|
مرحباً
شياب بريده الله يخليهم لنا حصلو الأموال من كد وتعب يعني ماطلعو على هالدنيا وهم عيال عز إذا ماركب سياره زينه أو سكن بقصر هذا لالالا يعني أنه بخيل لأن من وجهة نظره يكفي يأكل أحسن أكل وعياله يلبسون لبس ممتاز ويسكن بيت مريح الباقي عند الشياب شيء ثانوي أبدا ماتعنيهم المظاهر هذي عقليته الي تربى عليه دائما يفكرون فقط بألاولويات ومو غلط إذا توفى ترك أمواله لعياله هذا الرسول عليه الصلاة والسلام حثنا عليه وهي سنة الحياة إشاره ( ياشين ) لازم نختار لفظ احسن لأن هذا ابوي و ابوك و جدي وجدك ويمكن تصيرون زيهم بالمستقبل من يدري كل انسان افكاره قابله للتغيير__________________ |
يا توست ...
ليس فقط في بريده اطلع برى وناظر الناس |
اقتباس:
لا ليس هو الاستمتاع ولو ترجع للموضوع وتعيد قراءته تجد اني ذكرت ايضاً الاكل والملبس المشرب وكل ذلك ايضاً كمثال ولكن انت اقتبست قصر وسياره .. ابوراشد اشكر حضورك . |
اقتباس:
نعم الله يطول بأعمارهم ويخليهم لنا .ولاننكر انهم حصلوا على تلك الأموال من تعب وكد ولكن الأكثر منهم بخيــــــــل , ومن قالك انهم يأكلون احسن اكــــــل ويلبسون احسن لبس والله ثم والله اني اعرف كثير يملكون الملايين ولايأكل غير الدجاج ولايلبس الا ارخص لبس واولاده بدون عمل وحالتهم حاله , برأيك ماذا نطلق على من يفعل هذا . انا بالنسبه لي اعتبر انه غلط مايعمله ومن ثم يأتون ابناءه بعد وفاته ويلعبون بالأموال لأنهم حرموا منها سنين ,وبغمضة عين يلعبون بتلك المال لأنهم لم يتعبوا فيه ... (ياشين) هي تنطبق على الغني البخيل . هل تريد ان اقول يازينهم . لو قلتها سيخالفني الكثير . |
ترى الحالة شاذهـ . . والشاذ لاحكمـ لهـ , , ,
وكمـ يعجبني تاجر ينفع بلدهـ . . . كما هو ظاهر في بريدهـ من بعضهمـ |
اقتباس:
ولكـــــــــن اعتقد ان هذه الظاهره انتشارها ببريده اكثر بكثير من غيرها ..والكثير يوافقني لأن هذا الشئ نشاهدها امامنا وليس يقال. طلعنا برا وشفنا الرياض فخامه مابعده فخامه من تجارها وجده مثل وقس على ذلك كثير . |
يا توست يعطيهن ولدهـ يروح يلعب بهن بديار برى أو يشتري لولدهـ سيارهـ ويقلب فيها ويموت يا أخي كل وآحد وقناعته وتفكيرهـ ويمكن يجي اليوم اللي يستخدمونهن لو حصل شي وقدر الله ما تدري ترى الدنيا توحش .
