحسفت
وده يرجع........؟ |
انصحوني
بسم الله الرحمن الرحيم (:
السلام عليكم ورحمة الله وبركته (: معى عشرةالاف ريال وأبي افتح مشروع فيهم يكون فيه مكسب انصحونى(f) |
وعليكم السلام ورحمة الله وبركاته (f)
والله كل مافكرت لقيت شي يبي أكثر من عشرة يارب يجي أحد ويساعدك ، مالي خبرة (h) |
اقتباس:
بس الحمدلله الخيره فيما اختاره الله .. اذا هو لك بيجي مالك الا نصيبك .. الله يكتب لك الخير ..(h) |
8
8 الله يوفقك دنيا واخره ريحتيني الله يرزق الجميع |
موضوووع خيااال والله (h)
|
اكره الصداقه
السلام عليكم ورحمة الله وبركاته
الصداقة كلمه معناها جميل ولكن تجربتها حلوه وطعمها:bad مر الصداقة هي مصدر ألامان ومصدر الألم والتعب حينا اجلس وحدي وأفكر بصديق ما وحينا التعب من الدنيا وواود أن اشكي والتفت للاجد صديقي قلمي وأفكر أين صديقتي أين نصفي الثاني واعااتبها وتأتي أيام وتمر السنين والتفت واجدها في صداااقة غيري صدمه صدمه:i125 صدمه:i125 صدمه::i125 اااااااااااه ياكم تحملت هذي الصدمة اكررره ألصداقه لأنها منبع الألم ومنبع الحزززن :( |
شفيها اذا صادقت غيرك ؟ قصدك يعني انها قاطعتك؟
|
ايه قاطعتني وخانتني
يعني صادقة اللبنت اللي كانت تقولي انها غريبه والمفروض ماتعرف عنا شيئ:mad: بعدين هي موصديقه لي هذي اخت يعني كل شيئ تعرفه عني مثل مااناماعرف كل شيئ عنها:) بعدين هي ماقاطعتني اعتبرتني غريبه صارت رسميه معاي بكل شيئ:mad: |
تفاهمي معه
|
اختي اناس كلهم تغيرو مو بس الصديقات حتى الخوات والاخوة هذا اخر ازمان انتي حاولي وجاهدي نفسك بحب الله عز وجل ماراح احد ينفعك غيرة اشكي وابكي مع الله صدقيني لو تجربي لرتحتي راحه عجيبه بس اصدقي لان الله يعلم الخفايا الله يوفقك
|
حبيبتي حاولي تتفاهمي معها وتكلميها لوحدها ولكن بأسلوب حلو وبهدووء حاولي تكلميها وتقولي لها اللي بقلبك وتصارحينها وبإذن الله راح تعرفي منهاا وسبب تغيرها المفأجأ ربي يخليكم لبعض ولايفرقكم في يوم(f) |
أســـتــــشـــارة لا هـــنــــتــــم
الــســـلام عــلـــيـــكـــم ورحــمـــة الــلــهــ أعــزائـــي أعـــضــاء الــمــنــتــدى يــــــقــــــال : (مــاخــاب مــن أســتــخــار ولا نــدم مــن أســتــشـــار) ولأســتـــخــارة عــلــي ولأســتــشــارة عـلــيــكــم الــمــوضــوع ومــا فــيــه أنــي أبــســوي عــمــلــيــة تــصــحــيــح وتــجــمــيــل لــلأنــف بــمــســتــشــفــى الــتــخــصــصــي فــي بــريــدة..... والــصــراحــة مــتـــخــوفهــ مــنــه ، لأنــي دائـــم أســمــع عــنــه... وأبــغــا رايــكـــم مــن واقــع تــجــربـــة عــن أطــبــاء قــســمــيــن الأنــف والــتـــجــمـــيـــل فــقــط فــي الــمـــســتـــشــفـــى .... وكــمــان حــابــهــ أعـــرف أســمــاءهــم ....... وجــــــزاكــــــم الــــــلـــــهـــ خــــــيـــــــر الــــــجــــــزاء...... |
ماتشوفين شر حبية والله ارفع لك الموظوع واتمنى البنات يفيدونك سامحيني ماعندي خلفيه
|
والله احلى فستان نعوووووووووووم وهاديه وتكون الوانه تميزك عن غيرك عاد على حسب بشرتك~~الله يهنيكم ياارب
|
اقتباس:
وراتس ياقلبي عايفة عمرتس مالقيت الا التخرصي تزين به :i125 |
اقتباس:
عزيزتي إذا هو نصيبك حتى لو ماكان ودك يبي يرجع .! أعرف وحدة جلست أربع سنوات ترفض الخاطب ولأنه كان نصيبها رجع كذا مرة لين وافقت وتزوجوا . الله يكتب لك مافيه خير لدينك ودنياك ويوفقك يارب (f) |
كيف التعامل معهم ...
