مافيه شي محدد حسب الطلبات مره تزود ومره تنقص

بس انا من ناحيتي ماأييد المصروف الشهري<<< طيب وباقي الشهر

يأخي الله يوفي عنك دنيا واخره
وزوجتك لو ضبت امورها مااحتاجت السلفه
وتستطيع التوفير منه
اهم شي التدبير


لو كل مره تراكظ ورا الموضه كان ضاعت الطاسه
كلها خلاقين غلت ولا رخصت

لا شك بأن انفاق الزوج على زوجته واجب شرعا

طبعا على حسب حالته الماديه وعلى الزوجه أن تراعي ظروف زوجها

وماتكلف عليه اذا كانت حالته الماديه ماتسمح ..


أما اذا كان مقتدر ومغنيه الله تطلب حسب طاقته .. موتنفض جيوبه كله

بعض النساء هاداهن الله تكلف زوجها مالايطيق من أجل أن تحوز على اعجاب فلانه وعلانه !!

صحيح أن من حقها التجمل والتزين لكن ليس على حساب الزوج !!


والمفروض يعطيها كل ماطلبت يعني ماله داعي مصروف شهري

الا الأزواج الرسميين في تعاملهم أو من النوع اللي يحب يحدد مصروف

لزوجته عشان ماتزعجه !!

يعني كل ماراحت للسوق يعطيها على حسب قدرته !!


.

بصراحة على حسب دخل الزوج و الالتزامات و الأقساط
بس لو نظرنا لكثير من الأشياء التي نشتريها لوجدنا انها غير أساسية
وربما غيرها وارخص منها يقوم مقامها
((لينفق ذو سعة من سعته ))

.
.

برأيي (1000) ريال شهريا كافية ، سواء كان فيه مناسبه أو عيد ونحوهما أم لا..

لإني لن أحتاج للصرف في كل شهر ، فيبقى في رصيدي مايكفي للمناسبات الخاصة


تحياتي

بصراحة مالي مصروف محدد بس اذا طلبة مايقصر اللة يخلية لنا

بصراحه اذا كان هو اللي يصرف عليك من تسديد فواتير وشراء حاجاتك وشراء ملابس انتي وعيالك ليش نظلمهم بالعكس انا اقول ماله داعي يعطيك<<الحين بيعصبن علي الحريم
الا اذا كان يعطيك من غير ماافرض عليه
(تقبلوا تحياتي وهذي وجهت نظري)

بلا مصروف بلا هم

اذا بغت تشري شي طلبت منه

لا والله فاضين حق راتب شهري كل نهايه الشهر وين الراتب الحمد لله اني مابعد تزوجت خخخخخخخخخخ



داخله وهو خاص للمتزوجات ((((((((ساده محد قالكم خلوه في بنات بريده لان الموضوع ملفت))))))))))

والعطلة قربت

وقت الاعياد والمنااسباات يعطيهاا لها ولعياالهاا
ولما يوديها لااهلهاا فترة يعطيهاا

وانا ارى ان المفروض 500 ريال شهرياا لو احتااجت الزووجة شي وهي بعيدة عنه والمراة مثلا تبي تضحي او تصدق فاتستفيد منهاا وتحس انه منها ماهو من زوجهاا,,

اما فاتورة الجواال وغيره عالزوج

والله يوفق الجميع..

زميلتي متزوجة وعندها ولدين وبنتين
ويعطيها زوجها كل شهر مصروف 300ريال
وعليها ملابس العيال والبنات وملابسها وفاتورة جوالها

لا وكل مرة ينافخ عليها ويقول :مافيه احد يعطيك كثري؟؟؟