|
" فاظفر بذات الدين تربت يدك "
الزين والملح كلها فترة وتزول . . . بس الدين هو الباقي وهي التربية لأولادك إن شاء الله . |
هههههههههههههه ضحكتني يامطاول وانا محتار
( اخيي اهواك) اعجبني ردك جدا وحسيت انك قربت لي الصورة بإسلوبك المميز وغطيت على بنات حوا بتوصيل الفكرة صدق انهن حيرني زيادة عجزت امسك لهن جادة فأشكرك اخوي اهواك بس للحين ما انطحنت الحبة اللي براسي بالنسبة لتسائلي : هل يمكن الاقي وحده كوكتيل مزيونه ومملوحه في آن واحد ؟ |
[frame="14 70"]المملوحة عادتا تكون خفيفه دم وحبوبه بينما على العكس المزيونه تكون مغروره وثقيلة طينه وانا اقول اهم شي الاخلاق [/frame] |
اشكرك اخوي( مغربي) بس وش نسوي ناخذ شيفه علشان تكون متواضعه
واشكرك جزيل الشكر اخوي( ابومحمد النجدي) لتعاطفك مع موضوعي مما يدل على سعة افقك وخبرتك بالحياة لكن ارجع واقول مشكله اشوف كم وحده ولا يجوزن لي وتركهن احس ان فيها تحطيم لهن انتظر مزيد من التوضيح ومزيد من الفروق |
المهـــــــــــــــــــــــــــم
إميمتك تكون مرتاحة لها والله من بنت وبنت الله يهديهن فرقن أزواجهن عن أهلهم وبالذات أمه شي نشوفة قدام عيوننا بس الله يهدي بنات المسلمين وأزواجهن بعد رديت ثانية من كثر ما أدخل للموضوع . الله يوفق الجميع |
ســـــفـــــيـــــر الــــــشــــــمـــــال والله إنك جبتها ع الجرح , يا أخوي أنا ما أبغى مزيونه أو مملوحه أنا أبغى وحدةٍ تنقل لي المعلومة الصحيحة ... إن قالت وحده البنت مافيه مثلها قالت الثانيه لا مو من زينه والعكس , وفي النهاية أنا اللي ضايع . وبيني وبينك ودك ما تطق أي باب إلا أنت متواسي , لكن وشلون تبي تزين أمورك وأنت متكل على حريم... . قل آمين الله يرزقك بثنتين وحده مملوحه ووحده مزيونه :rolleyes:. دمت مزيوناً ومملوحاً :). |
موشرط المزيونه تجذبك أحيانإ تكون
ملامحها حاده أما المملوحه تجذبك بكل شي يعني تكون خفيفه صمم على المملوحه وانا أختك الله يوفقك |
شف عااااااااااااد يالبي .. انا اعلمك .. <<((== جاك عاااد هالمالغ .. الله من ثقل الدم .. يابعدي اذا قالو لك مزيونة .. فطقطق نعيالاتك وادعسهن حدر اباطك ودرعم لبيتكم .. لأنه تبي تشغلك .. كل ماراحت لعزيمة اوعرس جت تقولك .. وع والله هالناااااااااس كلهم كشابير .. والا بنت الفلاان والله انه ياويلي ( نعمة ) مسيكينة مادري وشلون طايرن به رجله .. شايفتن روحه على باله عائشة الكيلااااااني هاللحين .. واذا قالولك مملوحة .. اويلــــــــــيه بس .. عض عليه بالنواجذ يالبي .. المملوحة به خفت دم خيااااااااااااااااااااااال .. ولاتخلى من الزين .. وتلقى مبسمة بتلة ضحوك .. واذا جزمت يالبي فعليك ( بالشقة ) ترااااااهن كلهن مملوحات .. لأنهم يقولون ان الانسان يتأثر بالبيئة .. والشقة ارضه كله ملح .. يعني اهله مملوحين .. ماغير محاتسيك اللي كشبارة بس .. تصدق يالبي ان ابوي يقول نبي نزوجك رجااااااااااال .. حراااااااااااام نظلم بنات النااااااااااااس .. ياوليدي وحنا اهلك محومن تسبودنا من شينك .. وشلون عاااد اللي تبي تآخذك .. وسلاااااااام يالبي .. سي يو .. |
يقولون إذا سئل الرجال عن زوجته وقال : أهم شيء الأخلاق فاعلم أن امرأته شيفة :d.
أخي العزيز : الزملاء ذكروا ما فيه الكفاية , وأنا في ظني أنه يغلب على مجتمعنا الملاحة دون الجمال , أما في سوريا مثلاً ففيهن الجمال( في الغالب ) لكن ( يمدحون ثقل الطينة بهن ). وسأورد لك قصة طريفة من التاريخ ( إن صحت ) : اجتمعت سكينة بنت الحسين مع عائشة بنت طلحة , وكانتا من أجمل نساء زمانهن , فاختصمتا : أيهن أجمل ؟؟ فقالت إحداهن : يحكم بيننا عبد الله بن أبي عتيق ( جده أبو بكرالصديق ) فقال : سكينة أملح , وعائشة أجمل , فقالت سكينة : لقد حكم لي عليكِ . عاد أنت افهم المقصود من القصة . |
كلمتان إذا اجتمعا افترقا وإذا افترق اجتمعا وافهمها يا فهيم |
والله يا هاللي يتشرط إنه موب معرس
ياخي إعرس وفكنا تمصعو الأعضاء من الحلول.. أنا بس هذي ثالث مشاركة لي غصب علي . |
هههههههههههههههههههههههههههه ..
الموضوع حمااااس .. :113: البلا أن الغالبية يرون أن البياض هو الجمال .. فلانة ماشاء الله بيضن كله ملح .. واذا جيت للحقيقة تشوفه عادية لكن بياضه غطى على الاعتيادية اللي به .. |
وش يبي هاذا :.
أحسبة صادق واثرة ينكت ...,,, |
احمدوا ربكم ،، انتم تتخيرون على كيفكم
المشكله حنا اللي مجبورين باللي يتقدمون لنا ........ عاد كل بنت وحظها!!!! والبنت تستحي تسأل عن أوصاف خطيبها بشكل دقيق ،، واذا جت الشوفه ماتشوف زين وفي يوم العرس تنصدم المسكينه......... !!!! الله يكون بعوننا وعونكم وفقك الله |
| الساعة الآن +4: 06:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.