السلام عليكم.. بنوتات كيفكم.. اخباااااااااااااركم.. ودي انا قش معكم موضوع.. صراحه انا عاني من ناس كبار تصدق كلام اصغار وتسبب مشاكل كثيره ,,وشحناء بين الزوجين,, وهده تقول ان بنتي قالت عند مرة عمه انه ماما تقول لاتروحين عندها ترها تنظرك :oo:oo وهي بل اصل ماقالت لها امه هذا الكلام,,,لكن الطفله مدري منين جايبه الكلام هذا,, جت مرة العم او زعلت او عصبة :mad::mad::mad: مررررررررره على حماته تقول ليش تقوول عن كذا,, p:p شو ريكم كيف اتعامل مع هذه الشخصيات ... اتمنى الردود المفيده.. سامحوني على وجع روسكم معي.. الكاتبــــــــــــــــــــــــــــــــــــــــــــ ـــــه محبة اهلها (h)(h) |
حبايبي وين ردودكم.......... |
مشكورة على الطرح موضوع قيم...
كثير من النساء تشكي هذا... لكن المشكلة من الكبار إذاكانت عقولهم عقول الصغار... اللة يعين الدنيا تحتاج صبر |
اقتباس:
شكرآآآآآ لمرورك..حبيبتي.. لكن انا اريد حل..لهذه المشكله.. |
الشرهه على الكبار وبعدين الطفل مايتكلم الا اذا هو سامع اسمحي لي بعض الحريم تراها تجرجر الكلام من صغار القوم يعني انتي علمي طفلك انه مايتكلم وحاولي انه مايسمع الا الطيب موفقه .. |
الله يعييين
|
للنقاش إيجابيات 0 سلبيات 0 استراحة ابنك اوزوجك مع اصدقاؤه
أخواتي
كيف نكسب ابنائنا كيف نكسب ازواجنا هل الإستراحة مع الشله لها مساوء هل لها محاسن أبني أو زوجي إذا ذهب للأستراحة هل هو بأمان هل يوجد بالأستراحة ما يغضب الله ويرضي الشيطان |
اقتباس:
على حسب الصحبة اذا كانو مجموعة او حلقة فهم باذن الله بامااان: 12 والله اشوف كثييير من الامهاات مرتاحات بطلعة ابنائهم مع الحلقة لانهم يثقون فيهم |
حبيبتي انتي تاحكمين على سلوك زورجك واخلاقه
فيه احد سوالف وناااسه وفايه ناس الله يهديهمعاى معصيه استوادعيه الله وان شاء الله مع اناس فيهم الخير والله يهدين يااارب |
اللي اشوف ان الوالد الله يطول بعمره مايبغى هالأماكن ابدا ومن شدة خوفه هو وعمي حطوا استراحة في نفس المجمع للشباب والله لايخسر تعبهم , والشي الثاني ان تقدم خاطب سؤال مهم عندهم "لايصير راعي إستراحات" .. + عموما مو كل واحد راعي إستراحات سيئ ولكن يمكن فيه أسباب تخلي بعض الناس ينفرون منه والله أعلم .. |
لاياحبيبتي مو كل من طلع لاستراحات طلع فاسد
يروحون عن انفسهم ويستانسون شوي والله اعرف مطاوعه يطلعون لاستراحات مستاجرينها سنوي اهم شي التاكد من الصحبه لك ودي |
مرحبا بخواتي بنات بريده ستي..
