|
أغلب الكفلاء من مرتزقة الشعب وحراميته وسفلة المجتمع وأكبر عاطل عن العمل يكفية 500 بالشهر سواء جابها العامل من حلال أو حرام لذلك ما يصيرون شيء دايم طرارين وفقراء طول حياتهم يتاجرون بعرق الناس من عماله ويحرمون الشباب من العمل بمضايقتهم بعمالتهم في الاسواق\\
"إن ربك لبلمرصاد" |
صدق من قال بريدة ديرة الحسد !!
يا جماعة عيب عليكم والله عيب خلو عنكم الحسد وش الفرق بين السعودي والباكستاني !؟ تقول الفرق كبير؟ نعم الفرق كبير الباكستاني اشتغل وحصل رزقه والسعودي ماغير يتبطح في بيته مابين نوم وسهر روحوا شوفوا الدائري والصفراء منهم اللي يدورون هناك منهم ؟ باكستانيين على الدداسن والا ربعك هالشباب اللي مالقى والي على جيوب ومواتر بمائات الالوف والله حالة يارب لا تعاقبنا اتركوا الحسد والعياذ بالله اتركوه والله ماعمري سمعت أحد من اللي يشتغلون بالتمر يقول انه مالقى شغل هالسنة علشان الباكستانيين الا حسود مثلكم الله يهديكم بس احميتوا كبدي |
^
يا أخي غلطت عل بريدة كلها علشان كم شخص؟ وإن أصريت على ذلك فأنت لا تقل عن الحاسد بشيء والتعميم ......... أرجو أن تنتبه لذلك عزيزي وشكراً لك .. |
موسم التمور
|
الله يرزقهم، كل واحد يفسر عن ذرعانه ويشتغل.
السعودي محد منعه من الشغل لكن الكسل خلاه ينام ببيتهم ويبي راتب ووظيفة مكتبية ومكيف! أما الباكستاني فهو يشتغل ليل نهار علشان يجيب لقمة العيش. الله يرزقهم الرزق الحلال أهم شيء إنهم يشتغلون. الواحد منا ما يبي يشتغل ولا يبي الناس تشتغل. :) |
حياالله الأخوة جميعا
بعد تأمل بالردود وجد أن هناك معارض لعمل الباكستاني واعتبر خيرات بلادي له وآخرون يعتبرون هذا حسدا لهم وأقول أحبتي الكرام إن العمال الباكستانيين لم يقوموا بهذا العمل إلا بمباركة من صاحب المزرعة ولا يلام لأنه يبحث عن مصلحته الخاصة أما شبابنا فهم كما قال البعض أن بعضهم سهر ودوران ونوم فكيف تريد منهم العمل ؟؟؟ وأذكر أن أحد الزملاء قدم لابن عمه قرضا حسنا مقداره 40000 وقال اشتر بهذه ثمر هذه المزرعة واجلب للسوق وكلها أقل من شهر وانت مصفي لك أقل شي عشرين ألف ولكن العمل يبيك ماتنام بعد صلاة الفجر وتتابع العمال وتودي للسوق وكل هذا التسهيلات رفض وآثر الراحة على هذا الرزق الحلال . وما أقول إلا الله يهدي شبابنا وبالمقابل حتى لا نعمم على شبابنا هناك فئة تعمل بالخضرة ماشاء الله عليهم عملا ليس هينا وفي عدة مجالات تجدهم متواجدون 0 |
أخ بس أخ
مانهبنا غير العماله مهنا شي إلا ودخلو بوه اخسو حتى سوق التمر ادخلو بوه اويليه بس لو لي بالامر شي والله ما اخلي ولا اجنبي بالديره لكن هين يبي يجي اليوم اللي يطردون بوه إنشاء الله ماعلى الله بعيد اما بالنسبه للي يقول المجال مفتوح للشباب اقوله هذولا خلو مجال مفتوح والله انهم حتى بسوق الخضره آكلين الرزق اخ الباكستانيه مانقول بهم شي مانقول غير عسى الله يوفقهم انا منغث ومنقهر من البنقاليه اوسخ شعب بالعالم ابي الاراضي السعوديه خاليه من البنقالية جميع انواع الفساد والاجرام في العالم داخل البيت البنقالي والمشكلة اننا كلنا نعلم بذالك ونأتي بهم من بلادهم وفي الاخير اتمنى ان نحتفل بآخر بنقالي كما احتفلت الكويت والسلآم عليكم ورحمة الله وبركاته |
الله يرزقهم تراهم مسلمين وراهم عوائل وبيوت مع الغربة والتعب نقول الله يرزقهم
|
الصراحة الصورة مخيفة
ثانياً: لمن يقول السعودي لايريد العمل أقول: كيف تبيه يعمل والأجنبي يقف له بكل شارع بمعنى أقرب وضوحاً البكستاني يكفيه مكسب خمسة ريالات أما أنت كسعودي فمصاريفك لاتقبل بأن يكفيك مكسب خمسة ريالات بهذه الطريقة تضطر للهرب من السوق المشكلة أن بعض الشعب يخون بعضهم الآخر فصاحب المزرعة يبيع على الأجنبي مع أن ذلك ممنوع والفيز صارت موضة والعمالة السائبة تجوب المكان وانظر شارع الخالدية والخبيب والسوق ممتلئ عمالة لاتدع لك مجالاً لذلك الأمر جداً خطير والآن الأجانب بدأو برفع أخشمهم وذلك بإيعاز وحيثيات ولم يأتي من فراغ اللهم احمنا |
ياخووووووووووي خلهم يترزقون الله !!!! واسأل أهل المزااارع .... مايجيهم يشتري المزرعة ويتكفل فيها إلا الباكستانية !! صح شئ يقهر ... لكن وش نسوي !! دام ( ابن البلد : ساهر للصبح ونوووووم لين العصر) وإن كنت أتمنى سعودتها مثل سوق الخضار !!!( بدااال بكستنة سوق التمر !!! ) |
اقتباس:
ب200ال والونيت بنباع من اول يوم بالموسم الله يرزقنا واياهم |
والله شكلي ابتوكل على الله واشتغل بالتمر هالموسم :) وش رايكم ؟ بالنسبه للباكستانيين لو بيدي كان خليتهم يشتغلون لكن بنسبه !!! يعني يكون منظمه من قبل الامانه على الاقل ياخذون مبالغ ليس كما هو الحال الان .. بالتوفيق للجميع ،، |
اقتباس:
طـــيب ويـــن شبـــــاب السعــــــــودية والله كلام سهر ودوران بشوراع ونصب السيارات أغلب الكفلاء من مرتزقة الشعب وحراميته وسفلة المجتمع وبعد أنا في هذه معـــك |
وشبهم البكستانين والله ان بعضهم احسن من السعودي <<< بالامانه وبعدين من قالك انه مابه سعوديين شف السوق مليان شباب وشيبان يبعون وبعدين ياحبيبي السعودي الي عنده مزرعة تصير كافية لاهل للعمان وخواله واصدقائه << طبعا يبيع مايوزع والعمان والخوال هم الي يشجعونه ويشرون منه انا الحين ابوي وعمي وخالي يشرون من ولد عمتي معن المزرعة تسبيره بس كافين يبيع على الي عرفهم |
| الساعة الآن +4: 02:51 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.