|
جيدا / ياخي مشكلة راعين الدداسن ..! إلا واحد وش حليله ، مرة رجعت معه من البر :D أذكر واحد من أخوياي القدما ، وهو من أعضاء المنتدى بس ماودي أفضحه ، كان معه كابرس يوحّش ، و شبهة ، إذا دق واحد بوري أول ما تفتح الإشارة ، يجي و يوقف ولا يمشي <== إيقاله من باب التأديب الله يجزاه خير .. فإذا صارت الإشارة حمرا ، حرّك خوينا . فلذلك خل الناس على كيفهم ، و اللي ما تجوز لك سواقته رح و خله ، يما أسقط عليه ووخر عنه ، و لا خله يسقط عليك و يروح عنك ، ولا أطلع من الشارع اللي هو فيه ، ولا شف لك صرفة ، لأن بعض العالم لو تبتل تحارشهم يجيبون شي أردى منك .. ماله داعي يوقف واحد عليك ، و يقول لك [كم التاريخ ؟ ] :102: همن عاد سلدز :113: |
مدحت شوقي بريده / هلا أبو إبراهيم ، بعض الناس هوايته المفضلة الجلوس على المرتبة ، و إن كان تبي الصدز عاد ، أنا ما أعرف أكلم إلا و أنا أسوق ، بس عاد مهب على حساب الثانين ، يعني لا صار الواحد ماسك خط ما حوله أحد .. و الحين يوم انك تمثّل باللي ينخجر بخشمه ، مالقيت إلا هالمثل يالشين ..؟. :( الله يحوم تسبد الظالم ..:S |
بريدة العز / ههه أجل قابل الصراخ بالصراخ تسلم ، أذكر مرة شايب يرجع ريوس مير يضف جنب موتري و أنا راكب بالسيارة وهو واقفة ، مير يقدم و يفتح الدريشة ، و يقول : الله يهديك وراه ما تشوف أنت أو تضرب بوري على الأقل :113: الله يعظم أجرهـ و ين يبي ....؟ حالتن روحه بالمرتبه اللي بجنبه ، و رقبته آخذتن له لفتين من قوة الالتفات ، و آخرته أنا اللي ما أشوف ...! عاد ما تقدر تقول شي ، و احد كبر أبوكـ .. شكراً ليكـ ..، |
من صفات عباد الرحمن أنهم يمشون على الارض هونا أي هوالرفق والسكون كما قال تعالى: "و عباد الرحمن الذين يمشون على الأرض هونا و إذا خاطبهم الجاهلون قالوا سلاما" [الفرقان: 63]. |
شايب بـريدة / يالله حسن الخاتمة يا خال ،، مير تبي الصدز .. لو يسحبون منك السيارة كان أزين لك و أزين للمسلمين .. خاصةً إذا ثبت تلف بعض الأعضاء .. كالعيون .. و المفروض لا خطمت على واحد أنه يقدر ظروفك ، و يستشعر أنك ترقل أنت و مو ترك مع كل شنق .. جزاك الله خير على المشاركة . |
وشو اللي يرقل ............ تراي نشيط وما هنا انشط من الا جارنا اليمني ............ مير صدز ترا الرجل الشايب فتزديره وفي خلاقينه النشاط العظيم ...............
|
الفارس الملثم / حياكـ الله حبيبي .. الله يجزاهـ خير شيخك ، و الحقيقة فيه ناس قدوات عندنا بقيادتهم و تعاملهم مع الناس و تسامحهم ، تستغرب و تعجب من طيبتهم ، و حلمهم . و فيه ناس ودك تسحب منه السيارة ، و لا تعطيه سيارهـ بدون بوري .. شكراً ليكـ ،،، |
اقتباس:
كلش ولا التاريخ .. :113: |
المشكلة في السب والشتم أثناء القيادة ,,
ومشكور أخوي وتقبل مروري على الموضوع الرائع |
وحيد الخلان / عيّن خير يارجال ، أنا مرة واقف بموقف صحيح و نظامي و قاعدن بموتري مؤدب ، ما دريت إلا اللي يضف موتري طاااااخ ..:eek: و أثره شايب صادمن و نازل يهوش ..!:mad: وش تسوي عاد .. شييكرن :) |
غريب الطبايع / إضافةٌ ضافية ، بارك الله فيك . جعلنا الله و إياكـ من عباد الرحمن . |
اقتباس:
اترك عنك..والله ياهو قلق الصراحه..لا وما عندك أحد..الواحد يسد على هالعالم..ولا تسنه دري عن أحد.. لكن اترك عنك والله ياهو مطعم..:41 |
اقتباس:
|
شايب بـريدة / الله يحسن لنا و لك الختام ياخال .. إيه نشيط همن ما ندري إلا فيوزك فاصلة . |
| الساعة الآن +4: 02:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.