حبيت استشيركم بمشكله مالي الا الله ثم انتووو.. انا صديقتي لنا عشره عمر واللي بيننا مو صداقه وبس الااخوه يعني تعتبرني اختها .. المشكله انه قبل فتره تجيه ضيقه ويضيق صدره يومين وتروح المهم قبل يومين قالت ودي اقولتس شي واخاف تزعلين ومن هالكلام قلت له عادي افتحي قلبك وقولي : قالت ماادري وش فيني نفسيتي تعبانه من دون سبب كذذا حست بالاحساس فجاه تقول كرهت الناس وخاصه انا تقول مااقدر اكلمك اذ كلمتك يجين صياح وتضايق بقوه تقول وهي تصيح تقول ماابيك لاتكلميني ابعدي تقول غصب علي وهي مره متضايق ماتدري وش فيها تقول ودي اكلمك ولاجيت ابي اكلمك اجلس اصيح تقول حالتي حاله وربي ماني عارفه وش اسوي اللي مضيق صدري زود ..انه من دون سبب تقول فجاه كذا .. عاد اقول لاختي السالفه تقول ممكن جتكمن عين او شي من قوه علاقتك به او انك متكلمه عند احد عنه .. حتى ارسلت له رساله قلت له اقري على نفسك واشربي ماء مقري عليه .. او روحي لااحد يقراء عليك بس مو مقتنعه .. قولوا لي وش اسووووي ؟؟ بنات تكفوووون قولوا لي ساعدوني انا مبتعده عنه هالفتره لين ترتاح والله هي بمثابه اختي مااقدر استغني عنه حتى هي ماتقتدر تبعد عني حتى البنات بالكليه معه يقولون ماتاكل ولاتشرب اذ جبنا سيرتك يضيق صدروه وتخنقه العبره ؟؟ وربي حالتي حاله ونفستي تعبانه مقدر اشوفه كذا بروح للكليه ومو قادره اروح ماابي اشوووفها مااتحمل ..:eek5:eek5 انتظر ردودكم الله يخلكم شوروا علي .. |
ياعميرتي انتي ميخالف تحمليه فترهـ وان شاء الله تزين نفسيته وترجعون مثل قبل واحسن بعد
|
مسيتوبالخير
ابخش بالموضوع دوغري احترت مادري وين احط استفساري اكيد سمعتو عن ابر الميزوثيرابي حقات تساقط الشعر انا ابسئلكم تعرفون عياده كويسه ببريده تسويها ويكون شغلهم مضمون .. وياليت اسعارهم اذا عندكم خلفيه.. شاكرررررهـ لكم |
اقتباس:
|
صديقتس يمكن متضايقه من امر او حبت تبعد فتره تسمى فترة نقاهه او يمكن عنده ضروف صحيه اجتماعيه اين كانت المهم انتي لاتضايقين ومن راح من كيفه وكيفه موديه .. خله على كيفه وكيفه يرده
|
اقتباس:
|
اقتباس:
|
اقتباس:
هل أنتِ لاحظتِ عليهم تغيرات بأخلاقهم وبأسلوبهم وطريقة تعاملهم معاك للأسوء , أو للأحسن ؟ |
الله يسعدكم بنات
داخله على الله ثم عليكم وخبري بكم فزاعات يااهلي ياهل بريده انا بتزوج قرررريب ولا اعرف حااااجه نهائيا فلذلك ابغى مستوصف اسنان كويس مع ذكر اسم الدكتوره ومكان تنظيف البشره ايهم افضل مستوصف او مشغل وكوفيره للعرايس تجي للبيت وابغى وحده تدلك وتشيل ومحلات لبيع الفساتين والتيورات والملابس بشكل عااااام وافضل مسكات ومن وين القاهم تكفووووووووووووون طلبتكم ولا تردونن!!! والله اني اكتب وبي العبره |
ايييييييييه نسيت اقولكم