يكفي أنه يزوج ولدهـ ويسكنه معه أو يشتري له بيت وأذا ما سوا لولدهـ شي فيه مثل يقول . ليس الفتى من قال هذا أبي ولكن الفتى من قال هذآ أنا.... يعني فسر كمومك وكد بنفسك زي أبوك علشان تطلع فلوس وشرط لو تتعب بنفسك ما عطيت عيالك ولا تقيس على أهل الرياض لأنه فيه فرق بين ناس تتعب بفلوسها وبين ناس الفلوس جتهم وهم جالسين بدون تعب . الله يخلي كلن له أبوهـ سواء صقير أو يأكل دجاج أو يأكل أندومي ما دآم انه مهوب يشحذ وعياله يلقون اللي يأكلونه الحمد لله هذا بحد ذاته كافي. أتعب وكد وبيفرجه ربك وفلوس اللي تسميهم بخيلين بيرجعن لعيالهم خلهم زاهدين وما تدري عن دواخلهم يمكن يتبرعون لناس ويطعمون الفقراء واليتامى . أنت لو تكتب عن البنوك والملايين والمليارات الي فيها ولا شفنا مشاريع لهم ولا شي يمكن أحسن بس تبي تزاحم الناس على فلوسه مو منطق !! الله يرزقنا من وآسع فضله ولا وقفت على أبوي انه يعطين أو قريبي التاجر . |
السلام عليكم:
حيا الله توست حيا الله حبيب قلبي ما قد قلت لك من قبل والله يا أنا أستانس إذا شفت مواضيعك على طول أنقز وأدخل الموضوع أشوف توستوه حبيب قلبي وش كاتب، ومثل ما قلت لك قبل في رد سابق على أحد مواضيعك إن مواضيعك دائم على الوتر الحساس، وبعدين تعال وين الناس وش القطاعة هذي من زمان ما شفناك على ( msn) لا تطول علينا أنتظرك يا بعدهم، المهم أرجع لموضوعك حبيب قلبي وأقول: هذا الموضوع دائم أتناقش فيه أنا وزملائي، فأقول لزملائي الحين هالتاجر يكنز هالدراهم عساه الصلاح وما أدري وش يستفيد إذا كنزهن، تلقى المظهر الله بالخير والله أحياناً إنك تلقى الواحد مظهره تقول هالحين هذا بيطلع وبيشحذ المسلمين وهو عنده قروش الدنيا، أنا ما أدري يكنزهن يبي يأخذهن معه للقبر إذا مات غربية أمر هالتجار، تلقى عنده ملايين بالهبل طيب أيها التاجر هل أخفيت هذه الدراهم علشان تخاف إنك تصير فقير!! طيب عيش نفسك وعيالك شوي خلك مظهرك ومظهرهم على الأقل زين اشتر سيارة زينة لك واشتر لهم سيارات زينة بسعر معقول ما قلنا حنا خلك مسرف وهالإسراف يصل إلى حد الفشخره وحب الظهور بالمظاهر، وإذا شرا الواحد لنفسه وعياله يكون بحدود المعقول ولا مانع أن يكون منزل هذا التاجر جميلاً المهم ألا يكون مبالغ فيه ( إن الله يحب أن يرى نعمته عل عبده). أخي توست: المشكلة أحياناً إنك تقول للتاجر مثلاً المسجد يحتاج كذا أو كذا يقول لك إن شاء الله خلاص أشوف ثم يذهب ولا تستفيد منه شيئاً إذاً هذا التاجر لا متع نفسه ولا عمل لآخرته، أو أحياناً تذهب إلى أحدهم وأنت تريد منه مثلاً أن يبني مسجد في مكان معين لأن هذا المكان يحتاج إلى مسجد وتجد هذا التاجر يملك الأموال الطائلة يستطيع أن يبني عشرة مساجد نعم هو حر في ماله لكن اجعل لك عملاً خيراً في هذه الدنيا تجد ثوابه في الآخرة عندما تحتاج إلى الحسنات فتجد لديك حسنات كثيرة بسبب ماذا؟ بسبب أنك عملت عملاً خيراً قبل أن تموت فأتاك أجره بعد الممات. أخي توست ولا يهون بقية الأعضاء لا أريد أن أطيل عليكم فأقول باختصار أيها التاجر لتكن في الوسط لا مسرفاً ولا شحيحاً متع نفسك بحدود المعقول وبضوابط شرعية واعمل لنفسك عملاً خيراً تجد ثوابه في الآخرة. ملحوظة: أخي توست يوجد من أمثال هؤلاء التجار في بريدة وكذلك في الرياض (جلده، صرمه= بخيل) وأعرف بعضاً منهم. أسأل الله أن يهدي المسلمين أجمعين اللهم آمين، وآسف للإطالة. مع تحيات: كربة النخلة. والسلام خير ختام. |
اقتباس:
اي شاذهــ ياعزيزي بل الكثير منهـــــــــم ولو يسمح المجال لذكرهم لذكرة لك الكثير ممن نعرفهم بعدين من قالك انهم نافعين بلــــــــدهم الا اذا تقصد نافعين بنوك بلـــــــــــدهم فقـــــــــــــط والظاهر ومانشاهد ان اللي نافعين بريده من خارج بريده وجزاهم الله خير مع ان القصد التجاره لهـــــــــم ولكن بنفس الوقت نافعين بريده .. واكبر دليل ((الراجحـــــــــي)) هل هو من بريده . اخي كسيــــــــــــر والله انها ليست شاذهــ .. شكرا لك اخي على المرور. |
اقتباس:
يا توست يعطيهن ولدهـ يروح يلعب بهن بديار برى أو يشتري لولدهـ سيارهـ ويقلب فيها ويموت يا أخي كل وآحد وقناعته وتفكيرهـ ويمكن يجي اليوم اللي يستخدمونهن لو حصل شي وقدر الله ما تدري ترى الدنيا توحش . هذه الأمثــــــــــله ليست مقنعــــــــه واللي كاتبه ربك يصير حتى لو اشترى من فلوسه سياره يعني مايصدم ويموت . بعدين وشلون يجي اليوم اللي يستخدمونهن >> مابقى بالعمر كثر اللي مضى ..عمره 90 الى متى ؟؟؟ يكفي أنه يزوج ولدهـ ويسكنه معه أو يشتري له بيت وأذا ما سوا لولدهـ شي فيه مثل يقول . ليس الفتى من قال هذا أبي ولكن الفتى من قال هذآ أنا.... يعني فسر كمومك وكد بنفسك زي أبوك علشان تطلع فلوس وشرط لو تتعب بنفسك ما عطيت عيالك ولا تقيس على أهل الرياض لأنه فيه فرق بين ناس تتعب بفلوسها وبين ناس الفلوس جتهم وهم جالسين بدون تعب . اللي يزوج ولده ويشتري له بيت .... لايشمل من ذكرت في موضوعي .. نعم البعض سيكد بنفسه ويطلع الفلوس ولكن مالمانع بأن يتمتع مع ابناءه بفلوسه . اخي الرياض ليس قياس بل مثال ولم اذكر الرياض فقط . ومن ناحية ان فيه ناس جتهم الفلوس وهم جالسين .. لايوجد كبير بالسن مره اتته الفلوس وهو جالس. الله يخلي كلن له أبوهـ سواء صقير أو يأكل دجاج أو يأكل أندومي ما دآم انه مهوب يشحذ وعياله يلقون اللي يأكلونه الحمد لله هذا بحد ذاته كافي امين يارب العالمين ونحن لم ندعي عليهــــــم بالعكس الله يطول باعمارهم يارب.. ومالنا دخل وش يأكلون ولكن نتكلم عن الجميع ولم نعمم ..وهناك من يتمنى ان يأكل اللحم وحرم منه وابوه تاجر ... اخي البنوك وملياراته ليست لشخص واحد حتى نتكلم عنها وبعدين تكلمنا مافيه الكافيه عن الربا وذبح المواطن من القروض .. ومن قال اني ازاحم الناس يعني اي واحد يكتب موضوع يصير لازم له دخل من كتابته ولم اتكلم عن نفسي واني اريد مثلهم ,وعندي ولله الحمد خير وخير واجد من فضل الله. اتمنى فهم المقصد من الموضوع قبل الرد لأن الأهم هو الرد قبل الموضوع .. شكرا لحضورك . |
اقتباس:
هلا والله وغلا انت اللي قاطع يالقطوع يحقلك بالرياض وناسينا >> شكلك تاصل البيت دايخ من الزحمه وبعدين صعبه تدخل النت ههههههههههه.. اخي مامثل الوسطيه بالحياة ولكن هناك من هو تحت ام الوسط بخل وبس.. نعم قد يوجد بالرياض وجده وكل مدن المملكه وليس في بريده ولكن ذكرت بريده لأننا نعيش بينهم ولأن االعدد هنا اكثر من غيره مقارنه بالنسبه ... عموما لاتقطع .. |
السلام عليكم:
أبشر يا توستوه. مع تحيات: كربة النخلة. والسلام خير ختام. |
الشكر لك من شارك برأيه ونعتذر عن من اختلفنــــــا معــــــــــه والقصــــــــــد من الموضوع واضـــــــــــــــــــــــح عموماً الله يطول بعمر كل من لديه اب على قيــــد الحياة مهما كانت حياته ..والله يرزقنا وياهـــــــــم ويحسن خواتمنا انه سميـــــــــــــــــع عليــــــــــــم. |
| الساعة الآن +4: 09:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.