للاسف كل اللي يأخذون عقود انكحه هـــم
1 - موضف
2- امام مسجد او مؤذن
3- خطيب مسجد
4 - عضو بالجمعية ومدري وين هذا اللي حنا نعرفه .....
كل الوظايف هذي وفوق كذاا يطلبنون 500 ريال
المفروض هذا يكتب اسمه هنا ويشهر فيه . عشان اللي غيره يخاف الله

ممكن الرابط .. الله لا يهينك ..

ممكن لايش لا

غريب والله كنت أحسبه لازم يدفعون لهم

أخوي نفس الشيء دفع 500 ريال لمأذون أنكحة بالضاحي

ولما قلت وليش 500 قالوا يوثق العقد بالمحكمه

شغال على الخطين اخونا فالله المأذون ذا

الذي أعرفه واطلعت عليه بنفسي

أن أحد مأذوني الأنكحة إذا حضر إليك في البيت

يمتنع عن تناول القهوة

كل ذلك حتى لا يكون أجرًا على عمله

فجزاه الله عنا وعن المسلمين خيرًا

شكرا على التوضيح

عجايب الدنيا

حنا نبلع البعير و نغص بالنملة

يا جماعة اللي ياخذ هذا اللي يسحبونه الناس لبيوتهم و من حقه ياخذ

و انتم مقيمين الدنيا و ما اقعدتوها علشان 500 ريال و اللي دافعهن دافع كثرهن 100 مره ما وقفت عليهن يعني

وينكم عن حقين الملابس اللي يلعبون على الكبير و الصغير و ياخذون ملايين مملينه مقابل ملابس ما تساوي هلل

وينكم عن المطاعم اللي يبيعونكم الدجاجه بـ 24 و قيمتها 6 ريالات

وينكم عن مكاتب العقار اللي تاخذ سعي 500 ريال مقابل كتابة عقد ايجار بـ 4000 ريال

حنا يا جماعه ما نجي الا بالغصب

لو كان المبلغ هذا غرامه رحنا نرررررررررررررررركض ندفعه علشان ما يزود

لكن هالمسيكين يبي ياخذه مقابل خدمته لكم ثارت ثايرتكم


هدوا اللعب الله يصلحكم و ما صارت هذي من اكبر المصايب بالديره علشان نشغل انفسنا فيها



بعدين الاخت اللي تقول ما فيه ببريده احد ياخذ

اقول لها لا تنطقين رجماً بالغيب

الا فيه ناس تاخذ و لكن مو حرام انهم ياخذون..و فيه ناس كثير ترفض

و الحمدلله اللي ما يبي يدفع يسأل عن المأذون اللي ما ياخذ و يروح له خاصه اننا ببريده يعني مشاويرنا سهله مو زي الرياض

و قضيينا مو محتاجه السالفه موضوع طويل عريض بحجم هالموضوع

:41:41:41

صار راعي مكتب عقار عقد ايجار شقة سعي 500 ريال

كلن صار يلهط بالبلد الله يعين المسلمين