كان عندكم ارقامهم نزلوهم طلبتكم ووش رايكم بام عباس لتدليك واللي عنده رقمه ينزله لي,,, ودمتم بود |
اقتباس:
عندك مستوصف الأسنان أسمه طب الأسره وأسم الدكتوره أميره شغلهم كويس |
صادقات البسي فستان نااعم
|
اقتباس:
مستوصف الاسررره لاتقربينــــه نصيحه مني لك..روحــــي الفليو يمدحون دكتوره روسيه عندهم<بروح له ان شاء الله..والطب الحديث ومستوصف بريده تنظيف بشره ماعندي علم. كوفيرات للعرايس يطلعن للبيت<ريما وأم عبااااده صراحه عن تجرررربه بس لاززززم تأكدين لهن الى قبل العرس بيومين عشان ماينسن ولايواعدن احد غيرك ويتأخرن عليك<همهن مصلحتهن ام ابراهيم <كوفيره سعوديه ,,كثير اللي يمدحه<ماعمري دقيت عليه الا محجوزه متحمسه ودي اشوف شغله دااااااايم مشغووووله<الله يوفقه الشيل يمدحون ام عباس وام خوله<سودانيه طبعآ الفساتين انصحك لاتكثرين خوذي واحد فخم واثنين ناعمااااات بس<عندك العثيم مول فوق<صديقة امي تمدحهم هي رايحه قبل فتره والتيورات نصيحه لك اشتري اثنين فخماااااااااات وشيك<عندك زارا /مانجو وغيررررره من الماركات وخوذي 3 ناعمات على كشخه:d مادري وقت زواجك الحين بالشتاء او اخره على بداية الصيف؟ اذا بدايت الصيف فصلي تيورات ترى افخم لك واكشخ والمسكات انا مره شفت مرايا يسوي مسكه طلب لزبووونه الصراحه حلوه اعجبتني وشغلهم مرتب اي شي انا بالخدمه,,,,وبالتوووووووفيق |
اقتباس:
حبيبتي أنا جتني قريب من الحالة هذي ... اللي يتكلم عندي حتى لو ما يتكلم علي ودي أكفخه ودي أصيح مادري ليش .. أحيان يجين صياح كذا دون سبب .. والحمد لله بديت كل ما صليت ما أقوم من مصلاي إلا أنا قارية وردي ونافخة علي .. وإن حصل تقرأ بمويه وتشرب منه ..وتستغفروتدعي ربها آخر الليل.. الله يعين ع الدنيا , .. |
نسايم ليل الف شكر حبيبتي ..
والله يبعد عنك الكدر يارب مثل ماجبرتي بخاطري ..امين يارب ..ومشكوره على ردك ياقلبي .. مزاجيه الف شكر على ردك وممكن يكون كذا وان شاء الله ترجع زي اول الف شكر حبيبتي كاريزما ..المشكله مو تكره الناس تكرهني انا بس ماتطيق سيرتي ولاجابوا طاريي بس تصيح .. الله يبعد عنه كل سوء ويبعد عنك كل سوء ومشكوره حبيبتي الله يعطيك الف عافيه ماقصرتي الله يخيلك لعين ترحيك ,, |
اقتباس:
|
اقتباس:
السلام عليكم ورحمة الله ماعرف عن الأبر بس موجود الدكتور احمد الربعي ممتاز لشعر بمستشفى سليمان الحبيب زوريه وشوفي وش يقولك موفقه |
اقتباس:
|
وش فيهم الناس الحين مايبون احد ولا يحبون يزرون احد حتى صديقاتي لازم انا ادق عليهم ؟؟
السلام عليكم
اخباركم جميعا بنات والله اني ضايقه بي الوسيعه مادري ليش الحين الناس صاكين بيوتهم ولا يبون احد يجي ولا يجون عندك ؟؟ تصدقون حتى صديقاتي ادق عليهم اصير مبطيه عنهم ادق مايردون علي عاد يطيح وجهي من لفشيله ولا مره ولامرتين ادق ادق كم مره لو هي تبين دقت قالت وش تبين وفشلت من نفسه بس عالم ما تبي احد نفسيات وراهم صاروا الناس كذا ياكافي يعني نكلم الجداران ؟؟؟؟؟ بتقولون فيه نت وتلفزيون بس ولو ما يغني انك تسولفين مع الناس وترفهين عن نفسك بنات من مثلي كذا مجتمعه ما يساعده انه تكون اجتماعيه وتحب تسولف الشكوى لله بس بنات اعذروني ترى النفسيه زفتتتتتتتتتت |
اللـــــي مايبيك لاتبينه يكفيك اهلك وخواتك يغنونك عن الناس كلهم... |
شوفي انا كنت ماقعد ببيتي اروح لحمولتي وصديقاتي واهلي والحين تقريبا اهلي وحمولتي بس بس اما الصديقات تليفون والي بيبك يرد عليك والا اذا شاف رقمك اتصل والي لاهي بسلامته والحمد لله ارتحت واحسن من اول .. |
- مير صايرن محد يبي احد ... بس انتي عامليهم نفس ما يعاملونك ... |
والله صادقه
حتى اذا اتصلت يقولن وراتس قاطعه ودي ادري وراه يصير اللوم علي بس شي يقهر0 اخر شي يوم شفت كذا تركتهن مليت وارتحت0 ليش اتعب على ناس ماتستاهل0 |
اقتباس:
نفس الرد الي ابقوله:cool: |
والله صآدقه يآكنآآآآآآآفه
|
:41
والله صادقه رند انا بس بتحمدلها بسلامه ولاترد مادري وش الدبه الله المستعان بس....... بس وان اختس اذكري ربس وصلي وسمي واستغفري |
لكل بنت ..... الله يوفقك دنيا وآخرة(f) ويسهل دربك ويجعل حياتك سعادة :f: إذا حذفتي صورتك الرمزية ولا التوقيع ألي فيه صورة أرواح ... قسم يضيق صدري من صوركن .... مدري أحس عيب أو مايليق ع البنت المؤدبة الخلوقة مثل هالصور ’’’ حطي فايدة تفيدك دنيا وآخرة ولا طبيعة ولا من هالقبيل أما صور بنات صغار متعريات ‘‘ مايليق بمقامكن أنتن أكبر من كذا(f) بنات ديرتي وأعرفكن مقامكن عالي فوووووووووووق:f: ولا وش رأيكن؟؟: 12 |
كلامك صحيح
ياسريلنكيه الله يهدي الجميع |
اقتباس:
ــــــــــــــــــــــــــــــــــــــــــــــــــ ـــــــــــــــ يا أخيتي جيتي على الجرح يارب أحسه ينزف ينزف . . لكن ! ولعلنا نتفكر في قوله تعالى :{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} أي والله ما يدرى وش الخيرة فيه اللهم حببني إليك وإلى خلقك اللهم كفنا وكف عنا أخيتي أقرئي قراءن وأذكري الله يتوسع صدرك والله يرضينا ويصبرنا على هالدنيا . |
اقتباس:
|
بنات ابي استشريكم وابي رايكم بصراحه اعتبروني اختكم زين و نبهوني و وجهوني تكفون طلبتكم ..
بنات انا نفسي احفظ القرآن بس ظروفي ما تسمح اني اسجل بدار التحفيظ .. وسمعت ان فيه مواقع لتحفيظ اقرآن بالنت يعني ويكون التسميع فيها صوتي مع وحده بنت والموقع يملكونه رجال .. وش رايكم فيهم تحسون انه زين وإلا فيه شي .. تكفون بنات انتظر ردكم وتوجيهاتكم .. |
ماله داعي تفتحين لنفسك باب..
الحل وانا اختك اشتري لك مجلد اشرطة الحذيفي واسمعيه ثم راجعي لنفسك ..وان شاءالله تبي تتحسن قرائتك.. ا |
رجاوي
قبل ماتسجلين تأكدي من أن الموقع مضمون وكل القائمين عليه أهل علم وصلاح ؛ ولا تنسين الإستخارة قبل كل شيء والأفضل إنك تحفظين بالبيت أو تطلبين من أحد خواتك أو أقاربك أنهم يقومون بالتسميع لك . ( إن كنتِ من أهل الرياض أعرف دار تحفيظ يسمعون لك بالبيت وبالوقت اللي تبينه إن بغيتِ الرقم أرسلته لك ) الله يوفقك وييسر لك حفظ كتابه ويجعله شاهد لك لا عليك يارب (h)(f) |
اختي ..سرلنكيه .. الله يجزاك خير ويقبل منك ..
سماوة الخيال الله يجزاك خير ما قصرتي يا الغلا .. القلب الوردي جزاك الله خير .. بس انا من بريده ،، والله يوفقكم كلكم ما قصرتوا .. بس بصراحه حلوه فكرتهم انهم يسمعون للوحده وهي بالبيت الله يجزاهم خير ، يارب تتسهل .. |
بنات اسمعوا قصتي وعطون رأئيكم أرجوكم
بنات شوفو يحبيلكم ابدخل بالموضوع علىطول بدون مقدمات يس ابي رايكم ومشورتكم
ومساعدتك كل ذولي ابيهن:d وولاتبخلوا علي شوفوا الله يسلمكم هذي وحده والواحد الله سبحانه اعرفها عنده مرة ولد معلمه ساكنه عندها دائما تشكي منها وتسبها بكل مكان الشكوى لله:oo كانت تقول عنها انها مابه خير ولا عمرها جلست معي وسولفت علي دائما ماشوفها ابد دايما مشغوله بالليل ماغير تكرف بالبيت من كنس ومسح وغسل وكوي لاوأحيانا تطبخ عشاء أو تجيبه من المطعم كرم الله النعمه !!ولا قلت لها خلاص اجلسي معي قالت أبروح انطف غرفتي ياخاله لا والغداء تصدقين عاد انها تشب عليه من الليل تشب على الحمه وتسكرعليه وتحطه بالثلاجه ولاصار هالفجر قامت وحطت لي الشاي والقهوه بالمجلس وراحت تحسبن حالمتن به ابي وحده تجلس معي توسع صدري تسولف معي بس مخليتن لحالي تقل جنيه حسبي الله عليه لا وهالطخمه الدبشه رجله مخليها على كيفه وماعمره قالها شي:oo وماغير تسب بهالمعلمه المسكينه بكل مجلس وتحذر من المعلمات اصحوا تخذون مدرسه والله ان تندمون وتقول خلاص قضيت منهن والله ان شاءالله ماخذ لولدي ألا وحده ماتعلمت أوطبت المدارس وكان عندها ولدين ماتزوجوا وأنا مادري وش اقوله بس تسبدي تفرك وانا اسمع كلامه عن مرة ولدها المسكينه ! كنت مانب وحدي كانت معي مجموعه حريم وتعرفون هي مرأه كبيره وكنت أخذتها على قد تفكيرها وعاد شوفو هاذي الزبده:confused: أعرس ولده الثاني أخذ وحده ماكملت تعليمه والمعلمه طلعت عنهم لان البيت كان صغير ولا له مكان وولدها الثاني اللي أعرس كان على قد حاله لذلك طلع ولده الاول وسكن الثاني مكانه وكانت الام مستانسه وفرحه أنهم طلعوا:d وراح كم شهر وبدت الام تشكي من مرة ولدها الثاني يااااااربييييه:i125 تقول وسخه ماعمره نظفت البيت والا عمره طبخت اوطبت المطبخ؟ ماغير تأخذ اكله بغرفته ولا نشدت عن احد!! ولاصار الضحي نزلت أخذت كوب ماء حار وحطت به لبتن ورقت لغرفته والبيت مسطبل وسخ !وفعلا كان كل من زاره لاحض وساخة بيته واول كان دائم يلمع ؟؟؟؟؟ والحين يا اخواتي وش السواة ودي أقوله شفتي هذه حوبة مرة ولدك المعلمه ودي اقوله وطقة بوجهه بس مستحيه وابي رائيكم كان عندكم رأي ثاني أقوله لها وبرد تسبدي:d |
الله يعين مااااراح يودينا لهاالنار الاهو اللسان
اغتابتها وبهتتها ايش استفادت نقص من حسناتها فقط عموما اغلب الخالات كذا نقدر نقول غيره قلت اغلبهم والا البعض ماشاء الله عليهن لا انصحك قولي لها تسكت ع الثنتين لاتجي وحده اوسخ منهن الثنتين هههه |
هذا الله يعينها على نفسه ولسانه
ياحول بنت الحلال تكرف بالليل والنهار ومالقت شكر سبحان الله ربي عاقبه |
احس انه قصة قصيرة مدري وش تحسين فيه تحولين تشوهين امهاتنا خفي من العقوبه بلاش قصص خرافه انتي عندك مشكلة مع ام زوجك حليها اعتقد انه رايي الخاص بعدين المعلمة او الاميه كلنا واحد كل شي يرجع التربية
|
لاحول ولاقوة الابالله وش هالمره اللي مايعجبه العجب ولاصيام رجب:eek5 شوفي حبيبتي لادخلين نفستس بمشاكل انتي مالت دخل به خليتس بعيده عن المشاكل احسن لتس:) والله يعين حريم عياله عليه:d |
ههههههههههههههههههههههههه يَ ــآلبى العجز خخخخخ قسم انهن نكته بس بعض المـرآآت صدز ودتس تكووفنينه من القهر ماعندي راااي<<شوله داخله اجل لا بس من جد العجز ازين شي انتس تسكتين ولاتقولين شي خليه تحتسي لين تمل وانتي سلكي له لان العجووز مستحييل يعجبه شي واذا اعجبه يومين وتقوم سب فيه . |
اقتباس:
الله يسامحك يام:eek: والله ما نيّت اشوه سمعة امهاتنا ولاشي أمهاتنا هن الخير والبركه أن شاءالله تكون هذه الام من الحالات النادره واكيد انك بنوته لسى ما عاصرتي الحياه;) |
لاوالله فشليه ها العجوز الي ما تستحي ولاتخاف من الله
قولي له انتي ما يعجبتس العجب يا خاله |
انصحك ما تقوليلة شي بعدين تراه بتقلب عليتس تعرفين عاد الحريم الكبار
|
مشكورات اخواتي جميعا على مروركم العطر
الله يعين انا أباشوف هالام نهايه الاسبوع ودي تشجعوني على شي اقوله لها وانصحها الله يهديها قولوا امين |
لاحول ولاقوه الابالله
انشاء تكون من الامهات النادره لان الغلب يكون حبوبات وطيبات وانشاء تقبل نصيحتك |
الله مايطق بعصا المعلمه كانت قايمه بواجبها كاملا بيتها واهل زوجها ومدرستها وكانت مو عاجبه والحين تطق راسها بالندامه لا والله عاقبها ويكفي هذا ماتعرف اقديري الا الين تجرب غيري .. |
لاتقولين لها شي لانها تعرف ولكن لديها الكبر يمنعها من الاعتراف وباين انها تحب السبه الله يعافيها ولا يبلانا .. |
ياوخيتي خليتس على الصامت وش لتس تتدخلين بخلق الله :022: هاه يوم تسب بالحرمة الأولى مارديتي عليه :02: والحين بتقولين له تستاهلين خخخخخخخخخخخ ياحبتس للشر :116::052: نصيحة ياحلوه إذا جابت سيرتهن اذكري الله بصوت عالي وطلعي من رأستس حي الله سالفة :090: وبتكسبين إن شاء الله كحشة حسنات رديتي غيبة مسلمة والله يهدينا ويهدي لنا :110::110::118: |
| الساعة الآن +4: 05:38 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.